Joshua 16:3 - ŊWÀʼ NYÙY

³ e nèn lò, e sə̀y, a dù e mbìv yee fo shùy yii nəə, e dù bàʼ e wír veé Jafletí ŋgvən, a shaà, a dù e ŋgvən Bet‑Horon Tsə̀n, e shaà dù e Geser, e nèn dù ndzə̀y e Rìbà Ndzə̀v woo Mediteranean.

Joshua 16:3 Iomraidhean Croise

1 Wòŋ 20:4

Shintàm shi lòo dàr, wír veé Israyi kfən tsə̀ŋén rə́r wùn à wír veé Filistiàa é Geser, e tòn áwune. Kin ki‑iì dzə̀ é ghan se Sibbekay woo wír woó Hushat‑iì yuyrin Sippay wo rám yéví dzəə̀n yé viŋgáʼ ve wíri.

1 Wòŋ 7:24

Efrayim‑eè kér wán woo wiíy, a yírí dzə̀ Sheera, a dzə̀ wun wo wù‑uù bàʼrìn mvəmlaʼ Bet‑Horon, ye Kùy wùn à ye Tsə̀n, à Ussen‑Sheera.

1 Wòŋ 7:28

Nsay rám Efrayim wùn à virə́ʼ vév vé dzə vi dzə̀ jii, Betel wùn à ntèʼ se sí kaarin fó si, à Naaran wo wù dzəə̀n é mbìv yee fo shùy yii tó, à Geser wo wù‑uù dzəə̀n é mbìv wòŋ fo shùy yii nəə, aá tátí wùn à ntèʼ see fó ghaŋ si, e bóo lì Shekem wùn à ntèʼ see fó si, e lì Ayya wùn à ntèʼ see fó si.

2 Wòŋ 8:5

Wù kfə̀n‑eè bàʼrì sá Bet‑Horon Kùy wùn à wo Tsə̀n, e siìr fo. Ŋkà se laʼ sìn si‑iì dzə̀ vikum ve ŋkà se laʼ, a sí kér kay si, a shuu se kày si kér kóŋ sé mfìn, a dzə̀ see visha.

Kintaŋ 34:6

«Fo bìíy yeé mbìv yee fo shùy yii nəə, é wáa dzə Rìbà Ndzə̀v woo Mediteranean, e dù bèy e ŋguùŋè ndzə̀v.

Joshua 10:33

Fòn Horam woó Geser nèn wìy ji wun tóm á wír veé Lakish, Joshua tòn, e yùyrí wír və́ adzə̀m, la wìr yòʼ gòʼ e tin.

Joshua 18:13

Bìíy ló fó fo, e lìysín, e dù, e bàʼ e bam wo wù dzəə̀n tsə́n fo Lus wo dzəə̀n sá ji Betel, e nèn shaà, e sə̀y é Atarot‑Addar wo wù dzəə̀n é ghaa gwan wo wù dzəə̀n tsə́n fo Bet‑Horon Tsə̀n.

1 Samuel 13:18

wúmóʼó wàa dù e mbìv Bet‑Horon, wúmóʼó wàa dù e mbìv bìíy ye yì kiʼ Kiwoóy ké Tsəboyim e ŋkìʼnìn wòʼ.