Joshua 13:17 - ŊWÀʼ NYÙY

¹⁷ Nsay rə̀n tàtí sa Heshbon wùn à ŋkà se laʼ se sí dzəə̀n é ŋgvən ye leŋén rə̀y. A sí dzə̀ ji Dibon wùn à Bamot‑Baal, à Bet‑Baal‑Meon,

Joshua 13:17 Iomraidhean Croise

1 Wòŋ 5:8

à Bela woo wan Asas wo kfə̀n‑eè dzəə̀n wan wàn Shema, Shema woo wan Joel. Bela wùn à kfə́ə rəə́‑əə̀ dzə́, e kèʼ fo Aror, e dù, e meé e Nebo wùn ǎ Baal‑Meon.

Nehemia 11:25

Wír aníne kù‑uù dzə́ a dzə̀ é virə̀ʼ vee fo súm sév sí‑iì dzəə̀n. Wír vee rám Judàa kù‑uù dzə́ kév é Kiriat‑Arba wùn ǎ Dibon, ǎ Jekabseel, ǎ ntèʼ see fó.

Jeremia 48:18

«Éè wìr veé Dibon, vèn maʼti ghay wón kiŋkoʼòrwùné, e sèsín a dzə̀ é kibvə̀r. Ŋgaà laàr wo wù laar Moav, lo, e kìʼ ven lèn, e bvəʼtí virə́ʼ ve tavkín vee věn ŋkàlaʼ.

Jeremia 48:21

Nyùy Tàr màʼ a ne ŋgeʼ e ŋkà se laʼ seé mboʼ gwan sí kitu. Lòné koò ne a Holon wùn à Jahas, à Mefa‑At,

Jeremia 48:23

e koò Kiriatayim, à Bet‑Gamul, à Bet‑Meon,

Jeremia 48:8

Ŋgaà vibàn yíi laàr ŋkà se laʼ sidzə̀m, bó ŋkàlaʼ yìmòʼ yòʼ yíi ber. Á yíi səʼsí viwoóy, e laàr virə́ʼ vé mboʼ vi, kù mo Nyùy Tàr suuyin.

Esiker 25:9

Á bèy, m wíy yiì, aá ton ŋkà se laʼ se sí tíy e bìíy Moav, é wóŋe kfə́n é ŋgèŋgèr. Kù dzə̀ ŋkà se laʼ se áwune yoy, tiir sho, a sí dzə̀ jii, Bet‑Jeshimot wùn à Baal‑Meon, à Kiriatayim.

Kintaŋ 21:19

e yiì lò fo Mattana, e dù e Nahaliel, e lò fo Nahaliel, e dù e Bamot,

Kintaŋ 21:26

Heshbon‑eè dzə̀ ŋkàlaʼ wìr veé Amor fo Fòn Sihon‑eè sáʼá. Wù‑uù tòn ne fon woó Moav, e faàsì nsay rə rə̀y e dzə̀m, e faàsì bèy, e dù, e bàʼ e ndzəv yee Arnon.

Kintaŋ 21:30

Á bèy lèn, vèr laàr ne rám yév, e kèʼ fo Heshbon, e dù, e bàʼ e Dibon. Vèr sə̀ʼsí ne fó, e dù, e bàʼ e Nofa woó ghaa Medeba.»

Kintaŋ 22:41

Ndzə bvəə́shí, e jàv, Balak lì Balaam wùn wun kóʼ e Bamot‑Baal fo a yì‑iì dzə̀ wùn wun tìím, e yèn wír veé Isray ámóʼó fó ròŋ.

Kintaŋ 32:38

à Nebo, à Baal‑Meon, e lì Sibma. Á nèn lò, e fò yír se sən sí e ŋkà se laʼ se vé‑eè siìrìn fó sìn si.

Joshua 13:16

Nsay yev nèn kèʼ fo Aror wo wù dzəə̀n é ŋguùŋè mboʼ ndzə̀v yeé Arnon, e lì ŋkàlaʼ ye yì dzəə̀n é kintìntìn ke mboʼ yee shooy, e tàtí ŋgvən Medeba e dzə̀m ye yì leŋen é kitu ke agwan.

Joshua 13:18

à Jahas, à Kedemot, à Mefa‑At,

Joshua 14:3

Á wáa jàv bèy, a Mooser‑iì fò ne virə́ʼ e rám seé Isray see sibaà sí, e fò sá e yee kintoʼnìne ji vév vee vitsə́ʼ, rám sin se sí dzəə̀n kév é ndzə̀n Jordan, e mbìv yee fo shùy yii tó. Yii bèy, wù yòʼ‑oò lo fò kirə́ʼ e rám Levìi ji vév vee vitsə́ʼ.

Joshua 18:7

Yii bèy, wír veé ram Levìi yòʼ yíi a ker nsay e věn mvəm, bìʼ fo kév kí kù mày ji áwune wáa lìm ji atàá cù Nyùy Tàr, a wír veé ram Gad wùn à vé Ruben, à vé kintoʼnìn ke rám Manassèe sí kér yéev yee nsay e ndzə̀n Jordan yee fo shùy yii tó mo Mooser woo ŋgaà lìm Nyùy Tàr‑iì foon aáwune.»

Atǎr Nsaʼ 11:26

Sì kiyá ghii taár mo wír veé Israyi dzə̀ʼə̀mèn é Heshbon, ámóʼó wáa dzə e Aror, aámóʼó dzə́ e ŋkà se laʼ seé ŋguùŋè ndzə̀v yee Arnon, e bóo lì ntèʼ see fó ghaŋ. Yì‑iì ghàʼ ka fo vèn sə́ virə́ʼ vee shooy e bàm é ghan fóo fèy?