Joshua 14:8 - ŊWÀʼ NYÙY

⁸ Yii bèy, afə́r vém ve vèr áwune‑eè duùné wìy kév, e kèr tím wíri, á wáa fàn. A m kù‑uù tíy kém a dzə̀ vèr Nyùy Tàr woo Nyùy wom vèr à shilív shém shí shidzə̀m.

Joshua 14:8 Iomraidhean Croise

Kintaŋ 13:31

Yii bèy, wír ve wùn áwune‑eè duùné nèn nyàysì nyàysìn jii, «A dzə̀ la vèsən yòʼ yiì kifá aáwune. Á tàvkír, e shaà vèsən.»

Kintaŋ 14:1

Màŋgòŋ woó Isray nèn lò e dzə̀m, e bùr a dzə̀ tóŋ, e sìíy, e tòŋ, yì rán.

Kintaŋ 14:24

Yii bèy, ké ŋgaà lìm wom woo Kalev mo wù kér shilív sə́ jeéy, ghán e mǒ mbòv shilív shimòʼón, m wíy lì wun, e dù, e nəə́ sho e nsay ye wù‑uù duùn, e yèn, é rám rəə́ yov fó.

Kintaŋ 32:12

Kù‑uù mày Kalev woo wan Jefunne woo wír woó Kenas wùn Joshua woo wan Nun ve vé‑eè tíy e Nyùy Tǎr wùn shilív shidzə̀m.

Remrí 1:28

A dzə̀ vèr wàa dù ka fó? Afə́r vérí wày ne kindzə́m e věr shiliv. Áwune yoŋ ji wír vee fóo dzə̀ á viŋgáʼ viŋgáʼ, aá waà kfə̀n tàvkír, e shaà a ver, a ŋkà se laʼ sév sí dzə̀ á vikum, a virə́v vév vé kày vi kóʼ, kum a yúv. Kífoy wáa dzə ké rám Anak ye áwune‑eè yenen á fo.›

Remrí 1:36

Kù jòʼsì Kalev woo wan Jefunne wo wù wíy yen. M wíy fo woŋ wo wù‑uù ghanen shó e wùn à wón vəə́, a dzə̀ bìʼ fo wù kù‑uù yúnin mo woo Nyùy Tàr shilív sə́ shidzə̀m.›

Joshua 14:14

Hebron nèn a dzə vitsə́ʼ vé Kalev woo wan Jefunne woo wír woó Kenas e wìy shem lán, bìʼ fo wù‑uù tíy wùn Nyùy Tàr woo Nyùy wìr veé Isray shilív sə́ shidzə̀m.

Ŋgaà Yen 14:4

Mo áwune ghvə́m a dzə̀ Wan Njiì Nyùy, á nén a dzə là shilóm moo wánlè lùmèn wo bó yòʼ dzə̀ wù kùm wiíy, kù dzə́, shiy a dzə̀ və́ə. Áwune ku nèn a jùmrì a dzə̀ wun woo Wan Njiì Nyùy, wùn áwune wáa dù fo wù du. A Nyùy‑iì shòʼtí ne áwune, e fə̀ə́r fo wìr msǒŋ mvəm, wáa dzə wír mbìyi ve kér wun woo Nyùy wùn Wan və wo á yoŋ ji Wan Njiì.