Joshua 14:3 - ŊWÀʼ NYÙY

³ Á wáa jàv bèy, a Mooser‑iì fò ne virə́ʼ e rám seé Isray see sibaà sí, e fò sá e yee kintoʼnìne ji vév vee vitsə́ʼ, rám sin se sí dzəə̀n kév é ndzə̀n Jordan, e mbìv yee fo shùy yii tó. Yii bèy, wù yòʼ‑oò lo fò kirə́ʼ e rám Levìi ji vév vee vitsə́ʼ.

Joshua 14:3 Iomraidhean Croise

Esiker 45:1

«Vèn wíy lóo jàv nsay e rám seé Isray si ji vitsə́ʼ vév, á lèm mbìv yìmòʼ ji yee jeéy, a dzə̀ ji ŋgvən Nyùy Tàr. Ŋgvən rə̀n wíy a dzə may waamé fó vidà, a dzə may ntuùfú fó vikùʼùy. Yì wíy a dzə jeéy ji kifá ke Nyùy Tàr, e dù, e bàʼ fo yì màyìn.

Joshua 12:6

Á afon vee abaà ve Mooser woo ŋgaà lìm Nyùy Tàr wùn à wír veé Israyi‑iì tònèn. Mooser woo ŋgaà lìm Nyùy Tàr nèn fò nsay yev e kfə́ə Rubene, à yé Gadi, à kintoʼnìn ke yé Manasse ki, ji vitsə́ʼ vév.

Joshua 13:14

Fo ké ram Levi ki, bó Mooser yòʼ‑oò lo fò áwune nsay ji vitsə́ʼ vév. Kév kí kù‑uù jòʼsì a dzə̀ ke Nyùy‑iì yòŋèn e Mooser jii, vitsə́ʼ vév ví kù dzə̀ á vidzə̀ vé cù ye və́yí bin fo fo, ji cu Nyùy Tàr woo Nyùy wìr veé Isray.

Joshua 13:16

Nsay yev nèn kèʼ fo Aror wo wù dzəə̀n é ŋguùŋè mboʼ ndzə̀v yeé Arnon, e lì ŋkàlaʼ ye yì dzəə̀n é kintìntìn ke mboʼ yee shooy, e tàtí ŋgvən Medeba e dzə̀m ye yì leŋen é kitu ke agwan.

Joshua 13:17

Nsay rə̀n tàtí sa Heshbon wùn à ŋkà se laʼ se sí dzəə̀n é ŋgvən ye leŋén rə̀y. A sí dzə̀ ji Dibon wùn à Bamot‑Baal, à Bet‑Baal‑Meon,

Joshua 13:8

A dzə̀ fo kintoʼnìn ke rám Manasse ki wùn à rám Rubene, à yé Gadi, bo Mooser woo ŋgaà lìm Nyùy Tàr‑iì fò ne vév vee vitsə́ʼ a dzə̀ é mbìv Jordan yee fo shùy yii tó.