Joshua 12:1 - ŊWÀʼ NYÙY

¹ Virə́ʼ ve afon vee abaà ve wír veé Israyi‑iì tònèn, é ndzə̀n Jordan fèsə, e mbìv yee fo shùy yii tó vi vìne. Vé‑eè sə̀ nsay yev e kèʼ fo Kiwoóy ké Arnon, e dù bàʼ e Gwan Hermon, e tàtí virə́ʼ veé mbuŋ Jordan veé mbìv yee fo shùy yii tó.

Joshua 12:1 Iomraidhean Croise

1 Afòn 4:19

e lì Geber woo wan Uri, a wù sáʼ mbìv Gilead ye yì‑iì dzəə̀n fó ŋgùʼ ji nsay Fòn Sihon woo wir Amor, à nsay Fòn Og woó Bashan. Ŋgaà saʼ wùmòʼ nen kfə̀n a dzə e mòʼón wo wù‑uù tatin woŋ və̀n e dzə̀m, a saʼ.

Nsùyrì Nyùy 133:3

Shuu woo mòʼón və̀ne rəsìn moo ŋweʼ yeé Gwan Hermon, a sì yíwun ye yí gbu lèn aàgwan veé Sion. Dzə̀ é Sion fèn fo Nyùy Tàr yii vinyo ve wù‑uù kàʼàn, ŋkàʼmé wo dzəə̀n dzəʼə̀m yee là may.

Nsùyrì Nyùy 136:21

e nèn fò nsay yev ji vitsə́ʼ e wír veé Israyi. Koŋ ye wù koŋ wír vəə́ yòʼ wíy mày.

Nsùyrì Nyùy 89:12

Kuy wùn à tsə́né kù‑uù bòm wò. Gwàn Tabor wùn Hermon kù séŋ moo wír, ndzə́ʼ a dzə̀ wò.

Aysaya 16:2

Á ku dù, e tiìsí a jii, wír veé Moavi sàm ne, aá sì é tuumé sé ndzəv yee Arnon, aá kù sì moo menə́n me á kèmèn fó laʼ, mè wáa kàtìr féŋ.

Kintaŋ 21:13

e lò, e tùm ndzə́v yee Arnon, e beè e mbìv ye yì dzəə̀n é woʼ ye yí ràmèn fó bìíy nsay wìr veé Amor. Ndzə́v yee Arnon rə̀ne jav bìíy nsay wìr veé Moav wùn à ye wìr veé Amor.

Kintaŋ 21:21

Wír veé Israyi nèn yiì lò, e tsə̀nsí aŋgàa ntum fo Fòn Sihon wùn, a dzə̀ fon wìr veé Amor.

Kintaŋ 21:24

Sí màʼ, Isray tòn áwune, e yòv nsay yev, e kèʼ fo ndzəv yee Arnon, e dù, e meé e yee Jabboki, e dù, e bàʼ e wír veé Ammoné nsay, e làa yòʼ nəə́ fo, bìʼ fo bìíy yev‑iì dzə̀, aá lím, yì táv.

Kintaŋ 32:19

Vèr yòʼ wíy a tàʼ kirə́ʼ kímóʼ kí é ndzə̀n Jordan fèsə, kìn dzə̀ ji á baŋrin fó, bìʼ fo kér kee kirə́ʼ kí kù sí wìy a dzə e mbìv Jordan fèn yee fo shùy yii tó. Kù sì vitsə́ʼ vér ben.»

Kintaŋ 32:32

Vèr yíi baʼtí, e liysín e nsay Kanan, e dù, e màʼ rə́r sé Nyùy Tàr, é kirə́ʼ ke vèr yov ji vitsə́ʼ vér kí goʼ é mbìv Jordan fèn.»

Kintaŋ 32:33

Mooser nèn tàtí nsay Fòn Sihon woo fon wìr veé Amor wùn à ye Fòn Og, woó Bashan, e fò e rám Gad wùn à yé Rubene, e fò sá e kintoʼnìn ke rám Manasse woo wan Joosev ki. Wù lòo fo, e tàtí ŋgvən si wùn à ŋkà se laʼ si, e kù nèn fò bey woŋ e dzə̀m.

