Joshua 11:8 - ŊWÀʼ NYÙY

⁸ Á bèy, Nyùy Tàr wáy afon vìy wùn à vé rər véví e wír veé Israyí wo, Isray wáa jùm áwune, a yuyrí, e jùm bèn, e dù bàʼ e Sidon wo wiy, e shaà dù e Misrefot‑Mayim, e kfə̀n jùm e dù duùn é mbìv yee fo shùy yii tó, e dù bàʼ e mboʼ yeé Mispe, e yùyrí áwune yúyrín, la wìr yòʼ gòʼ e tin.

Joshua 11:8 Iomraidhean Croise

Kèʼlo 10:15

Kanan‑eè dzə̀ tàr à Sidon, a yì‑iì dzə̀ wán və mbìy, e nèn kfə̀n lì Het. Á wír ve vé‑eè kèʼèn vitúm ve ví kér yír sév.

Kèʼlo 49:13

«Sebulon wíy a dzə e ghaa *rìbà ndzə̀v, é wáa dzə kibeèy ké amàkìkoŋ. Ŋgvən rə wíy dù, e mày e Sidon.

2 Samuel 24:6

Á lò fo fo, e dù, e mèé e mbìv wòŋ yeé Gilead wùn à yeé Taktim‑Hodshi, e bóo dù e Dan‑Jaan. Á ló fó fo, e dù e Sidon, e mbìv yee fo shùy yii nəə.

Aysaya 23:4

Éè wìr veé Sidon, vèn wáa woomé, ven ve kirə́ʼ kén ke tavín kí dzəə̀n a dzə̀ é ghaa rìbà ndzə̀v. Rìbà ndzə̀v mèŋ ne ven, a yiì mo súŋnin wír, a suúy jii, «Kí sì moo ji bó m yòʼ‑oò ghàn ne lùm wán, jòkìnyàʼ, e bóo dzəə́, a dzə moo ji bó m yòʼ‑oò ghàn ne lìy wón vee vilum, e bóo lìy vee vikìy.»

Sekariya 9:2

Ntum rə̀n rə́ʼəy sa kitúm kee Hamat, a kí jáv bìíy wùn à Hadrak, à Damaskus. Yì kfə̀n kiʼ wír veé Taya wùn à Sidon, fə̀m mo á kiìn vinyo e ŋàŋ.

Remrí 7:2

Wíy lóo dzə, a Nyùy Tàr woo Nyùy won wáy ne áwune e věn kiwo, vèn tonè, bo vèn kér fóo laàr ŋkuuŋkùŋ. Lá vèn yòʼ wìy gwàr *mensaŋ vèn áwune. Lá vèn yòʼ wìy rə̀r mendzən mev féyì feyì.

Remrí 9:3

Yii bèy, vèn kiíy lán ji wìr wo wù du fo mbìy, tee virə́ʼ moo və́y, dzə̀ á Nyùy Tàr woo Nyùy won. Mo Nyùy Tàr‑iì kàʼàn ne ven, bo wù yíi tòn áwune, e laàr e věn mbìy. Bo dzə̀ ji vèn yíi jùm áwune, e laàr áwune cércér.

Joshua 10:20

Joshua wùn à vé rərí ku nèn a gwàtì wír veé Amor gwátin, e meé mo vé‑eè laàrìn áwune ŋkuuŋkùŋ. Yii bèy, ámóʼó ku yòʼ lèʼkír, e jeètí, e nə̀ə́ aáwuné ŋkà se laʼ.

Joshua 11:3

Wù kfən bì sá wír veé Kanan adzə̀m, veé mbìv Jordan yeé koy yìyí wùn à yeé koy ŋkoòvì, e bì wír veé Amor, à veé Hiti, à veé Perisi, à veé Jebusi e wòŋ agwan, à veé Hiv vé a kfənér e sar Gwan Hermon e ŋgvən yeé Mispàa.

Joshua 11:7

Joshua yú bey, wùn à vé rər vəə́ ku nèn lò, e woòné, e ghìʼ afon vìy e rə́r sí, e ghaa kisə̀m keé Merom.

Joshua 13:6

Kirə́ʼ kin ki tàtí nsay wìr veé Sidon e dzə̀m, aáwune dzə́ aàŋkoŋ, e nsàn agwan veé Lebanon wùn Misrefot‑Mayim. Mómò, m yíi jùm wír vìn adzə̀m mo wír veé Israyi nəə e nsay foo fèy. Ké ki wáa dzə ji à kù yíi jàv nsay rə̀n e wír veé Israyi ji vitsə́ʼ vév mo mò‑oò suuyin e wò.

Joshua 19:28

e shaà Ebron, e shaà Rehov, e shaà Hammon, e shaà Kana, e dù bàʼ e Sidon wo Wiy.

Joshua 21:44

Nyùy Tàr nèn fò áwune meemè mbìv sidzə̀m, kù mo wù‑uù lìʼìn ne aàtàr véví. Bó ŋgaà vibàn wov yòʼ‑oò lo ghàʼ áwune, fə̀m e mòʼón. Nyùy Tàr‑iì wày aŋgàa vibàn vév adzə̀m aáwuné kiwo.