Joshua 13:27 - ŊWÀʼ NYÙY

²⁷ Mbìv yev yeé mbuŋ Jordan tàtí Bet‑Haram wùn à Bet‑Nimra, à Sukkot, à Tsafon, e lì kibér ke wòŋ Fòn Sihon woó Heshbon. Bìíy yeé mbìv yee fo shùy yii nəə, nén a dzə ndzə́v yee Jordan, e koʼ koʼón, e dù meé e kibaŋ kee Kineret.

Joshua 13:27 Iomraidhean Croise

Kèʼlo 33:17

Jakov nèn lò kfə́, e dù a dzə̀ é Sukkot, e nèn bàʼrì lav rə fó, e kfə̀n tùy vibàn vé nyàm sə́. Á kinyo ke kí yiìn, bo á wáa yòŋ kirə́ʼ kee shooy ji Sukkot.

1 Afòn 7:46

A fòn‑eè sùúy, á fèr vifá vìn a dzə̀ é mboʼ ndzə̀v yeé Jordan, e ntìntìn Sukkot wùn à Tsaretan, fo vé‑eè yii ton visha.

Nsùyrì Nyùy 60:6

Nyùy sùŋnín ne fo wun kirə̀ʼ ke ranén kí jii, «Mo m tavin ne, e ghàʼ, m yíi jàv ŋkàlaʼ yee Shekem, e toʼtí Kiwoóy ké Sukkot, e jàv e wír vémé.

Kintaŋ 32:3

«Atarot, Dibon, Jaser, Nimra, Heshbon, Eleale, Sebam, Nebo, à Beon,

Kintaŋ 32:36

à Bet‑Nimra, e lì Bet‑Haran. Á bàʼrì bèy, sí wáa dzə vikum ve ŋkà se laʼ, a ker vibìn vé bvəy fo ghaŋ.

Kintaŋ 34:11

Yì lo fo Shefam, é yì sə́y é Ribla, a wù dzə̀ é ghaa Ayin, e mbìv yee fo shùy yii tó. Bìíy wíy səy, e gwaàmè e babá seé agwan veé ghaa kibaŋ keé Kineret, e mbìv yee fo shùy yii tó.

Ŋwàʼ Luk 5:1

Wìy lòo dzə e kishiíy kímóʼ kí, Jesus wáa tiy e ghaa kibaŋ ke á yoŋ ji Genesarer. Wíri wìy, e kaàrí e wùn ghaŋ, a farnín, a yuurí kinyo ke Nyùy.

Remrí 3:17

Fo mbìv yee fo shùy yii nəə, bìíy ràm see sitaár sìn, wáa dzə, e dù, e bàʼ e ndzəv yee Jordan. Yì kèʼ fo kibaŋ keé Galeli, fo mbìv yee fó kùy, e sə̀y é Jordan, e dù, e bàʼ e Ndzə́v Shiŋgwaŋe, e mbìv yee tsə́n, e nèn dù, e ndzə̀y e sar Gwan Pisga, e mbìv yee fo shùy yii tó.

Joshua 11:2

Wù kfən bì sá afon veé wòŋ kùyi adzə̀m ve vé‑eè dzə́ aàgwan, e bì veé mbuŋ Jordan wo wù kfənen tsə́n fó kibaŋ keé Kineret, e bì veé mboʼ sa, e bì veé Shefela, e sar se agwan, e lì veé Dor e ghaa rìbà ndzə̀v.

Joshua 12:3

e tàtí virə́ʼ veé mbuŋ Jordan veé mbìv yee fo shùy yii tó, e kèʼ fo kibaŋ kee Kineret, a səy, e dù meé e Jeshimot, e ghaa rìbà ndzə̀v woó mbuŋ Araba wo á yoŋ sa ji Ndzə́v Shiŋgwaŋe, bìíy nen dù jòʼsì e sar se abam veé Pisga.

Joshua 13:26

Bìíy yev yìmòʼ lò fo Heshbon, e dù e Bamat Mispe, e dù bàʼ e Betonim, yìmòʼ ló fó Mahanayim, e dù meé e ŋgvən yeé Debir.

Joshua 13:28

Á nsay ye vé‑eè foon e rám Gadi ji vitsə́ʼ vév mo kfə́ə sév sí dzə̀kìn, e lì ŋkà se laʼ sév, à ntèʼ sí.