Joshua 12:7 - ŊWÀʼ NYÙY

⁷ Virə́ʼ ve afon ve Joshua wùn à wír veé Israyi‑iì tònèn é mbìv Jordan fèn ye yì kiʼ fo shùy yii nəə vi vìne. Vé‑eè sə̀ nsay yev, e kèʼ fo Baal‑Gad e mboʼ yeé Lebanon, e dù bàʼ e Gwan Halak wo wù ràmèn, e kìʼ Seir. Joshua‑aà fò nsay yev e rám seé Isray si ji vitsə́ʼ vév, e tòʼtí, e jàv aáwune mo rám sév sí dzə̀kìn.

Joshua 12:7 Iomraidhean Croise

Kèʼlo 14:6

à wír veé Hori e gwan woó Seir. Á tòn virə́ʼ vév, e dù, e mèé e El‑Paran e ŋguùŋè wòʼ. Á tòn bèy, e nèn bìnkìr,

Kèʼlo 32:3

Jakov tsə́nsí wír ámóʼó ji á du fó mbìy, e dù yèn á fə́r və Esav fo wù‑uù dzə́ aàgwan veé Seir e wòŋ Edom.

Kèʼlo 36:20

Wír mbìy veé nsay Edome‑eè dzə̀ wón Seir, Seir wo yì‑iì dzəə̀n wan wìr Hor. Kfəə́ se wón Seir si dzə̀ jii, Lotan wùn à Shobal, à Tsibeyon, à Ana,

Kèʼlo 36:8

Esav wo á kfə̀n yoŋ sa ji Edom‑eè lò bey, e dù, a dzə aàgwan veé Seir.

Nsùyrì Nyùy 135:11

Afon, moo Sihon woo fon wìr veé Amor, à Og woo fon woó Bashan, e lì afon adzə̀m ve vé‑eè sáʼ vitúm veé Kanan.

Remrí 2:1

Mooser kú a shaà fo mbìy, a suúy jii, «Vèsən wìy lò, e bìnkìr, a kfən e woʼ e dzəə ye yì du e Rìbà Ndzə̀v wo Baar mo Nyùy Tàr‑iì yòŋèn e mò. Vèsən kú a ghan, a jan vishiíy vishiíy é wòŋ Seir, a wú dzə̀ agwan agwan.

Remrí 2:4

Wù kfən yòŋ ji m suúy á e vèn jii, ‹Vèn sí lo, a tosín woŋ Seir wo dzəə̀n nsay afə̀r vén vee rám Esav. Áwune yíi a fàn ven. Yii bèy, vèn wáa yen

Joshua 11:17

e kèʼ fo Gwan Halak wo wù ràmèn, e kìʼ Seir, e dù meé e Baal‑Gad e mboʼ yeé Lebanon, a kfən tsə́n fó Gwan Hermon. Wù tón afon vee fó adzə̀m, e koòrí, e yùyrí.

Joshua 11:23

Á mo Joshua‑aà səən nsay e dzə̀m, kù réŋréŋ mo Nyùy Tàr‑iì suuyin e Mooser ji á kù wíy yiì. Joshua nèn fò ji vitsə́ʼ vé wìr veé Isray, e jàvtì aáwune mo kfə́ə sév sí dzə̀kìn. Dzə̀ é ghan sin se wír veé Israyi‑iì meèmèn fó rər.

Joshua 3:17

Aá líysinè, aàtàá cù ve vé‑eè béʼ ŋkùv mensàŋ Nyùy Tàrí kù tíy e mvə̀m Jordan e nsay ye yumér. Á tiím fó, e meé mo kitúm kidzə̀m ki‑iì tumen, e mày.

Joshua 9:1

Afon vee lò fó Jordan, a kfənér e mbìv yee fo shùy yii nə́ə nèn yù mo wír veé Israyi tònèn vitúm. Veé agwane yú, veé mboʼ seé ghaa rìbà ndzə̀ví yú, e dù meé e Lebanon. Á yú bey, e nèn tàr shuu, e bàʼtí shúu wóv rər e mòʼón ji á funen á Joshua wùn à wír veé Israyi, aàfon vìne dzə̀ jii, fon woó Hit, woó Amor, woó Kanan, woó Peris, woó Hiv, e bóo lì woó Jebus.