Joshua 13:22 - ŊWÀʼ NYÙY

²² Wìr wùmòʼ wo wír veé Israyi‑iì yuyrin é ghan fóo fèy‑iì dzə̀ Balaam woo ŋgaà fù woo wan Beor.

Joshua 13:22 Iomraidhean Croise

Kintaŋ 23:23

Fú wóo màʼ ji á ton Jakovi yòʼ dzə̀, kinyo kee shwéŋ ji á maʼ Isray ki yòʼ dzə̀. Á yíi a yòŋ kùm Jakov wùn Isray jii, Á yén á kiŋgaʼnìn ke kinyò ke Nyùy yiìn kí.

Kintaŋ 24:1

Mo Balaam yenen ji Nyùy Tàr taʼ, e səə̀vì a Isray sə́əvin, la wù yòʼ kfə̀n dzə́ə a dù ji wun du, e tàr a kinyo moó ghan símóʼ sí. Wù tiím fó, e lò, e bìnkìr, a kìʼ wóʼ,

Kintaŋ 24:14

Balaam lò, e sùúy e Balak jii, «Bo mo‑óò du, e yèn wír vém. Yii bèy, wìy ó, m lo, e yiì, áà kiíy kinyo ke wír vìne lo, e yiì e vèn é vishiíy ve ví wiyì.»

Kintaŋ 31:8

Vé‑eè yùyrí wíri fó, e tàtí afon veé Midian atàn, aá dzə̀ jii, Evi wùn à Rekem, à Tsur, à Hur, e lì Reba. Vé‑eè yùyrí sá Balaam woo wan Beor.

Joshua 13:23

Bìíy nsay rám Ruben e mbìv yee fo shùy yii nəə, nén a dzə ndzə́v yee Jordan. Á nsay ye vé‑eè foon e rám Rubene ji vitsə́ʼ vév mo kfə́ə sév sí dzə̀kìn, e lì ŋkà se laʼ sév, à ntèʼ sí.

2 Pita 2:15

Áwune màʼtì dzə́ə yee réŋ, e bìn e ye kisaŋ, a yiì mo Balaam woo wan Beor‑iì yiìn. Vé‑eè beè wun e kinyò ke bi kí, wù wáa kòŋ bìʼ mbàm se vé‑eè kàʼàn wun sho.

Ŋwàʼ Jud 1:11

Lòné dzə̀ aáwuné vitu. Áwune yii vinyo a dzə̀ vé Keen, kfə̀n maysì, wáyri wó e jay wo Balaam‑eè yiìn, bìʼ fo á wáy vifií vév a dzə̀ é mbàm. A Nyùy kù wíy laàr áwune adzə̀m mo wù‑uù laàrìn Kora wo wù‑uù loòn, a tsəy kóy wùn wun.

Ŋgaà Yen 19:20

Á nèn tàm, wù koó nyám ye beemén rə̀y wùn ŋgaà ntum və wo wù‑uù rə́si ghán fo wùn mbìy, shóʼ virom, bóʼti wíri shó. A wù kù‑uù bóʼti a dzə̀ wír ve vé‑eè kér nsáŋti nyàm ye beemén rə̀y aáwuné wùn, ghvə́m kibámmbó kfə́. Mo á koon áwune, e nèn dù, e màʼ e kimbiirìn ke və́yí bo sho, baári moo mekàŋ.

Ŋgaà Yen 2:14

Yii bèy, a vinyo vímóʼ ví dzə̀ shó ve vèn yii, la ví yòʼ a gheén mo. Wír ámóʼó dzə̀ e věn mvəm ve á yii vinyo, a dzə̀ ve Balaam‑eè yii. Wù‑uù táŋ mo dzə̀ Fòn Balak yiì, e bóo màʼ wír veé Isray. Wù‑uù din sho mo dzə̀ wù lèvtí wír veé Isray, aá wáa dù e virə̀ʼ vé anyùy, a yikír fo, e kfə̀n a jàŋ kinjàŋ.