Joshua 15:12 - ŊWÀʼ NYÙY

¹² Bìíy yeé mbìv yee fo shùy yii nəə nén a dzə meshávtí me Rìbà Ndzə̀v woo Mediteranean. Á bìíy ye yì‑iì kaarin nsay ye vé‑eè foon e rám Judàa mo kfə́ə sév sí dzə̀kìn.

Joshua 15:12 Iomraidhean Croise

Esiker 47:20

«E mbìv yee fo shùy yii nəə, é bìíy nyéŋ é Rìbà Ndzə̀v woo Mediteranean, e dù, e bàʼ, aá sí yiì a kìʼ kiŋgwàmrì ke Hamat. Á bìíy wòŋ e mbìv yee fo shùy yii nəə.

Esiker 48:7

Nsay ye yì səʼən ye rám Ruben dzə̀ ye rám Juda, a yì shèr woŋ fo mbìv yee fo shùy yii tó, a kfənér fo yì yii nəə.

Remrí 11:24

Kirə́ʼ kidzə̀m ke vèn tiirin kiwuú shó ki wíy a dzə kén. Woŋ wóné wíy kèʼ fo woʼ, fo mbìv yee tsə́n, e dù, e bàʼ aàgwan veé Lebanon, e mbìv yee kuy, e kfə̀n kèʼ fo ndzəv yee Yufret, e mbìv yee fo shùy yii tó, e dù, e bàʼ e Rìbà Ndzə̀v woo Mediteranean, e mbìv yee fo shùy yii nəə.

Joshua 15:11

e dù shaà, e dù e bǎm Ekron, a kfən kuy. Yì nen tèém, e kaàrí, a dù e Shikkeron, e tòsín, e dù e Gwan Baala, e fəə̀, e dù e Jabneel, e nèn dù ndzə̀y e Rìbà Ndzə̀v woo Mediteranean.

Joshua 15:47

Á nen lì sa Ashdod wùn à ŋkà se laʼ sə́ sí, à ntèʼ sə́ sí, e lì Gasa wùn à ŋkà se laʼ sə́ sí, à ntèʼ sə́ sí, e dù duùn bey, e dù meé e mbuŋ ndzə̀v yeé Ejiv, e kfə̀n tàtí virə́ʼ veé ghaa Rìbà Ndzə̀v woo Mediteranean mo bìíy dzəə̀n.

Joshua 18:5

Vèn yíi toʼtí virə́ʼ saàmbà, é Juda goʼ e wun kirə̀ʼ ke kí kfənen tsə́n, é wír veé ram Joosevi goʼ e kév kee kirə́ʼ kí ke kí kfənen kuy.