Joshua 15:60 - ŊWÀʼ NYÙY

⁶⁰ Símóʼ sí wáa dzə Kiriat‑Baal wo vé‑eè yoŋ sa ji Kiriat‑Jearim, e kfə̀n lì Rabba. Ŋkà se laʼ sìn si wáa dzə sibaà, e bóo lì ntèʼ sév.

Joshua 15:60 Iomraidhean Croise

1 Wòŋ 2:50

Wír vee ràm fo Kalev ámóʼó víne. Wan və mbìy dzə̀ Hur wo wù‑uù dzəən wùn Efrata. Wàn Hur woo Shobal nèn wìy a dzə tàr à wìr veé Kiriat‑Jearim,

Joshua 15:59

Maarat, Bet‑Anot, e lì Eltekon. Ŋkà se laʼ sìn si wáa dzə ntuùfú, e bóo lì ntèʼ sév.

Joshua 15:61

Ŋkà se laʼ se Juda seé kirə̀ʼ ké woʼ sí‑iì dzə̀ jii, Bet‑Araba, Middin, Sekaka,

Joshua 15:9

Bìíy nen kù shaà fo kitu ke gwan, e dù mèé e ntòŋ sé ndzəv seé Neftoa, e kfə̀n lò fo fo, a dù e ŋkà se laʼ seé Gwan Efron, e nèn tèém, a dù e Baala, a dzə̀ ji Kiriat‑Jearim.

Joshua 18:14

Bìíy nèn dù, e bàʼ e mbìv gwan ye yì kiʼ fo shùy yii nəə, e rə̀ʼə́m, e kù a dù tsə́n tsə́n, e dù bèy, e bàʼ e ŋkìʼnìn Bet‑Horon, e dù, e jòʼsì e Kiriat‑Baal, a dzə̀ sá ji Kiriat‑Jearim, a dzə̀ ŋkàlaʼ rám Juda. Á bìíy nsay Benjamin e mbìv yee fo shùy yii nəə.

Joshua 9:17

Á nèn ŋàʼáy, a dù fo. Á ghán vishiíy vitaár, e nèn mèé e wír vìyí ŋkà se laʼ, a sí‑iì dzə̀ jii, Gibeon wùn à Kefira, à Beerot, à Kiriat‑Jearim.

1 Samuel 6:21

Á gháynín bey, e nèn tùm wíri fo wír veé Kiriat‑Jearimé wùn, á dù, e tiìsí jii, «Wír veé Filistiàa siìr ne ŋkùv mensàŋ Nyùy Tàr. Vèn sə́y, e lì, a koʼ sho.»

1 Samuel 7:1

Wír veé Kiriat‑Jearime nèn wìy, e lì ŋkùv mensàŋ Nyùy Tàr, e dù sho e Abinadav lav e gwan fo wù‑uù shiiyì. Á shóʼ wán və woo Eleasar ji wír woo jeéy wo wù wáa leéy fo ŋkùv mensàŋ Nyùy Tàr.