Joshua 13:3 - ŊWÀʼ NYÙY

³ e lì ŋgvən se wìr veé Awim sidzə̀m, e mbìv wòŋ yee tsə́n.» Nyùy Tàr yòŋ bèy, a ké ŋgvən yee lò fó ndzəv yee Shihor, e bìíy wòŋ Ejiv, a kfənér e mbìv yee kuy, a dù e bìíy Ekron, vé‑eè yèn ji dzə̀ á nsay wìr veé Kanan. Ké ŋgvən wìr veé Filistia ki‑iì dzə̀, a kér afon atàn, woó Gasa wùn à woó Ashdod, à woó Ashkelon, à woó Gat, à woó Ekron.

Joshua 13:3 Iomraidhean Croise

Kèʼlo 10:6

Wón Hame‑eè dzə̀ Kush wùn à Mitsrayim, à Put, à Kanan. Á wír ve vé‑eè kèʼèn vitúm ve ví kér yír sév.

Kèʼlo 15:18

Á *mensaŋ me Nyùy‑iì gwàrìn wùn Abram e kishiíy fóo fèy, a suúy jii, «M fó woŋ və̀n e rám yée, e kèʼ fo ndzəv yeé Ejiv, e dù, e bàʼ e ndzəv ye wiyí, ye dzəə̀n Yufret.

1 Afòn 8:65

Fòn Solomon wùn à wír veé Isray adzə̀me nèn yì ŋkàʼ kishiíy saàmbà e Nyùy Tǎr si, aá wíy virə́ʼ vidzə̀m, e kèʼ fo Hamat, e dù meé e kiwoóy keé Ejiv.

1 Wòŋ 13:5

Á bèy, Fòn Davir nèn bàʼtí wír veé Isray adzə̀m, e kèʼ fo ndzəv yee Shihor e nsay Ejiv, e dù, e meé mo á nəə e Hamat, ji á du, e wìy e ŋkùv mensàŋ Nyùy fo Kiriat‑Jearim.

Aysaya 23:3

Áwune‑eè lìysín ndzə́v sinín, líysin, du, bin vifá veé sum fó Shihor e ghaa ndzəv yee Naay, wiy, dzəsì vikuʼùy vén shó. Vèn‑eè kfə̀n ne ji mbèʼŋkùm wo wù ghán, kávnin wáy vitúm vidzə̀m.

Jeremia 2:18

À du ka lèn e Ejiv? À dù ji à ku dù, e nò a dzə̀ mendzə́v meé Naay à? À du ka lèn e Assiriya? À dù ji à ku dù, e nò a dzə̀ mendzə́v meé Yufret à?

Remrí 2:23

Wír veé Kaftor ve vé‑eè loòn fó Kaftori‑iì wìy, e laàr wír veé Avvim, a wír veé Avvim vìne dzə́ e ntèʼ sí ntèʼ sí, e dù, e meé e Gasa. Á laàr áwune bey, e nèn a dzə fo.

Joshua 13:13

Kù mày wír veé Geshur wùn à veé Maakati, ve bó wír veé Israyi yòʼ‑oò lo tòn, aá kù dzə́ e wír veé Israyí mvəm, e wìy shem lán.

Atǎr Nsaʼ 16:5

Vé saʼ veé Filistiàa wìy, e yèn wiíy və̀n, e sùúy sho jii, «Ku lèvtí Samson, é wù suúy e wò fo vitaáví və́ ví lo, é vèsən fiʼ kiíy dzə́ə ye dzə̀ á ghàn, e bóo kiv kóy və́, e kur wun, e səʼə́r wun e nsay. Aà yiì kin, bo wìr mòʼón mòʼón fo vèr lo, e fo wò vintsə̀m vé kishà ke mbàm ke fəvír kí, kishóv wiì e nsə̀kì.»

Atǎr Nsaʼ 3:3

Vitúm ve ví‑iì gòʼòn é nsay foo fèy vi‑iì dzə̀ jii, ŋkà se laʼ seé Filistia see sitàn, wír veé Kanan, à veé Sidone, e lì wír veé Hiv ve vé‑eè dzə́ e Gwan Lebanon, e kèʼ fo Gwan Baal‑Hermon, e dù, e bàʼ e dzəə ye yì nəə e Hamat.

1 Samuel 5:1

Mo wír veé Filistiàa faàsìn ŋkùv mensàŋ Nyùy, e nèn lì fo Ebeneser, e dù sho e Ashdod.

1 Samuel 5:10

Á nèn tsə̀nsí ŋkùv mensàŋ Nyùy e Ekron. Wù meé fó, wír vee fóo nèn a taŋnín taŋnín, a suúy jii, «Á wìy ne e ŋkùv mensàŋ Nyùy wìr veé Isray e věr nsay ji wù tátí á ver, e yùyrí.»

1 Samuel 5:8

Áwune nèn beè atǎr saʼ veé Filistia. Á báʼtí adzə̀m, áwune dzə́r jii, «Vèsən lo, e yèe le e ŋkùv mensàŋ Nyùy wìr veé Isray?» Atǎr saʼa bìnèr jii, «Vèsən tsə́nsí é Gat.» Á nèn tsə̀nsí ŋkùv mensàŋ Nyùy wìr veé Isray e Gat.

1 Samuel 6:4

Wíri kfən dzə̀r jii, «Vifá ve cù ye yí su ajay ve dzə̀ vèr tsə̀nsí ví dzə̀ vika?» Atàá cù wùn à vé fùú bìnèr jii, «Vèn li *kisha ke mbàm ke baar kí, e fèr vimfìʼìr ve vintokìr vi shó vitàn, e fèr sa vimfìʼìr ve mbàv sí vitàn. Á ku fèr vitàn vitàn mo atǎr saʼ veé Filistiàa dzəə̀n, bìʼ fo ŋgeʼ ye yì‑iì gbuùn e věn kitu kù dzə̀ yìwun ye yì‑iì gbuùn áàtǎr saʼ véné kitu.