Joshua 14:2 - ŊWÀʼ NYÙY

² e fò e rám seé Isray see bvə̀ʼə̀ si, e fò sá e yee kintoʼnìne. A vé‑eè maʼ kifá, tar sho, e bó a kiíy kirə́ʼ ke á fó e rám yee shóo réŋréŋ mo Nyùy Tàr‑iì yiìn ne yòŋ e Mooser ji á wàá yii.

Joshua 14:2 Iomraidhean Croise

Ŋgàn 16:33

Wíri lo, á shwèŋ kinyo shwéŋén, yii bèy, a kinyo ke ru kí kù yii din Nyùy Tàr.

Ŋgàn 18:18

Melaà mè yii gháʼá, á màʼ sí mbàm, e lì mbìv ye yì fəəsin, kí tìnén melaà, e jàvsìn vindzəʼ ve antav.

Esiker 45:1

«Vèn wíy lóo jàv nsay e rám seé Isray si ji vitsə́ʼ vév, á lèm mbìv yìmòʼ ji yee jeéy, a dzə̀ ji ŋgvən Nyùy Tàr. Ŋgvən rə̀n wíy a dzə may waamé fó vidà, a dzə may ntuùfú fó vikùʼùy. Yì wíy a dzə jeéy ji kifá ke Nyùy Tàr, e dù, e bàʼ fo yì màyìn.

Kintaŋ 26:52

Nyùy Tàr nèn yòŋ e Mooser jii,

Kintaŋ 33:54

Vèn wíy a tàr virə́ʼ tárin, e bó a jàv mo rám sén sí dzə̀kìn, é bo á wáa ker ji vitsə́ʼ vév. Rám ye kuʼùné wíy a sə kirə́ʼ kikuʼùn, é ye terií wáa sə kirə́ʼ shishàr. Kirə́ʼ ke á tàrìn, kí fəə́sín ji ké ram yee shó, bo kù sì kév. Vèn kù wíy a ker nsay a dzə̀ mo kfəə́ se sí‑iì ràmèn fo atàr vén sí dzə̀kìn.

Kintaŋ 34:13

Mooser nèn yòŋ wír veé Isray, e sùúy aáwune jii, «Nsay rə̀n dzə̀ ye Nyùy Tàr yòŋèn ji á fó á e rám see bvə̀ʼə̀ si, e fò e yee kintoʼnìne. Dzə̀ nsay ye vèn wíy tàr, e jàv ji vitsə́ʼ vév.

Kintaŋ 34:17

«Wír ve á wíy sə wò, e tàr nsay, e jàv ji vitsə́ʼ véné wíy a dzə taà cù Eleasar wùn Joshua woo wan Nun.

Matio 25:34

«Wù javsìnè, é wun woo Fon nèn sùúy e veé koy yìyí jii, ‹Ven ve Tàr wor bùʼùn ne, vèn wiy, e nə̀ə́ e wùn mvə̀m saʼ, a yi vijuŋ ve wù‑uù naŋsin fó ŋgùʼ, é bo ndzə wìy a kèʼ, e lèm e vèn.

Lim Aŋgàa Ntum 1:26

Á bùnrì bèy, e shwèŋ, kí koó Matiar. Á nèn wày wun aàŋgàa ntum Jesus vee nshòv mòʼón e ghvə̀mé ŋgoo.

Joshua 13:7

Lò ri lèn, e jàv e rám seé Isray see bvə̀ʼə̀ si, wùn à kintoʼnìn ke rám Manasse ki, aá yov ji vitsə́ʼ vév.»

Joshua 18:10

Joshua nèn tàr virə́ʼ vin e Nyùy Tǎr si e Shilo foo fèy, e jàvtì e rám seé Isray si, rám yee shóo wáa ker kfə́.

Joshua 18:6

Vèn sáŋ, e naàrì mo woŋ və̀ne dzəə̀n vintóʼ saàmbà, e nèn wìy naàrì e mò dzə́ə ye vèn yenen shó, é m neer e Nyùy Tàr woo Nyùy wòsə́n si, a tàr, é wù wáa dìn mo dzə̀ m jàv e vèn.