Joshua 14:10 - ŊWÀʼ NYÙY

¹⁰ Leéy ri, e yèn, Nyùy Tàr lèm ne mo e tin mo wù‑uù kàʼàn. Sì kiyá nshòv sitàn e mkweè mo Nyùy Tàr‑iì yòŋèn jí sìn e Mooser, a wír veé Israyi kù‑uù ghán ghanén é woʼ. Wáa dzə lán, a m sì kiyá nshòv sitàn e mwaamé,

Joshua 14:10 Iomraidhean Croise

Nsùyrì Nyùy 107:4

Ámóʼó‑oò ján e woʼ, e làa yòʼ yen ŋkàlaʼ yé a dzə sho.

Nsùyrì Nyùy 91:7

A dzə̀ wíri gbù, e kpùkír e wò ghaŋ nsə̀kì, a dzə̀, á kù gbù, e kpùkír nsə̀kì e ghvə̀m, a bó kitú ki yòʼ yíi bùm wò gheéy.

Kintaŋ 14:30

Bó wìr mòʼón fo áwune yòʼ wíy shov woŋ wo mò‑oò kàʼàn ji m wíy lèm áwune fó. Kù mày Kalev woo wan Jefunne wùn Joshua woo wan Nun.

Kintaŋ 14:38

Ku mày Joshua woo wan Nun wùn Kalev woo wan Jefunne ve vé‑eè gòʼòn atin fo mvə̀m wìr ve vé‑eè duùn ji á shwéʼ á woŋ.

Joshua 11:18

Joshua‑aà màʼ rə́r ntàmda wùn aàfon vee shooyi.

Joshua 13:1

Yì‑iì dzə̀ a Joshua dzə́n ne, a viyá və́ ví sì vidzərìn, Nyùy Tàr yòŋ wun, e sùúy sho jii, «À dzə̀n ne e ŋàŋ, a nsay kù dzə̀ə́ sho e nín ye dzə̀ á sə̀.

Joshua 14:11

a m kù dzə̀ə́ kitávín lán və̀n mo mò‑oò dzəə̀n é kishiíy ke Mooser‑iì tumen mo. Kitar ki kù dzə̀ə́ lèn mo kí‑iì dzəə̀n é ghan fóo fèy ke dzə̀ m wàa dù rə́r, a kfən.

Joshua 14:9

Mooser nèn lìʼ e kishiíy fóo fèy, e kàʼ mo jii, ‹Ké ru kí, nsay ye mò‑oò duùn, e tìír kiwuú kém shó sì á vitsə́ʼ vé vèr à wón vémé, e wiy du mày, bìʼ fo m kù‑uù tíy vèr Nyùy Tàr woo Nyùy və vèr à shilív shém shí shidzə̀m.