Joshua 13:5 - ŊWÀʼ NYÙY

⁵ Á ku sə̀ sá nsay wìr veé Gebal, à nsay wìr veé Lebanon e dzə̀m, e dù duùn é mbìv yee fo shùy yii tó, e kèʼ fo Baal‑Gad e dù meé e Lebo Hamat.

Joshua 13:5 Iomraidhean Croise

1 Afòn 5:18

Aŋgàa kimbom Fòn Solomon wùn à vé Fòn Hiram, à wír ámóʼó ve vé‑eè loòn fó Gebali nèn a buʼ tíy, a naŋsín, e kfə̀n a naŋsín vicí ve á yíi a bàʼrì lav cù sho.

1 Afòn 8:65

Fòn Solomon wùn à wír veé Isray adzə̀me nèn yì ŋkàʼ kishiíy saàmbà e Nyùy Tǎr si, aá wíy virə́ʼ vidzə̀m, e kèʼ fo Hamat, e dù meé e kiwoóy keé Ejiv.

Nsùyrì Nyùy 83:7

à veé Gebal wùn à veé Ammon, à veé Amaleki, e lì veé Filistia wùn à veé Tayàa.

Aysaya 10:9

Bó kitúm kém kí yòʼ kù‑uù tòn ŋkàlaʼ yee Kalno mo kí‑iì tònèn yee Karkemish à? Bó kí yòʼ kù‑uù tòn sá yee Hamat mo kí‑iì tònèn yee Arpad, e tòn ŋkàlaʼ yee Samaria mo vé‑eè tònèn yee Damaskus à?

Jeremia 52:9

Vé‑eè koò wun bèy, e lì, e wìy, e yèn fon woó Babilon sho e Ribla, e nsay Hamat. Wù sáʼ Tsədekiya, e nèn tìnén mo á yii shó.

Esiker 27:9

Aránsisi veé Gebalìi wáa dzə e kikoŋ, a dzə̀ vé fèri, kù tee làm e nsàn se kikoŋ. Vikóŋ veé kitu ke nsay vidzə̀m vi‑iì wiy, yén wò, kávnin wáy vèn áwune.›

Amos 6:2

Á lo, kù té a dzə̀ lám e wíri jii, «Vèn koŋ, á dù é Kalne, e lèéy woŋ woo shooyi mo á tònèn. Lo fo fo, á dù é Hamat woo ŋkàlaʼ ye wiy. Maysì fo fo, á sə̀y é Gat wo wù dzəə̀n é wòŋ Filistia. Vé‑eè ton bèy, a virə́ʼ vin vi táv moo vitúm vee Isray wùn Juda à? Woŋ wóv féyì feyìi‑iì lo kùʼ, e mèé e wóné á?»

Kintaŋ 13:21

Á bèy, aŋgàa ŋkiy vìyi nèn kòʼ, e shwèʼ woŋ, e kèʼ fo woʼ yeé Tsin, e dù, e bàʼ e Rehov, fo á sí lò, a nəə́ e nsay Hamat.

Kintaŋ 34:8

Yì lo fo Gwan Hor, é yì nèn dù e Lebo‑Hamat, e shaà, e dù, e bàʼ e Tsədad.

Remrí 1:7

Vèn ŋáʼáy lèn, a dù e wír veé Amorí wòŋ, e mbìv seé agwan. Vèn wáa dù e wòŋ se sí kaarin fó sidzə̀m. A sí dzə̀ jii, mbuŋ Jordan, woŋ agwan, à woŋ seé mboʼ si, a dù e wòŋ woó tsən, a dù e ŋguùŋè Rìbà Ndzə̀v, a dù e wòŋ Kanan, e dù, e yàʼáy agwan veé Lebanon, e dù bèy, e bàʼ e ndzəv ye wiyí yee Yufret.

Remrí 3:25

Kii wò, ku màʼtì, é m líysín ndzə́v yee Jordan, e kfə̀n é ndzən fésə, e yèn nsay yee fó ye juŋ, e yèn woŋ agwan wo wú boŋkìrì, e yèn sá Lebanon.›

Joshua 11:17

e kèʼ fo Gwan Halak wo wù ràmèn, e kìʼ Seir, e dù meé e Baal‑Gad e mboʼ yeé Lebanon, a kfən tsə́n fó Gwan Hermon. Wù tón afon vee fó adzə̀m, e koòrí, e yùyrí.

Joshua 11:3

Wù kfən bì sá wír veé Kanan adzə̀m, veé mbìv Jordan yeé koy yìyí wùn à yeé koy ŋkoòvì, e bì wír veé Amor, à veé Hiti, à veé Perisi, à veé Jebusi e wòŋ agwan, à veé Hiv vé a kfənér e sar Gwan Hermon e ŋgvən yeé Mispàa.

Joshua 12:7

Virə́ʼ ve afon ve Joshua wùn à wír veé Israyi‑iì tònèn é mbìv Jordan fèn ye yì kiʼ fo shùy yii nəə vi vìne. Vé‑eè sə̀ nsay yev, e kèʼ fo Baal‑Gad e mboʼ yeé Lebanon, e dù bàʼ e Gwan Halak wo wù ràmèn, e kìʼ Seir. Joshua‑aà fò nsay yev e rám seé Isray si ji vitsə́ʼ vév, e tòʼtí, e jàv aáwune mo rám sév sí dzə̀kìn.