Joshua 15:47 - ŊWÀʼ NYÙY

⁴⁷ Á nen lì sa Ashdod wùn à ŋkà se laʼ sə́ sí, à ntèʼ sə́ sí, e lì Gasa wùn à ŋkà se laʼ sə́ sí, à ntèʼ sə́ sí, e dù duùn bey, e dù meé e mbuŋ ndzə̀v yeé Ejiv, e kfə̀n tàtí virə́ʼ veé ghaa Rìbà Ndzə̀v woo Mediteranean mo bìíy dzəə̀n.

Joshua 15:47 Iomraidhean Croise

1 Afòn 5:4

Wáa dzə lèn, a Nyùy Tàr woo Nyùy wom fó ne mo rəsìn mbìv sidzə̀m, a m yòʼ dzəə́ kér aŋgàa vibàn, kìn wír ve á wáa nəə́ mo e rə́r sí,

2 Afòn 18:8

Wù kfə̀n‑eè tòn wír veé Filistia, e kùúy vifá vév, e kèʼ fo ntèʼ ŋkiy, e dù, e mèé e ŋkàlaʼ ye vé‑eè bomen kay, e kaàrí sho.

2 Wòŋ 26:6

Ussiya‑aà nə̀ə́ wír veé Filistia e rə́r sí, e kèr kirə́v ké kày yeé Gat, à ké kày yeé Jabne ki, e lì ké kày yeé Ashdod. Wù kèr bèy, e bàʼrì ŋkà se laʼ se fíy símóʼ sí é ŋgvən Ashdod, e bàʼrì sa bèy e virə̀ʼ vímóʼ ví e wír veé Filistiàá nsay.

Ŋwàʼ Fəə 23:31

M wíy fèr bìíy yen, e kèʼ fo Rìbà Ndzə̀v wo Baar, e dù, e meé e Rìbà Ndzə̀v woó Filistia, e kfə̀n kèʼ fo woʼ, e dù, e meé e ndzəv yee Yufret. A m wíy yiì, áàŋgàa nsayi gbu ven, é vèn jum áwune, e fə̀ə́r.

Jeremia 47:1

Nyùy Tàr‑iì sùŋnín e Jeremia woo *ŋgaà ntum və kùm wír veé Filistia, é bo Farao wìy a tòn Gasa.

Jeremia 47:5

Wír veé Gasàa kwaày ne vitú, a dìy, veé Ashkelone wáa dzə kév kisə́sə. Óò kiber ke wìr keé mboʼ fèn, vèn wíy jàʼtì wún ben, e jòʼsì e le?

Tsəfaniya 2:4

Wìr yòʼ wíy ber e ŋkàlaʼ yee Gasa, Ashkelon wíy dù e vifə̀m. Ntìntìn shùy wíy a meé, aá feér ne wír veé Ashdod, e fèér veé Ekron.

Lim Aŋgàa Ntum 8:26

Nshìylav Nyùy Tàr siíy, e wìy, e yèn Filiv, e sùúy sho jii, «Ku lò, a səy səyín é mbìv ròŋ, mee fo, à wàa jùmrì dzə́ə ye yì lo fo Jerusalem, tósin wóʼ, du e Gasa.»

Remrí 2:23

Wír veé Kaftor ve vé‑eè loòn fó Kaftori‑iì wìy, e laàr wír veé Avvim, a wír veé Avvim vìne dzə́ e ntèʼ sí ntèʼ sí, e dù, e meé e Gasa. Á laàr áwune bey, e nèn a dzə fo.

Joshua 11:22

Bó kiŋgáʼ ke wìr ki yòʼ‑oò lo bèr e wír veé Israyí nsay. Kù‑uù mày Gasa wùn à Gat, à Ashdod fo wír vìne‑eè berin ashàr.

Joshua 13:3

e lì ŋgvən se wìr veé Awim sidzə̀m, e mbìv wòŋ yee tsə́n.» Nyùy Tàr yòŋ bèy, a ké ŋgvən yee lò fó ndzəv yee Shihor, e bìíy wòŋ Ejiv, a kfənér e mbìv yee kuy, a dù e bìíy Ekron, vé‑eè yèn ji dzə̀ á nsay wìr veé Kanan. Ké ŋgvən wìr veé Filistia ki‑iì dzə̀, a kér afon atàn, woó Gasa wùn à woó Ashdod, à woó Ashkelon, à woó Gat, à woó Ekron.

Joshua 15:4

Yì lò fo fo, a dù e Asmon, e tèŋén, e dù bàʼ e ndzəv ye dzəə̀n ji bìíy wòŋ woo Ejiv, a gwàmrì, e dù mèé e Rìbà Ndzə̀v woo Mediteranean. Á bìíy nsay Juda yee tsə́n.

Joshua 15:46

e kèʼ fo Ekron, e dù meé e ghaa Rìbà Ndzə̀v woo Mediteranean, e lì sa ŋkà se laʼ sidzə̀m seé ghaa Ashdod wùn à ntèʼ sév sí.

Joshua 15:48

Ŋkà se laʼ se Juda seé mbìv aŋkoŋ si‑iì dzə̀ jii, Shamir, Jattir, Soko,