Joshua 16:5 - ŊWÀʼ NYÙY

⁵ Nsay ye vé‑eè foon e rám Efrayim mo kfə́ə sév sí dzə̀kìné rə̀ne. Bìíy yee fó tsən‑eè kèʼ fó Atarot‑Addar, e dù mèé e Bet‑Horon Kùy,

Joshua 16:5 Iomraidhean Croise

2 Samuel 2:9

Wù nèn kòʼór wun ji fon ji wù wáa saʼ a mbìv wòŋ yee Gilead wùn à yee Asher, à yeé Jesreel, à yeé Efrayim, e lì yeé Benjamin, dzə̀ ji woŋ Isray e dzə̀m.

1 Wòŋ 7:24

Efrayim‑eè kér wán woo wiíy, a yírí dzə̀ Sheera, a dzə̀ wun wo wù‑uù bàʼrìn mvəmlaʼ Bet‑Horon, ye Kùy wùn à ye Tsə̀n, à Ussen‑Sheera.

1 Wòŋ 7:28

Nsay rám Efrayim wùn à virə́ʼ vév vé dzə vi dzə̀ jii, Betel wùn à ntèʼ se sí kaarin fó si, à Naaran wo wù dzəə̀n é mbìv yee fo shùy yii tó, à Geser wo wù‑uù dzəə̀n é mbìv wòŋ fo shùy yii nəə, aá tátí wùn à ntèʼ see fó ghaŋ si, e bóo lì Shekem wùn à ntèʼ see fó si, e lì Ayya wùn à ntèʼ see fó si.

Esiker 48:5

Nsay ye yì səʼən ye rám Manasse dzə̀ ye rám Efrayim, a yì shèr woŋ fo mbìv yee fo shùy yii tó, a kfənér fo yì yii nəə.

Joshua 10:10

Nyùy Tàr wáy kindzə́m e wír veé Amorí shiliv, á wáa fàn, a tùʼtìn e shúu rər woó Israyí si. Wír veé Israyi wáa jùm áwune, a gwàtì e Gibeon foo fèy, e jùm, e sə̀y shó e dzəə̀ Bet‑Horon. Á ku jùm, e gwàtì bèy, e sə̀y é Aseka wùn ǎ Makkeda.

Joshua 16:2

Yì nèn shaà Betel, e dù e Lus, e kfə̀n shaà, e bìʼír e Atarot fo dzəə̀n ŋgvən wìr veé Arek,

Joshua 18:13

Bìíy ló fó fo, e lìysín, e dù, e bàʼ e bam wo wù dzəə̀n tsə́n fo Lus wo dzəə̀n sá ji Betel, e nèn shaà, e sə̀y é Atarot‑Addar wo wù dzəə̀n é ghaa gwan wo wù dzəə̀n tsə́n fo Bet‑Horon Tsə̀n.