Joshua 13:29 - ŊWÀʼ NYÙY

²⁹ Mooser fó sá nsay e kintoʼnìn ke rám Manasse ki ji vitsə́ʼ vév mo kfə́ə sév sí dzə̀kìn.

Joshua 13:29 Iomraidhean Croise

1 Wòŋ 5:23

Kintoʼnìn ke rám Manasse ki‑iì dzə̀ wír nyanyày. Áwune‑eè dzə́ e nsay Bashan, e dù, e mèé e Baal‑Hermon, e dù, e mèé e Senir, e kfə̀n dù, e mèé e Gwan Hermon.

Esiker 48:4

Nsay ye yì səʼən ye rám Navtali dzə̀ ye rám Manasse, a yì shèr woŋ fo mbìv yee fo shùy yii tó, a kfənér fo yì yii nəə.

Kintaŋ 32:22

Lóo dzə, a nsay sí néŋ e wun sar, é vèn nèn kfə̀nkír, e bòy fo Nyùy Tàr, à fo wír veé Israyí wo, é nsay rə̀n nèn a dzə vitsə́ʼ vén ve Nyùy Tàr foon e vèn.

Kintaŋ 32:40

Mooser nèn fò Gilead e kfə́ə Makir woo rám Manassèe. Áwune ku nèn a dzə fo.

Remrí 3:13

Fo kintóʼ ke rám Manasse ki, m fó kibér ke kirə̀ʼ keé Gilead wùn à Bashan e dzə̀m. Kù dzə̀ fo Fòn Og‑iì saʼan, a dzə̀ ji woŋ Argov e dzə̀m.» (Á kù‑uù yám kiiy nsay Bashan e dzə̀m ji woŋ wìr veé Refayim.

Joshua 13:28

Á nsay ye vé‑eè foon e rám Gadi ji vitsə́ʼ vév mo kfə́ə sév sí dzə̀kìn, e lì ŋkà se laʼ sév, à ntèʼ sí.

Joshua 13:30

Nsay yev kèʼ fo Mahanayim, e tàtí Bashan e dzə̀m. A dzə̀ ji woŋ Fòn Og woó Bashan e dzə̀m, à ŋkà se laʼ se Jayir see mntuùfú sí sidzə̀m se sí dzəə̀n é Bashan foo fèy.

Joshua 17:5

Bìʼ bey, nsay rám Manasse yeé mbìv Jordan yee fo shùy yii nəə nèn fəə̀ virə́ʼ e ghvə̀m, e bóo lì nsay Gilead wùn à ye Bashan ye yì dzəə̀n é ndzə̀n Jordan fèsə.

Joshua 17:6

Yì‑iì fəə̀ bey, bìʼ fo wón vee vikìy veé ram Manassèe‑eè səən vitsə́ʼ réŋréŋ moo vee vilum. A vé‑eè fò ne nsay Gilead rə̀y e kibér ke wìr veé ram Manasse ki.

Joshua 22:7

Ké kintoʼnìn ke rám Manasse kì dzə̀, a Mooser‑iì fò ne áwune nsay e Bashan ji vitsə́ʼ vév. Yii bèy, fo kímóʼ kee kintoʼnìn ke rám Manasse ki, a Joshua‑aà fò ne yéev yee nsay aàfə́r véví ghaŋ e nsay yeé mbìv Jordan, a kfən e mbìv yee fo shùy yii nəə. Mo Joshua màʼtìn vísə vee wíri ji á du á e melaʼ, wù lòo səə̀vì,