Remrí 2:24

Mooser kú a shaà fo mbìy jii, «Vèsən‑eè tòsín Moav, Nyùy Tàr yòŋ e vèsən jii, ‹Vèn ŋáʼáy, e bàʼtí vifá vén ví, e dù, e tùm kiwoóy ké ndzəv yee Arnon ki. Ké ru kí, m wày ne Sihon woo wír woó Amor wo dzəə̀n fon woó Heshbon wùn à nsay rə e věn kiwo. Vèn keʼ, a màʼ wun e rə́r sí, a faàsì nsay rə.

Remrí 2:32

Á bèy, Sihon wùn à vé rər və́ adzə̀me fəə́, e taàmé ver e rə́r sí é Jahas.

Remrí 3:1

Mooser kú a shaà fo mbìy, a suúy jii, «Vèsən màysì bèy, e bìnkìr, e kìʼ kuy, e kòʼ, e dù, e bàʼ e Bashan. Á meé fó, Fòn Og fəə́ wùn à shúu rər vəə́ e dzə̀m, e taàmé vèsən e rə́r sí é Edreyi.

Remrí 4:44

Yéʼéy Nyùy wùn à nsər se Mooser‑iì foon e wír veé Isray si sìne.

Remrí 4:46

e wìy, a dzə e mbuŋ Jordan, e mbìv yee fo shùy yii tó, e ŋkìʼnìn Bet‑Peor. Fóo dzə̀ nsay Fòn Sihon woó Amor wo wù‑uù dzə́ e Heshbon, wo Mooser wùn à wír veé Israyi‑iì tònèn é ghan se vé‑eè wìyìn fó Ejiv.

Remrí 4:48

Fóo kèʼ fo Aror e ŋguùŋè kiwòóy ké Arnon, e dù, e bàʼ e Gwan Siriyon, aá kù yoŋ sa ji Gwan Hermon.

Joshua 1:15

e meé mo Nyùy Tàr yíi yiì, vèn maʼ rə́r, sí bórí, aá yov nsay ye Nyùy Tàr‑iì foon aáwune. Á yovì, é bo vèn kfə́n é bàm, e yòv yéen yee nsay ye Mooser woo ŋgaà lìm Nyùy‑iì foon e vèn ji yéen é ndzə̀n Jordan fèn, e mbìv yee fo shùy yii tó.»

Joshua 11:17

e kèʼ fo Gwan Halak wo wù ràmèn, e kìʼ Seir, e dù meé e Baal‑Gad e mboʼ yeé Lebanon, a kfən tsə́n fó Gwan Hermon. Wù tón afon vee fó adzə̀m, e koòrí, e yùyrí.

Joshua 11:3

Wù kfən bì sá wír veé Kanan adzə̀m, veé mbìv Jordan yeé koy yìyí wùn à yeé koy ŋkoòvì, e bì wír veé Amor, à veé Hiti, à veé Perisi, à veé Jebusi e wòŋ agwan, à veé Hiv vé a kfənér e sar Gwan Hermon e ŋgvən yeé Mispàa.

Joshua 13:8

A dzə̀ fo kintoʼnìn ke rám Manasse ki wùn à rám Rubene, à yé Gadi, bo Mooser woo ŋgaà lìm Nyùy Tàr‑iì fò ne vév vee vitsə́ʼ a dzə̀ é mbìv Jordan yee fo shùy yii tó.

Joshua 22:4

Ké lèn ki, Nyùy Tàr woo Nyùy won fò ne meemè aàfə́r véné mo wù‑uù kàʼàn áwune. Á bèy, vèn kfə́n ri e věn melaʼ e nsay ye Mooser woo ŋgaà lìm Nyùy Tàr‑iì foon e vèn é ndzə̀n Jordan fèsə, e mbìv yee fo shùy yii tó.

Atǎr Nsaʼ 11:18

Fo bàm, áwune nèn dù dzə́ə fó woʼ, e dù, a ghan, a gwàm nsay Edom wùn à yeé Moav gwámen. Á meé é bìíy Moav, e nèn a gwaàmè e mbìv ye shùy yii tó fo fo, e dù, e dzə̀ʼə̀m e ŋguùŋè ndzə̀v yeé Arnon yeé mbìv fésə. Bó áwune yòʼ‑oò lo làʼ kiwuú kév é nsay Moav, bìʼ fo Arnon‑eè dzə̀ bìíy wòŋ woo Moav.