Joshua 12:8 - ŊWÀʼ NYÙY

⁸ Virə́ʼ vin vi‑iì tàtí mbìv aŋkoŋ, à mbìv Shefela e sar se agwan, à virə́ʼ veé mbuŋ Jordan veé mbìv yee fo shùy yii nəə, à ŋguùŋè sə́ sí, à virə́ʼ vé woʼ ví, e lì Negev fo mbìv yee tsə́n. Wír ve vé‑eè dzə́ e nsay fène‑eè dzə̀ wír veé Hit wùn à veé Amori, à veé Kanane, à veé Perisi, à veé Hivi, e lì veé Jebus.

Joshua 12:8 Iomraidhean Croise

Kèʼlo 10:17

veé Hiv, veé Arek, veé Sin,

Kèʼlo 12:9

Abram ku nèn a ghan, a lò fo fèy, a dù fèy, a səy səyín é mbìv yeé tsən ye á yoŋ ji Negev.

Kèʼlo 13:7

Anshìy nyàm Abram wùn à vé Loti lo, á nèn kù a taŋnín taŋnín. Yì‑iì dzə̀ é ghan fóo fèy, a wír veé Kanan wùn à veé Perisi‑iì dzə́ fo.

Ŋwàʼ Fəə 23:23

Nshìylav yem yíi lì ven, e nəə́ sho e wòŋ wìr veé Amor wùn à veé Hiti, à veé Perisi, à veé Kanane, à veé Hivi, à veé Jebusi. A m yíi laàr áwune fó fo.

Ŋwàʼ Fəə 3:8

Á bèy, m nen sə̀y ji m boyir á áwune fo wír veé Ejiví wo, e fəə́r fo nsay foo fèy, e dù sho e nsay ye juŋ, nsay ye vín nàʼ wùn à vilu vi tsəətìn sho. A dzə̀ nsay ye wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́ sho.

Remrí 7:1

Mooser shaà fo mbìy, a suúy jii, «Nyùy Tàr woo Nyùy won wíy lì ven, e dù sho e nsay ye vèn du, e nəə́ sho ji vèn yov, é wù tsəʼ vitúm fo fo vinín fo věn mbìy, a kù dzə̀ mo vèn wíy a nəə́, a dù. Wù wíy tsə̀ʼ wír veé Hit wùn à veé Girgashi, à veé Amori, à veé Kanane, à veé Perisi, à veé Hivi, à veé Jebusi. Dzə̀ vitúm saàmbà, a ví kùʼkìr, e kfə̀n tàvkír, e shaà ven.

Remrí 9:1

«Éè Isray, vèn yuúrí, e yù. Vèn sí lo, a liysín ndzə́v yee Jordan rə̀n e kishiíy ké lán ki. Vèn líysin, e dù, e sə nsay vitum, a ví dzə̀ viwíy, e kfə̀n tàvkír, e shaà ven. Ŋkà se laʼ sév sí kùʼkìr, e kfə̀n a ker vikum ve kày, a ví kóʼ é yuv.

Joshua 10:40

Á mo Joshua‑aà tònèn woŋ woo shooy e dzə̀m. Wù‑uù tòn vitúm veé mbìv aŋkoŋ, e tòn veé mbìv Negev, à veé mbìv Shefela e sar se agwan, e lì veé babá sí, a kfənér e mbìv ròŋ. Wù‑uù tòn virə́ʼ vin wùn aàfon véví adzə̀m, e làa yòʼ màʼtì wír. Wù kù‑uù yùyrí adzə̀m mo Nyùy Tàr woo Nyùy wìr veé Isray‑iì yòŋèn.

Joshua 11:16

Á bèy, Joshua nèn sə̀ nsay vitum vee shooy e dzə̀m. Wù sə́ ye vitum veé mbìv aŋkoŋ, e sə̀ yeé mbìv Negev, à nsay Goshen e dzə̀m, à mbìv Shefela e sar se agwan, à mbuŋ Jordan. Yì‑iì sə̀ wun nsay ye dzəə̀n ji woŋ Isray e dzə̀m, yeé aŋkoŋ wùn à yeé mboʼ si,

Joshua 3:10

Á wìy, wù wáa suúy aáwune jii, «Vèn yuúrí kinyo ke kí yíi yiì, é vèn kiíy ji Nyùy wo tin dzə̀ á vèn áwune, a wù kù yíi jùm vitúm fo nsay mo vèn nəə. Wù yíi jùm wír veé Kanan wùn à veé Hiti, à veé Hivi, à veé Perisi, à veé Girgashi, à veé Amori, à veé Jebusi.

Joshua 9:1

Afon vee lò fó Jordan, a kfənér e mbìv yee fo shùy yii nə́ə nèn yù mo wír veé Israyi tònèn vitúm. Veé agwane yú, veé mboʼ seé ghaa rìbà ndzə̀ví yú, e dù meé e Lebanon. Á yú bey, e nèn tàr shuu, e bàʼtí shúu wóv rər e mòʼón ji á funen á Joshua wùn à wír veé Israyi, aàfon vìne dzə̀ jii, fon woó Hit, woó Amor, woó Kanan, woó Peris, woó Hiv, e bóo lì woó Jebus.

Atǎr Nsaʼ 1:9

Kee shooy ki shaà, wír veé Judàa nèn a kìʼ mbìv wòŋ yee tsə́n e rə́r sí, a fùnèn wír veé Kanan ve vé‑eè dzə́ e mbìv agwan, a fùnèn ve vé‑eè dzə́ e sar gwan, à ve vé‑eè dzə́ e mbìv wòʼ yee Negevi.