Joshua 13:31 - ŊWÀʼ NYÙY

³¹ Yì kfən tàtí sa kintoʼnìn ke Gilead wùn à Ashtarot, à Edrey, a dzə̀ ntèʼ se sí‑iì tíy vitú e Fòn Og woó Bashan wòŋ. Á nsay ye vé‑eè foon e kintoʼnìn ke rám Manasse ki mo kfə́ə sév sí‑iì dzə̀kìn, a yí‑iì sàn fo Makir woo wan Manasse.

Joshua 13:31 Iomraidhean Croise

1 Wòŋ 6:71

Vé‑eè fò kfə́ə Gershon virə́ʼ ve dzəə̀n nsay kintoʼnìn ke rám Manasse, a ví dzə̀ jii, Golan e wòŋ Bashan, à Ashtarot wùn à kwáʼ sév sé bvəy si.

Nsùyrì Nyùy 60:7

Kér mo nsay Gilead, a rám Manassèe dzə̀ yém. Yé Efrayime wáa dzə tán yém kishàa, a yé Judàa dzə̀ kitoómé kém.

Esiker 48:4

Nsay ye yì səʼən ye rám Navtali dzə̀ ye rám Manasse, a yì shèr woŋ fo mbìv yee fo shùy yii tó, a kfənér fo yì yii nəə.

Joshua 12:4

Wùmòʼ woo fon wáa dzə Og woo fon woó Bashan, a yì‑iì dzə̀ wír wo wù‑uù berin fó ram Refayim. Wù‑uù dzə́ e Ashtarot, dzə́ e Edrey,

Joshua 13:12

A dzə̀ ji yì tàtí woŋ Fòn Og e dzə̀m, wo wù‑uù sáʼ e Ashtarot, kfə̀n sáʼ e Edrey, a dzə̀ wír wo wù‑uù berin fó ram Refayim. Mooser‑iì tòn wír vìn adzə̀m e jùm, e fə̀ə́r.

Joshua 13:32

Á nsay ye Mooser‑iì jàvìn é ghan se wù‑uù dzə́ e mboʼ yeé Moav ye yì dzəə̀n é mbìv Jeriko, aá líysín ne Jordan, e dù e mbìv yee fo shùy yii tó.

Joshua 17:5

Bìʼ bey, nsay rám Manasse yeé mbìv Jordan yee fo shùy yii nəə nèn fəə̀ virə́ʼ e ghvə̀m, e bóo lì nsay Gilead wùn à ye Bashan ye yì dzəə̀n é ndzə̀n Jordan fèsə.

Joshua 17:6

Yì‑iì fəə̀ bey, bìʼ fo wón vee vikìy veé ram Manassèe‑eè səən vitsə́ʼ réŋréŋ moo vee vilum. A vé‑eè fò ne nsay Gilead rə̀y e kibér ke wìr veé ram Manasse ki.

Joshua 9:10

e kfə̀n yù ke wù‑uù yiìn áàfon veé Amor vee abaà ve á dzəə̀n é ndzə̀n Jordan fèsə, vee ji Sihon woo fon woó Heshbon, à Og woo fon wìr veé Bashan, a wù dzə́ e Ashtarot.

Atǎr Nsaʼ 10:6

Wír veé Israyi kfən lò, a yiì vinyo ve bi ví, a tinsín Nyùy Tàr shó. Áwune kù‑uù ghvə́m mebvə̀m mee *Baal, à mee *Ashtoret, kfə̀n ghvə́m anyùy veé Siiria wùn à veé Sidone, à veé Moavi, à veé Ammone, e lì veé Filistia. Áwune‑eè bìn ndzə̀m e Nyùy Tàr, e làa yòʼ dzə́ə a sùyrì wun gheéy.

Atǎr Nsaʼ 5:17

Gilead‑iì gòʼ kfə́ é ndzən Jordan, Rám Dane ku gòʼ a dzə̀ é shùu vikoŋ. Rám Asheri‑iì gòʼ kév é ŋguùŋè rìbà ndzə̀v, a laáy e shuù se ndzəv fo á tsəər vikóŋ.

1 Samuel 12:10

Á wáa toŋ e Nyùy Tàr, a suúy jii, ‹Vèr jày ne, bìʼ fo vèr meŋen ne Nyùy Tàr, a ghvəm a dzə̀ mebvə̀m me *Baal, à mee *Ashtoret. Lèn, ku sə̀ ver fo aŋgàa vibàn vérí wo, é vèr yiì a cù a dzə̀ wò.›

1 Samuel 7:3

Samuel nèn yòŋ wír veé Isray adzə̀m, e sùúy aáwune jii, «A vèn sí taʼ e kfən fo Nyùy Tàr, vèn à shilív shén shí shidzə̀m, vèn fə̀tí anyùy kisaŋe fo věn mvəm, bo taaka mebvə̀m me nyùy woo wiíy woo *Ashtoret, e fò vitú vén e Nyùy Tàr, a cù a dzə̀ wun. Vèn yii bèy, é wù nèn yiì fə̀ə́r ven fo wír veé Filistiàá wo.»