Tàr wov suúy shó jii, «Ku dù, e lèéy ji afə́r vé wùn à nyám si sà dzə̀ é kwaʼ kijuŋ a, e wìy, e sùúy e mò.» Wù nèn tùm wun fo mboʼ Hebron foo fèy, wù wáa dù e Shekem.
Á bèy lèn, ŋkar sém sé sày, vèn wáy ri shilív, a tiy kitávín, a yu kinyo kimòʼón cáʼ ji kinyo ke Tàr wòsən Jesus Kristu, a kiíy ji kinyo kidzə̀m ke wìr yii bìʼ wun woo Kristu ki yòʼ dzə̀ á kí lày kisáŋ.
Á mo Joshua‑aà səən nsay e dzə̀m, kù réŋréŋ mo Nyùy Tàr‑iì suuyin e Mooser ji á kù wíy yiì. Joshua nèn fò ji vitsə́ʼ vé wìr veé Isray, e jàvtì aáwune mo kfə́ə sév sí dzə̀kìn. Dzə̀ é ghan sin se wír veé Israyi‑iì meèmèn fó rər.
A vé‑eè yoŋ Hebron fo ŋgùʼ ji Kiriat‑Arba, a dzə̀ jii, Ntèʼ Arba. Arba və̀n‑eè dzə̀ wír wo tavín e wír vee Anakí mvəm. Á bèy, rə́r sí nèn mày fo nsay foo fèy, nyaáŋ wáa dzə fo.