Joshua 16:2 - ŊWÀʼ NYÙY

² Yì nèn shaà Betel, e dù e Lus, e kfə̀n shaà, e bìʼír e Atarot fo dzəə̀n ŋgvən wìr veé Arek,

Joshua 16:2 Iomraidhean Croise

Kèʼlo 28:19

e nèn shù yír kirə̀ʼ kee shooy ji Betel, a vé‑eè yoŋ fó fo mbìy ji Lus.

2 Samuel 15:32

Fòn Davir kóʼ, e mèé e kitu ke gwan fo vé‑eè lo, á wàa cù Nyùy, Hushay woo wír woó Arek wìy ji wun yén á wun. A wù wiy e kibvər kí kitu, a ndzə̀y sí dzə̀ sisaasìn.

2 Samuel 15:37

Á bèy, Hushay woo ŋkar Fòn Davir ku nèn a kfən e ŋkàlaʼ Jerusalem, a meé fo, a Absalom kù dzəə́ nəə nə̀ə́n.

2 Samuel 16:16

Hushay woo wir Arek woo ŋgaà ntir Fòn Davir bvə́y fó, a waamé jii, «Nyùy dzəsi dzəʼə̀m fòn, Nyùy dzəsi dzəʼə̀m fòn.»

1 Wòŋ 27:33

Ahitofel‑iì dzə̀ ŋgaà ntir woó ntoʼ, a Hushay woó Arek dzə̀ ŋkar fòn.

1 Wòŋ 7:28

Nsay rám Efrayim wùn à virə́ʼ vév vé dzə vi dzə̀ jii, Betel wùn à ntèʼ se sí kaarin fó si, à Naaran wo wù dzəə̀n é mbìv yee fo shùy yii tó, à Geser wo wù‑uù dzəə̀n é mbìv wòŋ fo shùy yii nəə, aá tátí wùn à ntèʼ see fó ghaŋ si, e bóo lì Shekem wùn à ntèʼ see fó si, e lì Ayya wùn à ntèʼ see fó si.

Joshua 18:13

Bìíy ló fó fo, e lìysín, e dù, e bàʼ e bam wo wù dzəə̀n tsə́n fo Lus wo dzəə̀n sá ji Betel, e nèn shaà, e sə̀y é Atarot‑Addar wo wù dzəə̀n é ghaa gwan wo wù dzəə̀n tsə́n fo Bet‑Horon Tsə̀n.