Joshua 15:8 - ŊWÀʼ NYÙY

⁸ Kù bey, bìíy nèn kù kòʼ é Kiwoóy ké Ben Hinnom, e dù a gwàmrì a shaà tsə́n tsə́n e babá sé ŋkàlaʼ wìr veé Jebus, a dzə̀ ji Jerusalem. Yì nen shaà, e kòʼ é kitu ke gwan wo wù neèmèn é mbìv kùy Kiwòóy ké Hinnom, e mbìv yee fo shùy yii nəə mo Kiwoóy ké Refayim ki duùn a ndzə̀y fo kùy.

Joshua 15:8 Iomraidhean Croise

2 Samuel 5:18

Wír veé Filistiàa wìy, e sàŋrì wún é Kiwoóy ké Refayim,

2 Samuel 5:22

Shintàm shi lòo dàr, wír veé Filistiàa kfən siì wìy, e sàŋrì wún é Kiwoóy ké Refayim.

2 Afòn 23:10

Fòn Josia‑aà bvə̀ʼə́y sá kirə́ʼ ké cù kee Tofet ke kí‑iì dzəə̀n é Kiwoóy ké Ben Hinnom. A wù‑uù bvə́ʼəy ji lá wìr yòʼ kfə̀n a lì a wán və woo wiíy, kìn woo lumèn, a tòn fo ji wun cu a nyùy woo Molek.

1 Wòŋ 11:4

Fòn Davir wùn à wír veé Isray adzə̀me nèn dù e Jerusalem, wo vé‑eè yoŋ ji Jebus, a dzə́ wír veé Jebus fo mo yì‑iì dzəə̀n nsay yev.

2 Wòŋ 28:3

e kfə̀n lò, a tòn kiláy é Kiwoóy ké Ben Hinnom. Wù kfə̀n‑eè bìʼnìn viŋkoʼòy ve vinyò ve vitúm ve Nyùy Tàr‑iì jùmèn fo wír veé Isray mbìy vi‑iì yii. Wù‑uù lì wón və́, e tòn, e cù anyùy sho.

Nehemia 11:30

ǎ Sanoa, ǎ Adullam, ǎ ntèʼ see fó si. Vé‑eè dzə́ e Lakish, ǎ ŋgvən see fó si, e kfə̀n a dzə e Aseka, ǎ ntèʼ see fó si. Nén a dzə jii, áwune‑eè dzə̀ʼə̀m, e kèʼ fo Beersheba fo mbìv yee tsə́n, e dù, e mèé e Kiwoóy ké Hinnom fo mbìv yee kuy.

Aysaya 17:5

Kí wíy a dzə moó ghan se á yii káv vifá, ghán se vé lìme yii tín saár, báʼti e vikfər vikfər, ramsì kóy, tín vitú ve saàr. Kí wíy a dzə moo vé kitàn ve á síy saár ye vé lìme shaàn é Kiwoóy ké Refayim.

Jeremia 19:14

Jeremia yiì dù, e kfə̀n é bàm fó Kiwoóy ké Tofet, fo Nyùy Tàr‑iì tumen wun, wù dù, e tiìsí ntum. Mo wù wìyìn, e tìím e maàndzə yeé lav cù, e sùúy e wìr dzə̀m jii,

Jeremia 19:2

é vèr áwune du á e Kiwoóy ké Ben Hinnom, dzə́ə fó shùu kày wo á yoŋ ji wó Vimbvə́ʼ ve Vifa. Á mee fo, é m fiʼti á kinyo ke wun suuy e mò aáwune.

Jeremia 19:6

Bo ke mo woo Nyùy Tàr suuy ki dzə̀ jii, ghán sí wíy gheén, é la á yòʼ dzə́ə a yòŋ fen ji Kiwoóy ké Tofet, kìn ji Kiwoóy ké Ben Hinnom. Á wíy a yòŋ a dzə̀ ji Kiwoóy ké Kinjuyrì.

Joshua 15:63

Yii bèy, la wír veé Judàa yòʼ yù fóo jùm wír veé Jebus ve vé‑eè dzə́ e Jerusalem, e fəə́r. Wír veé Jebusi ku nèn a dzə wùn à wír veé Judàa é Jerusalem e shem lán.

Joshua 18:16

Yì nen sə̀y, a dù, e bàʼ e ghaa gwan wo wù kíy Kiwoóy ké Ben Hinnom, ke kí ndzəy kuy fo Kiwoóy ké Refayim. Yì nen sə̀y é Kiwoóy ké Hinnom tsə́n fó wòŋrí gwan woó Jebusi, e sə̀y róŋ róŋ, e bàʼ e En‑Rogel.

Joshua 18:28

Tsəla, Ha‑Elev, Jebus a dzə̀ ji Jerusalem, Gibea, e lì Kiriat‑Jearim. Ŋkà se laʼ nshòv sikweè e ghvə̀m wùn à ntèʼ sév sí. Á ŋkà se laʼ se rám Benjamin mo kfə́ə sév sí dzə̀kìn.

Atǎr Nsaʼ 1:21

Yii bèy, bó wír veé ram Benjamine yòʼ‑oò lo jùm wír veé Jebus ve vé‑eè dzə́ e Jerusalem. Wír veé Jebus vìne ku nèn gòʼ, a dzə wùn à wír vee rám Benjamine e Jerusalem, e wìy shem lán.

Atǎr Nsaʼ 1:8

Wír vee rám Judàa‑aà fùnèn veé Jerusalem, e tòn áwune, e faàsì nsay yev. Vé‑eè yùyrí wír veé Jerusalem, e tòn ŋkàlaʼ yev e və́yí.

Atǎr Nsaʼ 19:10

Yii bèy, la wù yòʼ dzəə biìmé, e shìíy. Wù nèn ŋàʼáy, a dù dzə́ə fó Jebus wo á yoŋ lán ji Jerusalem. Wù‑uù lò, a dù wùn à wiiy və wo lemèn, à vimbèʼbìy və́ vee vibaà ví, aá kúr ne vifá e ndzə̀m wó.