Joshua 16:9 - ŊWÀʼ NYÙY

⁹ e kfə̀n lì sa ŋkà se laʼ símóʼ sí wùn à ntèʼ sév sí se sí dzəə̀n é nsay rám Manasse, aá lém jeéy ji sé rám Efrayim.

Joshua 16:9 Iomraidhean Croise

2 Samuel 2:9

Wù nèn kòʼór wun ji fon ji wù wáa saʼ a mbìv wòŋ yee Gilead wùn à yee Asher, à yeé Jesreel, à yeé Efrayim, e lì yeé Benjamin, dzə̀ ji woŋ Isray e dzə̀m.

1 Wòŋ 7:28

Nsay rám Efrayim wùn à virə́ʼ vév vé dzə vi dzə̀ jii, Betel wùn à ntèʼ se sí kaarin fó si, à Naaran wo wù dzəə̀n é mbìv yee fo shùy yii tó, à Geser wo wù‑uù dzəə̀n é mbìv wòŋ fo shùy yii nəə, aá tátí wùn à ntèʼ see fó ghaŋ si, e bóo lì Shekem wùn à ntèʼ see fó si, e lì Ayya wùn à ntèʼ see fó si.

Esiker 48:5

Nsay ye yì səʼən ye rám Manasse dzə̀ ye rám Efrayim, a yì shèr woŋ fo mbìv yee fo shùy yii tó, a kfənér fo yì yii nəə.

Joshua 16:10

Yii bèy, bó wír veé ram Efrayime yòʼ‑oò lo jùm wír veé Kanan ve vé‑eè dzəə̀n é Geser. Wír veé Kanan vìne ku nèn a dzə e wír vee Efrayimé mvəm e shem lán, aá dzə̀ ji akwǎn wìr veé Efrayim.

Joshua 17:9

Bìíy nen sə̀y tsə́n tsə́n, e dù, e bàʼ e kiwoóy ké ndzəv yee Kana, a gwàmrì kuy kuy, e dù, e ndzə̀y e Rìbà Ndzə̀v woo Mediteranean. Nsay ye yì kfənen tsə́n wáa dzə ye rám Efrayim, ye yì kfənen kuy nén a dzə ye rám Manasse. A wír veé ram Efrayime kér ŋkà se laʼ símóʼ sí é nsay rám Manasse fèy. Fo mbìv wòŋ yee fó kùy, rám Manassèe nen jàv bìíy wùn à yé Asheri e mbìv yìmòʼ, e kfə̀n jàv wùn à yé Issakari e mbìv ye yì kiʼ fo shùy yii tó.