Joshua 13:18 - ŊWÀʼ NYÙY

¹⁸ à Jahas, à Kedemot, à Mefa‑At,

Joshua 13:18 Iomraidhean Croise

Aysaya 15:4

Wír veé Heshbon wùn à veé Elealèe fúŋ tóŋ, tóŋ ji á ku sə̀ áwune. Á yú tóŋ yév, du mee e ŋkàlaʼ Jahas. Vé rər veé Moavi tóŋnin, a melív mev mè yaʼà.

Jeremia 48:21

Nyùy Tàr màʼ a ne ŋgeʼ e ŋkà se laʼ seé mboʼ gwan sí kitu. Lòné koò ne a Holon wùn à Jahas, à Mefa‑At,

Jeremia 48:34

«Áwune sí kóʼor a dzə̀ léŋ toŋ, wú kóʼ fo Heshbon, a kiléŋléŋ kí du, mee e Eleale, líysin e Jahas. Wír vee kèʼ fó Tsoar, e dù, e meé e Horonayim, e lì veé Eglat‑Shelishiyàa yú sa mo áwune tóŋé. Ndzə́v seé Nimrim si kfən yùmkír sa.

Kintaŋ 21:23

Yii bèy, la Fòn Sihon yòʼ biìmé ji wír veé Israyi shaa e wun nsay. Wù báʼtí shúu rər və́, e fəə̀, e dù, e taàmé Isray e rə́r sí é Jahas, e kirə̀ʼ ké woʼ kí. Wùn à Isray fùnèn fo.

Remrí 2:26

«Á bèy, mo woo Mooser nèn tsə̀nsí aŋgàa ntum fo woʼ yeé Kedemot, á dù, e bùn Sihon woo fon woó Heshbon e jí see weè si, a suúy sho jii,

Joshua 13:17

Nsay rə̀n tàtí sa Heshbon wùn à ŋkà se laʼ se sí dzəə̀n é ŋgvən ye leŋén rə̀y. A sí dzə̀ ji Dibon wùn à Bamot‑Baal, à Bet‑Baal‑Meon,

Atǎr Nsaʼ 11:20

Fòn Sihon yòʼ‑oò lo biìmé feyì ji wír veé Israyi shaa fo wun nsay. Á bèy, wù nèn fə̀ə́r a dzə̀ vé rər və́, á dù, e bàʼtí e Jahas, e nèn a tsəŋén a dzə̀ rə́r wùn à wír veé Israyi.