Joshua 15:11 - ŊWÀʼ NYÙY

¹¹ e dù shaà, e dù e bǎm Ekron, a kfən kuy. Yì nen tèém, e kaàrí, a dù e Shikkeron, e tòsín, e dù e Gwan Baala, e fəə̀, e dù e Jabneel, e nèn dù ndzə̀y e Rìbà Ndzə̀v woo Mediteranean.

Joshua 15:11 Iomraidhean Croise

2 Afòn 1:16

Elija suúy e fòn jii, «Nyùy Tàr yoŋ a ji mo fòn tumen aŋgàa ntum ji á du, e tàr kinyo fo Baal‑Sebuv woo nyùy woó Ekron, kí bo fòn sà yèn ji bó Nyùy yòʼ dzə̀ é Isray wo dzə̀ wù tàr kinyo fo fo a? Bìʼ bey, bó fòn yòʼ dzəə́ yìi nànèn a fo kikun ké yàsí. Fòn kù sí yìi kar, e lày a làyìn.»

2 Afòn 1:6

Á nèn bìnèr e ntoʼ jii, «Vèr à wìr wùmòʼ waà kì tàrnín, wù suúy á e vèr jii, ‹Vèn kfə́n é bàm, e yèn fon wo wù tumen ven, e sùúy sho ji Nyùy Tàr dzə́r a ji bó Nyùy yòʼ sà dzə̀ é Isray a, é bo wù wáa tsənsí wíri ji á du, e tàr kinyo fo Baal‑Sebuv woo nyùy woó Ekron? A dzə̀ bey, bo wù yòʼ yíi nànèn a fo kikun ké yàsí. Wù yíi kar, e kù lày a làyìn.› »

2 Wòŋ 26:6

Ussiya‑aà nə̀ə́ wír veé Filistia e rə́r sí, e kèr kirə́v ké kày yeé Gat, à ké kày yeé Jabne ki, e lì ké kày yeé Ashdod. Wù kèr bèy, e bàʼrì ŋkà se laʼ se fíy símóʼ sí é ŋgvən Ashdod, e bàʼrì sa bèy e virə̀ʼ vímóʼ ví e wír veé Filistiàá nsay.

Kintaŋ 34:6

«Fo bìíy yeé mbìv yee fo shùy yii nəə, é wáa dzə Rìbà Ndzə̀v woo Mediteranean, e dù bèy e ŋguùŋè ndzə̀v.

Joshua 15:10

Bìíy nen tèém fo Baala, a dù e mbìv yee fo shùy yii nəə, e dù, e bàʼ e Gwan Seir, e shaà, e dù, e gwàmrì Gwan Jearim fo mbìv bàbá ye yì kfənen fó kùy, a dzə̀ ji Kesalon. Yì lò fo fo, e sə̀y é Bet‑Shemesh, e shaà, e dù e Timnaa,

Joshua 15:12

Bìíy yeé mbìv yee fo shùy yii nəə nén a dzə meshávtí me Rìbà Ndzə̀v woo Mediteranean. Á bìíy ye yì‑iì kaarin nsay ye vé‑eè foon e rám Judàa mo kfə́ə sév sí dzə̀kìn.

Joshua 15:45

Símóʼ sí wáa dzə ŋkàlaʼ yee Ekron wùn à mvə́m se laʼ sə́ sí, à ntèʼ sə́ sí,

Joshua 15:9

Bìíy nen kù shaà fo kitu ke gwan, e dù mèé e ntòŋ sé ndzəv seé Neftoa, e kfə̀n lò fo fo, a dù e ŋkà se laʼ seé Gwan Efron, e nèn tèém, a dù e Baala, a dzə̀ ji Kiriat‑Jearim.

Atǎr Nsaʼ 1:18

Wír vee rám Judàa tón sá ŋkà se laʼ see Gasa, Ashkelon wùn à Ekron, e faàsì wùn à ntèʼ see fó ghaŋ si.

1 Samuel 17:52

Wír veé Isray wùn à veé Judàa bínsí mbeeteé, e shèm aáwuné bàm, e jùm áwune, e dù, e mèé e Gat, e shaà, e dù, e mèé e shùu kày seé Ekron, wír veé Filistia ve vé‑eè lemkiné wáa gbùkìr, a neŋnín e dzəə, e kèʼ fo Sha‑arayim, e dù, e meé e Gat, e shaà, e dù, e mèé e Ekron.

1 Samuel 5:10

Á nèn tsə̀nsí ŋkùv mensàŋ Nyùy e Ekron. Wù meé fó, wír vee fóo nèn a taŋnín taŋnín, a suúy jii, «Á wìy ne e ŋkùv mensàŋ Nyùy wìr veé Isray e věr nsay ji wù tátí á ver, e yùyrí.»

1 Samuel 5:8

Áwune nèn beè atǎr saʼ veé Filistia. Á báʼtí adzə̀m, áwune dzə́r jii, «Vèsən lo, e yèe le e ŋkùv mensàŋ Nyùy wìr veé Isray?» Atǎr saʼa bìnèr jii, «Vèsən tsə́nsí é Gat.» Á nèn tsə̀nsí ŋkùv mensàŋ Nyùy wìr veé Isray e Gat.

1 Samuel 7:14

Ŋkà se laʼ see kèʼ fó Ekron, e dù, e meé e Gat se wír veé Filistiàa‑aà tònèn wír veé Isray, e sə̀, sí kfə́n e wír veé Israyi, nsay wìr veé Isray nèn kfə̀n aáwune. Nyaáŋ kfə́n a dzə sa e wír veé Isray wùn à veé Amorí nsàn.