Joshua 15:7 - ŊWÀʼ NYÙY

⁷ Bìíy lò fo fo, e shaà e Kiwoóy ké Akor, e dù fəə̀sín e Debir, e nèn tèém, e shaà kuy kuy, e kìʼ Gilgal wo wù dzəə̀n é ŋkìʼnìn bam Adummim wo wù dzəə̀n tsə́n fó kiwoóy. Bìíy nen shaà bèy, a dù, e bàʼ aàdàn veé En‑Shemesh, e shaà mèé e En‑Rogel.

Joshua 15:7 Iomraidhean Croise

2 Samuel 17:17

A Jonatan wùn Ahimaas vee vé ntume‑eè dzə́ kév é En‑Rogel fo vé‑eè shiy sáʼka. Á yòʼ‑oò nəə e ŋkàlaʼ fo á yén áwune. A kwàn woo wiíy wúmóʼó lo, wú wàa lì vinyo ve ví kooyì, a dù, a suúy aáwune, bo áwune wáa lì, a dù, a naàrì e Fòn Davir.

1 Afòn 1:9

Wáa dzə e kishiíy kímóʼ kí, Adonija cù Nyùy aànjìi wùn aànàʼa, à vinsòŋ ve anàʼ vi é kirə̀ʼ ke á yoŋ ji Tíy Yò, e ghaa ntoò ndzə̀v yeé En‑Rogel. Wù‑uù bì afə́r və́ adzə̀m ve dzəə̀n wón ntoʼ wùn à wír veé Judàa adzə̀m ve yì‑iì dzəə̀n atǎr ntoʼ.

Aysaya 65:10

Mboʼ Sharon wíy gheén e ye á wáa lèm anjiì vév fó, é Kiwoóy ké Akor ki gheén sá feyì e ke á wáa dànèr nyám sév fó ki, é wáa dzə vijuŋ ve wìr vém ve vé‑eè yár jíŋ yem.

Hosea 2:5

Yè wov dzə̀ sàkì, a wù yòʼ kér dzə̀rkìtu, bóŋ bvəm e ndzə, là woómé. Wù lo, wù wàa sevtí jii, ‹M kér fó a jùmrì vilum ve á koŋ mo, aáwune wáa geʼ e mò, a fo viyíkìr, a fo mendzə́v, a fo ndzə̀y wùn à meŋgvə́r me *oliv mè, é m kfə́n a koóy bàr kifa wó a bàʼ shuu sho.›

Joshua 10:43

Joshua màysì bèy, wùn à shúu rər woó Israyi nèn kfə̀n é bàm é Gilgal.

Joshua 15:15

Wù lò fo fo, e kòʼ, a ghiʼ wír veé Debir, a vé‑eè yoŋ Debir fo mbìy ji Kiriat‑Sefer.

Joshua 15:6

e kòʼ, e mèé e Bet‑Hogla, e shaà, a gwàmrì Gwan Bet‑Araba, e shaà fo mbìv yee kuy, e kòʼ, e dù mèé e kilan ke á yoŋ ji ké Bohan wo yì‑iì dzəə̀n wan Ruben.

Joshua 18:17

Yì nèn tèém, a dù e mbìv yee kuy, a kìʼ En‑Shemesh, e shaà, e dù e Gelilot e ŋkìʼnìn ŋgèm sibaà é Adummim, e nèn sə̀y é kilan ke Bohan wo yì‑iì dzəə̀n wan Ruben.

Joshua 4:19

Lòo dzə e kishiíy kee ghvə̀m, e ŋwee mbìyi, wír veé Israyi kóʼ fó ghaa Jordan, e dù beè e Gilgal wo wù dzəə̀n é ŋguùŋè Jeriko fo mbìv ntoshùy.

Joshua 7:24

Joshua wùn à wír veé Isray adzə̀me nèn lì Akan woo wan Sera, e tàtí kishà ke mbàm ke fəvír kí, à ndzə̀y sí, à kisha ke mbàm ke baar kí, à wón və́ vee vilum, à vee vikìyí, e lì anàʼ wùn à vimbèʼbìy ví, à bvə́y si, à kibàn kí, e tàtí kifá kfə́ kidzə̀m ke wù‑uù kérí, e dù sho e Kiwoóy ké Akor.

Joshua 7:26

Á màysì, e nèn fùm vilán e wun kitu, a ví dzə̀ə́ fo e shem lán. Áwune yiì bèy, Nyùy Tàr nèn yàr kilòŋ ke shwiiyín kí. Kèʼ fo ghan fóo fèy, á nèn kù a yòŋ kirə́ʼ kee shooy ji Kiwoóy ké Akor, a dzə̀ ji Kiwoóy ké Lòn.