Joshua 12:5 - ŊWÀʼ NYÙY

⁵ a sáʼ rəə́‑əə̀ tàtí Gwan Hermon wùn à Gwan Saleka, à ŋgvən Bashan e dzə̀m, e dù mèé e bìíy wìr veé Geshur wùn à veé Maakati. Woŋ vəə́ tàtí kintoʼnìn ke Gilead kee fó kùy, e dù e mèé e Fòn Sihon woo fon woó Heshbon bìíy.

Joshua 12:5 Iomraidhean Croise

2 Samuel 13:37

Absalom‑eè lèʼ bey, e dù fo Talmay woo wan Ammihud wùn, wo yì‑iì dzəə̀n fon woó Geshur. Davir kú a dìy kfə́ kpú wan və Amnon kishiíy kidzə̀m.

2 Samuel 15:8

Wun‑eè kàʼ, a wun dzə̀ á e Geshur e Siiria ji a Nyùy Tàr lòo dzə, e siìr a wun e bàm é Jerusalem, é wun du, e cù a wun woo Nyùy Tàr é Hebron.»

2 Samuel 23:34

à Elifelet woo wan Ahasbay woó Maaka, à Eliam woo wan Ahitofel woó Gilo,

2 Samuel 3:3

Kileav wo yè wov dzəə̀n Abigail wo yì‑iì dzəə̀n wíiy ŋkfə Nabal woó Karmel, Absalom wo yè wov dzəə̀n Maaka woo wan Talmay, Talmay woo fon woó Geshur.

2 Afòn 25:23

Vilìmbìy ve rər vidzə̀m wùn à vé rər ve á yòʼ‑oò ló ne fò shiŋkfə́ŋe nèn lò, e yù ji fòn woó Babilon kòʼór ne a Gedalia ji taà saʼ, á nèn wìy wùn à wír véví, e tàtí Gedalia e Mispa. Vilìmbìy ve rər vin vi‑iì dzə̀ jii, Ishmael woo wan Netania, Johanan woo wan Karea, Serayia woo wan Tanhumet woó Netofa, e bóo lì Jaasania woó Maakat.

1 Wòŋ 5:11

Rám Gadi‑iì dzə́ e wòŋ woo Bashan, kuy fo nsay rám Rubene, e kèʼ bèy, e dù, e mèé e Saleka.

Jeremia 40:8

Amfòómé víne yú bey, e nèn dù e Mispa, e yèn Gedalia fo. Áwune‑eè dzə̀ jii, Ishmael woo wan Netania, Johanan wùn Jonatan vee wón Karea, wùn à Serayia woo wan Tanhumet, à wón Efay woo wír woó Netofàa, e bóo lì Jesania woo wír woó Maaka, wír wùn à wír véví.

Remrí 3:14

Wìr woó ram Manasse, aá yoŋ ji Jayir nèn yòv woŋ Argov e dzə̀m wo dzəə̀n Bashan. Wù yòv bèy, e dù, e bàʼ mo bìíy Geshur wùn Maakat duùn, e ndzə̀y. Wù nèn shù ntèʼ sí a dzə̀ meŋkfə́m mvə. Á kù dzəə́ kiiy fó, e to lán ji ntèʼ sé Jayir.)

Joshua 11:3

Wù kfən bì sá wír veé Kanan adzə̀m, veé mbìv Jordan yeé koy yìyí wùn à yeé koy ŋkoòvì, e bì wír veé Amor, à veé Hiti, à veé Perisi, à veé Jebusi e wòŋ agwan, à veé Hiv vé a kfənér e sar Gwan Hermon e ŋgvən yeé Mispàa.

Joshua 12:1

Virə́ʼ ve afon vee abaà ve wír veé Israyi‑iì tònèn, é ndzə̀n Jordan fèsə, e mbìv yee fo shùy yii tó vi vìne. Vé‑eè sə̀ nsay yev e kèʼ fo Kiwoóy ké Arnon, e dù bàʼ e Gwan Hermon, e tàtí virə́ʼ veé mbuŋ Jordan veé mbìv yee fo shùy yii tó.

Joshua 13:11

Yì‑iì tàtí Gilead, à ŋgvən se wìr veé Geshur wùn à seé Maakat si, e lì Gwan Hermon e dzə̀m, à Bashan e dzə̀m, e dù, e mèé e Saleka.

1 Samuel 27:8

Davir wáa dzə fo bèy, wùn à wír vəə́ wáa lò, a dù, a nəə́ wír veé Geshur e rə́r sí, à veé Girsìi, à veé Amalek ve vé‑eè sí dzə́ e mbìv wòŋ foo fèyi. Aá funèn bèy, du duùn é Shur, e dù, e meé e Ejiv.