Joshua 13:9 - ŊWÀʼ NYÙY

⁹ Nsay yev‑iì kèʼ fó Aror e ŋguùŋè mboʼ ndzə̀v yeé Arnon, e lì ŋkàlaʼ ye yì dzəə̀n é ntìntìn mboʼ foo fèy, e tàtí ŋgvən ye yì leŋen, e lò fo Medeba e vitu ve agwan, e dù bàʼ e Dibon,

Joshua 13:9 Iomraidhean Croise

2 Samuel 24:5

Á líysín Jordan, e nèn beè e mbìv Aror yee tsə́n, Aror wo dzəə̀n ntèʼ ye yì dzəə̀n é kintìntìn ke kiwoóy é nsay Gad. Á kèʼ táŋ fo fo, e nèn kòʼ é ntèʼ yee Jaser.

1 Wòŋ 19:7

Áwune nèn dù, e làʼ *viténtén vé rər, a ví dzə̀ nsə̀kì nshòv sibaà e mtaár, e kfə̀n làʼ mànjòŋ fòn woó Maaka, wù wìy, e tàm kiláʼáy é ghaa ŋkàlaʼ yee Medeba. Wír veé Ammone nèn fəə̀kír fo áwuné ntèʼ sí, e wìy, a baʼtí rə́r.

Nehemia 11:25

Wír aníne kù‑uù dzə́ a dzə̀ é virə̀ʼ vee fo súm sév sí‑iì dzəə̀n. Wír vee rám Judàa kù‑uù dzə́ kév é Kiriat‑Arba wùn ǎ Dibon, ǎ Jekabseel, ǎ ntèʼ see fó.

Aysaya 15:2

Wír veé Dibone kòʼ ne aáwuné kirə̀ʼ ké cù. Á dù ne fo anyùy véví wùn ji á du, e dìy. Wír veé Moavi waáme tóŋ, diy laar ye á laàrìn ŋkàlaʼ yee Nebo wùn à yee Medeba. Wìr dzə̀m kwaày ne kitú, a dzə e nsòv, vilum adzə̀me kwaáy kighev.

Jeremia 48:18

«Éè wìr veé Dibon, vèn maʼti ghay wón kiŋkoʼòrwùné, e sèsín a dzə̀ é kibvə̀r. Ŋgaà laàr wo wù laar Moav, lo, e kìʼ ven lèn, e bvəʼtí virə́ʼ ve tavkín vee věn ŋkàlaʼ.

Jeremia 48:22

e koò Dibon, à Nebo, à Bet‑Diblatayim,

Jeremia 48:8

Ŋgaà vibàn yíi laàr ŋkà se laʼ sidzə̀m, bó ŋkàlaʼ yìmòʼ yòʼ yíi ber. Á yíi səʼsí viwoóy, e laàr virə́ʼ vé mboʼ vi, kù mo Nyùy Tàr suuyin.

Kintaŋ 21:30

Á bèy lèn, vèr laàr ne rám yév, e kèʼ fo Heshbon, e dù, e bàʼ e Dibon. Vèr sə̀ʼsí ne fó, e dù, e bàʼ e Nofa woó ghaa Medeba.»

Remrí 2:36

E kèʼ fo Aror, e ŋguùŋè mboʼ ndzə̀v yeé Arnon, à fó ŋkàlaʼ ye yì dzəə̀n é mboʼ, e dù bèn, e bàʼ e Gilead, bó ŋkàlaʼ yòʼ‑oò ló a dzə ye yì‑iì kér kikum ke kày ke kí gháʼ vèsən. Nyùy Tàr woo Nyùy wòsən kù‑uù wày sidzə̀m e vèsə́n kiwo.

Remrí 3:12

Mooser kú a shaà fo mbìy, a suúy jii, «Vèsən‑eè sə̀ woŋ və̀n bèy, m tóʼtí, e fò mbìv yìmòʼ, e rám Ruben wùn à yé Gadi. Virə́ʼ vin vi dzə̀, e lò fo ŋkàlaʼ yee Aror e ghaa kiwoóy ké ndzəv yee Arnon, a kfənér e mbìv yee kuy, e lì kintoʼnìn ke wòŋ agwan woo Gilead, à ŋkà se laʼ see fó si.

Remrí 3:16

a m fó ne kirə́ʼ kee kèʼ fó Gilead, e dù e kiwoóy ké ndzəv yee Arnon e rám Ruben wùn à yé Gadi. Bìíy yev yee tsə́n nén a dzə nshwǎn ndzəv yee Arnon. Bìíy yee kuy nén a dzə kiwoóy ké ndzəv yee Jabbok, a dzə̀ bìíy wùn à wír veé Ammone.

Joshua 12:2

Wùmòʼ‑oò dzə̀ Sihon woo fon wìr veé Amor. Wù‑uù dzə́ e Heshbon, sáʼ, e kèʼ fo Aror, wo wù dzəə̀n é ŋguùŋè mbuŋ Arnon, e lì ŋkàlaʼ yeé mvə̀m mbuŋ foo fèy. Bìíy nen dù bàʼ e ndzəv yee Jabbok, ye dzəə̀n bìíy ŋgvən wìr veé Ammon. Wóŋ Fòn Sihon və̀ne tàtí kintoʼnìn ke Gilead,

Joshua 13:10

e dù duùn e meé e bìíy Ammon. Kirə́ʼ kin ki tàtí ŋkà se laʼ sidzə̀m se Sihon woo fon wìr veé Amor‑iì sáʼá, a wù sáʼ a dzə̀ fó Heshbon.

Joshua 13:16

Nsay yev nèn kèʼ fo Aror wo wù dzəə̀n é ŋguùŋè mboʼ ndzə̀v yeé Arnon, e lì ŋkàlaʼ ye yì dzəə̀n é kintìntìn ke mboʼ yee shooy, e tàtí ŋgvən Medeba e dzə̀m ye yì leŋen é kitu ke agwan.

Joshua 13:8

A dzə̀ fo kintoʼnìn ke rám Manasse ki wùn à rám Rubene, à yé Gadi, bo Mooser woo ŋgaà lìm Nyùy Tàr‑iì fò ne vév vee vitsə́ʼ a dzə̀ é mbìv Jordan yee fo shùy yii tó.