Joshua 15:13 - ŊWÀʼ NYÙY

¹³ Fo ké Kalev woo wan Jefunne, Joshua nèn fò wun nsay jeéy aàfə́r və́ vee wír veé Judàá mvəm mo Nyùy Tàr‑iì yiìn ne yòŋ e Joshua. Wù‑uù fò Kiriat‑Arba wo dzəə̀n Hebron e Kalev. Vé‑eè yoŋ bèy, a Arba‑aà dzə̀ tàr à Anak.

Joshua 15:13 Iomraidhean Croise

Kèʼlo 13:18

Abram nèn shòʼóy vibàn və́, e dù e ghaa vici vee *oak ve dzəə̀n vé Mamre, a ví‑iì dzə̀ é ghaa ntèʼ yee Hebron, e nèn a dzə fo, e lò, e bàʼrì kirə́ʼ ké cù ke Nyùy Tàr fó.

Kèʼlo 23:2

Wù‑uù kpù é wòŋ Kanan, e kirə̀ʼ ke á yoŋ ji Kiriat‑Arba, a dzə̀ lán ji Hebron. Abraham wáa toŋ, a dìy kpú rə́.

2 Samuel 2:1

Ghán sí wìy lòo dù, Davir mbaà Nyùy Tàr, e dzə̀r ji wun sa kòʼ é ŋkàlaʼ yee Juda yìmòʼ, e dù, a saʼ fo a? Nyùy Tàr biímé ji wù wàá kóʼ. Davir kfən dzə̀r ji wun sa dù a dzə̀ é ŋkàlaʼ rəné á? Nyùy Tàr yòŋ ji Hebron.

1 Wòŋ 6:56

e nèn fò súm sí wùn à ntèʼ see fó si, a dzə̀ e Kalev woo wan Jefunne.

2 Wòŋ 11:10

Tsora, Ayjalon, e lì Hebron. Á ŋkà se laʼ se dzəə̀n vikum e nsay Juda wùn à ye Benjamin.

Kintaŋ 13:30

Kalev nèn lò kfə́, e sə̀r wíri mo vé‑eè baʼtin e Mooser si, e sùúy jii, «Vèsən kóʼ fó kàŋ mòʼón, e dù, e yòv fó. A dzə̀ vèsən tòn fó, e sə̀.»

Kintaŋ 13:6

Fo rám Juda, wáa dzə Kalev woo wan Jefunne.

Joshua 11:21

Yì‑iì dzə̀ é ghan sin, Joshua dù, e laàr viŋgáʼ ve wìr veé ram Anak. Áwune‑eè shiiy e virə̀ʼ vé aŋkoŋ e nsay ye yì dzəə̀n lèn ji woŋ woo Juda wùn à ye yì dzəə̀n ji woŋ woo Isray, a vé‑eè yàm a dzə e ŋkà se laʼ see jii, Hebron wùn à Debir, à Anav. Joshua kù‑uù laàr áwune láarin adzə̀m, à ŋkà se laʼ sév sí.

Joshua 20:7

Wír veé Israyi nèn shòʼ Kedesh wo wù dzəə̀n é Galeli, e mbìv agwan veé nsay Navtali, e kfə̀n shòʼ Shekem woó mbìv agwan veé nsay Efrayim, à Kiriat‑Arba woó mbìv agwan veé nsay Juda, aá yoŋ sa ji Hebron.

Joshua 21:11

Vé‑eè fò Kiriat‑Arba wo yírí loòn fo Araba woo tàr à Anak, a kù dzə̀ Hebron woó mbìv agwan veé Juda. Vé‑eè fò, e tàtí kwáʼ se nyàm se sí kaarin fó.

Atǎr Nsaʼ 1:10

Áwune‑eè nyoòrì wír veé Kanan ve vé‑eè dzə́ e Hebron, a vé‑eè yoŋ ŋkàlaʼ rə̀n fo ghan ji Kiriat‑Arba. Á tón fó, e yùyrí rám Anak, a yí dzə̀ e taár jii, Sheshay wùn à Ahiman, à Talmay.

Atǎr Nsaʼ 1:20

Á nèn fò Hebron e Kalev mo Mooser‑iì kàʼàn. Kalev nèn jùm rám Anak yee taár fo fo.

1 Samuel 25:3

Yír rəə́‑əə̀ dzə̀ Nabal, a dzə̀ wír woo Kalev ram, yé wiiy və Abigail. Abigail‑iì kér vifií, e kfə̀n bòŋ e ŋàŋ, a lum və dzə̀ wir shilìv she bi shí, a kfə̀n dzə̀ wir kisaŋ.

1 Samuel 30:14

Vèr‑ii nəə́ rə́r é Negev, e faàsì vifá fo wír veé Kereti, e kfə̀n faàsì fo rám Kalev ye dzəə̀n wír veé Judàa, e nèn tòn Tsiklag e və́yí.»

1 Samuel 30:31

e lì yeé Hebrone. Wù‑uù tsə̀nsí é virə̀ʼ vidzə̀m ve wùn à wír vəə́‑əə̀ ghán sho.