Joshua 15:14 - ŊWÀʼ NYÙY

¹⁴ Kalev nèn jùm rám Anak fo fo, a yí dzə̀ e taár jii, Sheshay wùn à Ahiman, à Talmay, e nèn yòv fó.

Joshua 15:14 Iomraidhean Croise

2 Samuel 21:16

Kiŋgáʼ ke wìr wùmòʼ, aá yoŋ ji Ishbi‑Benov ki nèn a wìy, a kwàʼtì ji wun lo, e yuyrí a Fòn Davir. Wù‑uù dév nyùy e fíy, kfə̀n kér kòŋ yee kisha kee *brons ki, a vidzəəsì ví dzə̀ moo akilu ataár e kintoʼnìn ki bey.

Kintaŋ 13:33

Vèr kfən yèn wír veé Nefilim fo, vimà vé wìr ve dzəə̀n kfə́ə Anak. Vèr‑iì dzə̀ kér fó moo vintàn, a kù dzə̀ sá mo áwune‑eè yén ver bey.»

Remrí 9:2

Wír vee fóo dzə̀ antav, e kfə̀n a dzə viŋgáʼ, a dzə̀ rám Anak ye vèn kiìn. A vèn kù yú, aá yoŋ jii, a dzə̀ tàm la wùn à rám Anaki?

Joshua 11:21

Yì‑iì dzə̀ é ghan sin, Joshua dù, e laàr viŋgáʼ ve wìr veé ram Anak. Áwune‑eè shiiy e virə̀ʼ vé aŋkoŋ e nsay ye yì dzəə̀n lèn ji woŋ woo Juda wùn à ye yì dzəə̀n ji woŋ woo Isray, a vé‑eè yàm a dzə e ŋkà se laʼ see jii, Hebron wùn à Debir, à Anav. Joshua kù‑uù laàr áwune láarin adzə̀m, à ŋkà se laʼ sév sí.

Joshua 11:22

Bó kiŋgáʼ ke wìr ki yòʼ‑oò lo bèr e wír veé Israyí nsay. Kù‑uù mày Gasa wùn à Gat, à Ashdod fo wír vìne‑eè berin ashàr.

Atǎr Nsaʼ 1:10

Áwune‑eè nyoòrì wír veé Kanan ve vé‑eè dzə́ e Hebron, a vé‑eè yoŋ ŋkàlaʼ rə̀n fo ghan ji Kiriat‑Arba. Á tón fó, e yùyrí rám Anak, a yí dzə̀ e taár jii, Sheshay wùn à Ahiman, à Talmay.

Atǎr Nsaʼ 1:20

Á nèn fò Hebron e Kalev mo Mooser‑iì kàʼàn. Kalev nèn jùm rám Anak yee taár fo fo.