Joshua 13:26 - ŊWÀʼ NYÙY

²⁶ Bìíy yev yìmòʼ lò fo Heshbon, e dù e Bamat Mispe, e dù bàʼ e Betonim, yìmòʼ ló fó Mahanayim, e dù meé e ŋgvən yeé Debir.

Joshua 13:26 Iomraidhean Croise

Kèʼlo 31:49

Á kinyo ke á yoŋ fó ji Galeed bèy. Laban kfən sùúy jii, «Mo wòsò sí javsìnè, Nyùy kù yíi a sàyrì kinyo ke à yii, e kfə̀n a sàyrì sa ke m yii.» Á nen kfə̀n yòŋ sa kirə́ʼ kee shooy ji Mispa.

2 Samuel 17:27

Mo Davir meen é Mahanayim, e nèn tàrnín wùn Shobi woo wan Nahash, Nahash wo wù‑uù loòn fó mvə̀mlaʼ yee Rabba e Ammon. Wù kfən tàrnín sa wùn Makir woo wan Ammiel woó Lo‑Debar, à Barsilay woó Rogelim e Gilead.

2 Samuel 2:8

Kí wáa koóy bèy, a mfòóme Saul woo Abner wo yì‑iì dzəə̀n wan Ner kì lì ne Ish‑Boshet, e lìysín sho e Mahanayim.

1 Afòn 22:3

Fòn Ahav yiì lò, e sùúy aàtǎr ntoʼ vəə́ jii, «Vèn kì ji Ramot‑Gilead dzə̀ á nsay yèsən, a vèn dzə́ dzəə́n, e làa yòʼ faàsì fo fòn woó Siiria ji ka?»

1 Afòn 4:14

Wùmòʼ wáa dzə Ahinadav woo wan Iddo, a wù sáʼ Mahanayim.

Joshua 13:25

Nsay yev tàtí ŋkàlaʼ yee Jaser wùn à seé Gilead si sidzə̀m, e lì kintoʼnìn ke wòŋ Ammon, e dù e meé e Aroyer wo wù dzəə̀n é mbìv Rabba yee fo shùy yii tó.

Joshua 13:27

Mbìv yev yeé mbuŋ Jordan tàtí Bet‑Haram wùn à Bet‑Nimra, à Sukkot, à Tsafon, e lì kibér ke wòŋ Fòn Sihon woó Heshbon. Bìíy yeé mbìv yee fo shùy yii nəə, nén a dzə ndzə́v yee Jordan, e koʼ koʼón, e dù meé e kibaŋ kee Kineret.

Joshua 20:8

Fo ndzə̀n Jordan fèsə, fo mbìv yee fo shùy yii tó, aá máʼtí ne Jeriko, e lìysín, á shóʼ Beser wo wù dzəə̀n e rám Rubené nsay, a fóo dzə̀ mboʼ gwan, e kirə̀ʼ ké woʼ kí, e kfə̀n shòʼ Ramot wo wù dzəə̀n é Gilead, e rám Gadí nsay, e kfə̀n shòʼ Golan wo wù dzəə̀n é Bashan e rám Manassèé nsay.

Joshua 21:38

Fo nsay rám Gad, á shóʼtí ŋkà se laʼ sikweè. Sidzə̀m si kú a dzə wùn à kwáʼ sév sé nyàm si, a dzə̀ Ramot woo ŋkàlaʼ kilìr e Gilead, à Mahanayim,

Atǎr Nsaʼ 10:17

Kú a dzə e ghan fóo fèy, wír veé Ammone báʼtí é Gilead, a taamé rə́r, wír veé Israyi nèn bàʼtí vév vé rərí é Mispa.

Atǎr Nsaʼ 11:11

Jefta wùn à vilìmbìy veé Gilead vi nèn dù, á nèn lèm wun ji kilìmbìy kév, wù wáa wam vé rərí. Jefta nèn rùvtí jí sìn sidzə̀m e Mispa, a dzə̀ e Nyùy Tǎr si.

Atǎr Nsaʼ 11:29

Kù é ghan see shooy, Kiyoy ke Nyùy ki wìy, e bànrí Jefta, wùn à vé rər vəə́ ŋáʼáy, a shaà e mvə̀m wòŋ Gilead wùn Manasse, e dù e Mispa e nsay Gilead foo fèy, e bóo dù, e ghiʼ wír veé Ammon.