Joshua 17:1 - ŊWÀʼ NYÙY

¹ Nsay ye vé‑eè foon e rám Manassèe rə̀ne. Manasse‑eè dzə̀ wan Joosev mbìy, a wan Manasse‑eè dzə̀ Makir, a yì‑iì dzə̀ tàr à Gilead. Mo Gilead‑iì dzəə̀n wir rə̀r wo tavín, vé‑eè fò nsay e kfə́ə rəə́ é ndzə̀n Jordan, e mbìv yee fo shùy yii tó, a nsay ye vé‑eè foon‑eè dzə̀ yeé Bashan wùn à yìmòʼ ye vé‑eè loòn, a yòŋ ji Gilead.

Joshua 17:1 Iomraidhean Croise

Kèʼlo 41:51

Joosev shù yír wan mbìy ji Manasse, e sùúy jii, «Nyùy yiì ne, m láysín ŋgeʼ sém sidzə̀m wùn à kfə́ə tàr worí.»

Kèʼlo 41:52

Wù shú yé wan bàm ji Efrayim, e sùúy jii, «Nyùy yiì ne, m wáa dzə taà kfəə e wòŋ wo mò‑oò yén ŋgeʼ fo.»

Kèʼlo 46:20

Joosev wùn Asenat dzəə́ Manasse wùn Efrayim e Ejiv. Asenat və̀n‑eè dzə̀ wan Potifera woo taà cù woó On.

Kèʼlo 48:17

Joosev yén, a tàr wov neer kiwó ke yìy kí e Efrayim kitu, kí tén wun. Wù ghár kiwó ke tàr wov ji wun tsəʼ a fo Efrayim kitu, e neèr a e Manasse kitu. Wù wáa tsə̀ʼ bèy,

Kèʼlo 48:18

a suúy jii, «Àáyǎ taàtá, wan mbìy dzə̀ və̀n. Neèr kiwó ke yìy kí a dzə̀ e woo shoon kitu.»

Kèʼlo 50:23

e yèn wón wón Efrayim. Makir woo wan Manasse dzəə́ wón, Joosev keérí, á kúy sá e wun kiwo.

2 Samuel 2:9

Wù nèn kòʼór wun ji fon ji wù wáa saʼ a mbìv wòŋ yee Gilead wùn à yee Asher, à yeé Jesreel, à yeé Efrayim, e lì yeé Benjamin, dzə̀ ji woŋ Isray e dzə̀m.

1 Wòŋ 2:23

Yii bèy, wír veé Geshur wùn à veé Arame wìy lò, e faàsì Havot‑Jayir, e faàsì Kenat wùn à ntèʼ see fó ghaŋ si mntuùfú, a wír vee fó adzə̀me kù‑uù dzə̀ rám Makir woo tàr à Gilead.

Esiker 47:13

Kinyo ke Nyùy Tàr woo Taà Ndzə yoŋ ki dzə̀ jii, «À wíy lóo jàv nsay e wír veé Israyi mo rám see nshòv sibaà e ghvə̀m si dzə̀kìn, à kù jùmrì bìíy se m lo, e dìn. Dzə̀ vitsə́ʼ vév, a kfə́ə Joosevi kù wíy a ker vilíŋ vibaà.

Esiker 48:4

Nsay ye yì səʼən ye rám Navtali dzə̀ ye rám Manasse, a yì shèr woŋ fo mbìv yee fo shùy yii tó, a kfənér fo yì yii nəə.

Kintaŋ 26:29

Ké rám Manasse ki dzə̀ jii, Makir‑iì dzə̀ tàr à Gilead. Kfəə́ se sí‑iì ràmèn fó Gilead si wáa dzə jii,

Kintaŋ 27:1

Wón Tsəlofehadi nèn kòʼtí fo mentsə̀m, aáwune‑eè dù, e fəə̀ vikìy vikìy. Tsəlofehad‑iì dzə̀ wan Hefer, a Hefer dzə̀ wan Gilead, a Gilead dzə̀ wan Makir, a Makir dzə̀ wan Manasse, a Manasse dzə̀ wan Joosev. Yír sé won vin si‑iì dzə̀ jii, Maala wùn à Noa, à Hogla, à Milka, à Tirsa.

Kintaŋ 32:33

Mooser nèn tàtí nsay Fòn Sihon woo fon wìr veé Amor wùn à ye Fòn Og, woó Bashan, e fò e rám Gad wùn à yé Rubene, e fò sá e kintoʼnìn ke rám Manasse woo wan Joosev ki. Wù lòo fo, e tàtí ŋgvən si wùn à ŋkà se laʼ si, e kù nèn fò bey woŋ e dzə̀m.

Remrí 21:17

Wù kù kér fóo fo vifá e wàn wiíy wo wù ban və̀y, e dzə̀sì, e fíʼ dìn ji dzə̀ á wán və mfùmèn.»

Joshua 17:2

Fo kibér ke rám Manasse ki, áwune nèn kòóy yéev yee nsay e ndzə̀n Jordan və̀n woo fo shùy yii nəə. Vé‑eè fò mo kfə́ə sév sí dzə̀kìn, a sí dzə̀ jii, yé Abieser wùn à yé Heleki, à yé Asrieli, à yé Shekeme, à yé Heferi, e lì yé Shemida. Á kfəə́ se wìr ve dzəə̀n rám Manasse woo wan Joosev.

Joshua 22:7

Ké kintoʼnìn ke rám Manasse kì dzə̀, a Mooser‑iì fò ne áwune nsay e Bashan ji vitsə́ʼ vév. Yii bèy, fo kímóʼ kee kintoʼnìn ke rám Manasse ki, a Joshua‑aà fò ne yéev yee nsay aàfə́r véví ghaŋ e nsay yeé mbìv Jordan, a kfən e mbìv yee fo shùy yii nəə. Mo Joshua màʼtìn vísə vee wíri ji á du á e melaʼ, wù lòo səə̀vì,

Atǎr Nsaʼ 5:14

Ámóʼó‑oò lò fó Efrayim wo rám yéví‑iì fəərin wír veé Amalek fo nsay fèy. Rám Benjamin, vèn‑eè jumrì áwune vèn à wír véné. Vitú ve rər ví‑iì lò kév fó Makir, ve vé‑eè béʼ kòŋ sé mfòómeé ló fó Sebulun.