Joshua 15:62 - ŊWÀʼ NYÙY

⁶² Nibshan, Ŋkàlaʼ Shiŋgwaŋ, e lì En‑Gedi. Ŋkà se laʼ sìn si wáa dzə ntuùfú, e bóo lì ntèʼ sév.

Joshua 15:62 Iomraidhean Croise

2 Wòŋ 20:2

Wír ámóʼó nèn dù, e bùn Fòn Jehoshafat jii, «Vé rərí wiy agháʼán fó Edom, ji á nəə́ á fon e rə́r sí, aá wiy fo ndzə̀n Ndzə́v Shiŋgwaŋe, aá sì é Hasason‑Tamar, wo dzəə̀n En‑Gedi.»

Yòv Viŋgér 1:14

Ŋkar yem tìm dzə̀ moo kiŋkur ke vibuùshì, vibuushì, a ví buy e sum seé En‑Gedi, rəm, rəʼtìnè.

Esiker 47:10

Wíri wíy a koo sə́ fo Ndzə́v Shiŋgwaŋ, e kèʼ fo En‑Gedi, e dù, e meé e En‑Eglayim, a sàŋ alálán e ghaa ndzəv. Sə́ si wíy a dzə kfəə́ e neénín moo se sí dzəə̀n é Rìbà Ndzə̀v woo Mediteranean.

Joshua 15:61

Ŋkà se laʼ se Juda seé kirə̀ʼ ké woʼ sí‑iì dzə̀ jii, Bet‑Araba, Middin, Sekaka,

Joshua 15:63

Yii bèy, la wír veé Judàa yòʼ yù fóo jùm wír veé Jebus ve vé‑eè dzə́ e Jerusalem, e fəə́r. Wír veé Jebusi ku nèn a dzə wùn à wír veé Judàa é Jerusalem e shem lán.

1 Samuel 23:29

Davir nèn lò kfə́, e dù e virə̀ʼ vé kilìr veé mbìv En‑Gedi.

1 Samuel 24:1

Saul dù, e fùnèn wír veé Filistia bèy, e kfə̀n é bàm, á nèn sùúy e wun ji Davir waà dzə̀ á e woʼ yeé En‑Gedi.