Joshua 16:1 - ŊWÀʼ NYÙY

¹ Nsay ye vé‑eè foon e wír ve vé‑eè ràmèn fo Joosevi rə̀ne. Bìíy yee fó tsən‑eè kèʼ fó ndzəv yee Jordan e ghaa adàn ve á dzəə̀n é mbìv Jeriko ye yì kiʼ fo shùy yii tó. Yì nèn dù, e shaà Jeriko, e kòʼ, e dù tòsín wóʼ, e nə̀ə́ e mbìv aŋkoŋ veé Betel.

Joshua 16:1 Iomraidhean Croise

Kèʼlo 35:24

Vé Racel vee vilume‑eè dzə̀ jii, Joosev wùn Benjamin.

Esiker 48:5

Nsay ye yì səʼən ye rám Manasse dzə̀ ye rám Efrayim, a yì shèr woŋ fo mbìv yee fo shùy yii tó, a kfənér fo yì yii nəə.

Joshua 15:61

Ŋkà se laʼ se Juda seé kirə̀ʼ ké woʼ sí‑iì dzə̀ jii, Bet‑Araba, Middin, Sekaka,

Joshua 18:12

Fo mbìv yee kuy, bìíy yev kèʼ fo Jordan, e nèn kòʼ é wòŋrí gwan, kuy kuy fo Jeriko, e kòʼ é wòŋ agwan, e kù a dù e mbìv yee fo shùy yii nəə, e dù bèy, e bàʼ e woʼ yeé Bet‑Aven.

Joshua 18:5

Vèn yíi toʼtí virə́ʼ saàmbà, é Juda goʼ e wun kirə̀ʼ ke kí kfənen tsə́n, é wír veé ram Joosevi goʼ e kév kee kirə́ʼ kí ke kí kfənen kuy.

Joshua 8:15

Joshua wùn à wír və́ adzə̀me nèn siìr a dzə̀ ŋkfənèr, a leʼ a dù e mbìv wòʼ, a boʼ ji áwune fàn ne a wír veé Ay.

Atǎr Nsaʼ 1:22

Wír vee kfə́ə Joosevi nèn lò sa kév, e kòʼ, e tsə̀ŋén rə́r wùn à wír veé Beteli, Nyùy Tàr wáa tom áwune.

Atǎr Nsaʼ 1:23

Áwune tsə́nsí vé ŋkiyi é Betel, a vé‑eè yoŋ Betel fo mbìy ji Lus, Nyùy Tàr wáa tom áwune.

1 Samuel 30:27

Wù‑uù tsə̀nsí e veé Beteli, e tsə̀nsí e veé Ramot wo wù dzəə̀n é mbìv Juda yee tsə́n, e kfə̀n tsə̀nsí e veé Jattiri,