Joshua 14:12 - ŊWÀʼ NYÙY

¹² Bìʼ bey, fó ri woŋ agwan və̀ne e mò lèn. Woŋ wo Nyùy Tàr‑iì kàʼàn mo shó e kishiíy fóo fèy. Wò‑oò lo yù é kishiíy fóo fèy mo vé‑eè fer ji wír veé Anaki‑iì dzə́ a fo, kér vikum ve ŋkà se laʼ sinín. A dzə̀ ji Nyùy Tàr yiì a dzə vèr wun, bo m yíi tòn áwune, e sə nsay yev mo wù‑uù kàʼàn.› »

Joshua 14:12 Iomraidhean Croise

2 Afòn 19:4

Mfòómé woó Assiriya kì wìy, a kuùrì Nyùy wo wù dzəə̀n shó, kuùrì bèn mo tàr wov woo fon kì tsənsin ji wù wàá wiy, e kuùrì. M lón ji Nyùy Tàr woo Nyùy wò ku yuùrí a liy sìn, e nyèr áwune. Á bèy, á bùnrì fo kibér ke wìr ke kí dzə̀ə́ shó ki.»

2 Wòŋ 14:11

Fòn Asa lò, e tòŋ e Nyùy Tàr woo Nyùy və jii, «Éè Nyùy Tàr, dzə̀ wò cáʼ wo dzə̀ à sə̀ njoó, wù ghàʼ ntav. Éè Nyùy Tàr, ku sə̀ ver, bìʼ fo vèr kù yéʼti a dzə̀ e wò wùn, a vèr kfə̀n tàm vèr à nyanyày wìr və̀n e shùu rər, a dzə̀ bìʼ yír yé. Éè Nyùy Tàr, à dzə̀ Nyùy wor, lá à yòʼ biìmé é wìr gháʼ wò.»

Nsùyrì Nyùy 44:3

Áwune yòʼ‑oò lo koò nsay rə̀n, a dzə̀ e rə́r sí, a bó áwune yòʼ‑oò lo sò e vitaáví vév ví. Kù‑uù dzə̀ cáʼ vitaáví vé. Kù‑uù dzə̀ wò kóy wóv wo tavíné. Wò‑oò dzə́ aáwuné mvəm, din koŋ yé, aá warkìrì.

Nsùyrì Nyùy 60:12

A Nyùy lò tòm ver, bo vèr yíi so rə́r. Kù yíi koʼrí wun aàŋgàa vibàn vérí kitu.

Kintaŋ 13:28

Yii bèy, a wír ve á dzə́ e nsay foo fèyi dzə̀ antav, bo taaka rám Anak ye vèr yenen fó. Ŋkà sév sé laʼ si dzə̀ vikum, e kfə̀n a dzə sikuʼkìn.

Kintaŋ 13:33

Vèr kfən yèn wír veé Nefilim fo, vimà vé wìr ve dzəə̀n kfə́ə Anak. Vèr‑iì dzə̀ kér fó moo vintàn, a kù dzə̀ sá mo áwune‑eè yén ver bey.»

Kintaŋ 21:34

Yii bèy, Nyùy Tàr suúy e Mooser jii, «Lá à yòʼ fàn wun. M wày ne wun e wò kiwo wùn à vé rər vəə́ adzə̀m, à nsay rə. Ku lòvtí sho lóvtín mo wò‑oò lovtin e Sihon woo fon wìr veé Amor wo wù‑uù sáʼ e Heshbon.»

Ŋwàʼ woó Rom 8:31

Mo Nyùy yii vinyo vìn e vèsən ben, bo vèsən dzə̀ é le lèn? Wìr wo dzə̀ wù kfə̀n yiì vèsən e kinyo ki dzə̀ la?

Remrí 1:28

A dzə̀ vèr wàa dù ka fó? Afə́r vérí wày ne kindzə́m e věr shiliv. Áwune yoŋ ji wír vee fóo dzə̀ á viŋgáʼ viŋgáʼ, aá waà kfə̀n tàvkír, e shaà a ver, a ŋkà se laʼ sév sí dzə̀ á vikum, a virə́v vév vé kày vi kóʼ, kum a yúv. Kífoy wáa dzə ké rám Anak ye áwune‑eè yenen á fo.›

Remrí 9:1

«Éè Isray, vèn yuúrí, e yù. Vèn sí lo, a liysín ndzə́v yee Jordan rə̀n e kishiíy ké lán ki. Vèn líysin, e dù, e sə nsay vitum, a ví dzə̀ viwíy, e kfə̀n tàvkír, e shaà ven. Ŋkà se laʼ sév sí kùʼkìr, e kfə̀n a ker vikum ve kày, a ví kóʼ é yuv.

Remrí 9:3

Yii bèy, vèn kiíy lán ji wìr wo wù du fo mbìy, tee virə́ʼ moo və́y, dzə̀ á Nyùy Tàr woo Nyùy won. Mo Nyùy Tàr‑iì kàʼàn ne ven, bo wù yíi tòn áwune, e laàr e věn mbìy. Bo dzə̀ ji vèn yíi jùm áwune, e laàr áwune cércér.

Filipi 4:13

Mo kù fó Jesus Kristu vitaáví e mò, m nén a dzə, vinyo vidzə̀m vi wáa gheén mo gheénén.

Hibru 11:33

Wír vìn adzə̀me‑eè wày shilív e Nyùy wùn é ŋàŋ, ámóʼó lo, á nèn a tòn vitúm, ámóʼó wàa dzə aŋgàa saʼ, a neèr sáʼ a dzə̀ yee là kiloʼ. Wír vìn adzə̀me kù‑uù dzə́, shiy a dzə̀ Nyùy, e nèn wìy kòóy kifá ke wù‑uù kàʼàn áwune shó. Ámóʼó wáy shilív e Nyùy wùn ji dzə̀ á wù sə̀tí shuu se abvərə̀ʼ fo á kfə́r áwune, wù nèn sə̀tí.

Joshua 15:14

Kalev nèn jùm rám Anak fo fo, a yí dzə̀ e taár jii, Sheshay wùn à Ahiman, à Talmay, e nèn yòv fó.

Atǎr Nsaʼ 1:20

Á nèn fò Hebron e Kalev mo Mooser‑iì kàʼàn. Kalev nèn jùm rám Anak yee taár fo fo.

1 Samuel 14:6

Jonatan kfən sùúy e wánlè nsùm wo wù‑uù kér ŋkeè və rə̀r jii, «Wòsò líysín fésə e kilaʼáy ké améŋnyùy veé Filistia vìsə, ghanmóʼ, é Nyùy Tàr sə́ wòsò. Yòʼ dzə̀ kinyo ki jìvír Nyùy Tàr fo wù luŋer wíri, e shaà fo wír vee aníne, kìn fo vee ashàri.»