Joshua 11:3 - ŊWÀʼ NYÙY

³ Wù kfən bì sá wír veé Kanan adzə̀m, veé mbìv Jordan yeé koy yìyí wùn à yeé koy ŋkoòvì, e bì wír veé Amor, à veé Hiti, à veé Perisi, à veé Jebusi e wòŋ agwan, à veé Hiv vé a kfənér e sar Gwan Hermon e ŋgvən yeé Mispàa.

Joshua 11:3 Iomraidhean Croise

Kèʼlo 31:49

Á kinyo ke á yoŋ fó ji Galeed bèy. Laban kfən sùúy jii, «Mo wòsò sí javsìnè, Nyùy kù yíi a sàyrì kinyo ke à yii, e kfə̀n a sàyrì sa ke m yii.» Á nen kfə̀n yòŋ sa kirə́ʼ kee shooy ji Mispa.

2 Samuel 24:16

Yii bèy, nshìylav Nyùy Tàr meé é Jerusalem, e lòo nàn wó ji wun waà sí laarì, Nyùy Tàr rə̀m ntéŋ bìʼ kilày, e nèn sùúy e nshìylav rə ye yì‑iì laar wíri jii, «Gheén lèn.» Wù wáa suúy bèy, a yì tíy e Arauna woo wir Jebus ghaa riimé.

2 Samuel 24:7

Á meé é ŋkàlaʼ yee Taya ye vé‑eè bomen kay, e kaàrí sho, e nèn dù, a ghan e ntèʼ sé wìr veé Hiv wùn à sé wìr veé Kanan si, e bóo màysì e Beersheba, e mbìv nsay Juda yee tsə́n.

1 Afòn 15:22

Fòn Asa nèn fò sáʼ, yí ghánén Juda e dzə̀m, la kirə́ʼ kí yòʼ bèr. Á béʼéy tíy wùn à vicí ve toʼón ví fó Rama ve Fòn Baasha‑aà yii kibaʼrì sho. Fòn Asa nèn lì vifá vìn, e dù, e yiì kibaʼrì sho e Geba wo wù dzəə̀n é nsay Benjamin, e kfə̀n yiì sa kímóʼ kí é Mispa.

1 Afòn 9:20

Wír ve vé‑eè lim lim vitaaví víne dzə̀, a Fòn Solomon‑eè tàyrí wir dzə̀m wo wù‑uù berin é wòŋ, fo vitum ve wír veé Israyi yòʼ‑oò lo yù fóo laàr, aá may. Vé‑eè bèr fo wír veé Amori, e bèr fo veé Hiti, à veé Perisi, à veé Hivi, e lì veé Jebus. Wù‑uù yiì, áwune wáa rèŋ vikwàn, a lìm lim vitaavií, a kù dzə̀ mo áwune lim, e wìy shem lán.

Nsùyrì Nyùy 133:3

Shuu woo mòʼón və̀ne rəsìn moo ŋweʼ yeé Gwan Hermon, a sì yíwun ye yí gbu lèn aàgwan veé Sion. Dzə̀ é Sion fèn fo Nyùy Tàr yii vinyo ve wù‑uù kàʼàn, ŋkàʼmé wo dzəə̀n dzəʼə̀m yee là may.

Nsùyrì Nyùy 89:12

Kuy wùn à tsə́né kù‑uù bòm wò. Gwàn Tabor wùn Hermon kù séŋ moo wír, ndzə́ʼ a dzə̀ wò.

Yòv Viŋgér 4:8

Yeè lav wom woo shilív shém, ku sə̀ʼə́y fo agwan veé Lebanon. Sə́ʼə́y, e wìy é wòsò wáa dzə. Éè mò, kii wò, ku sə̀ʼə́y fo fo, e wìy. Ku sə̀ʼə́y fo loò Gwan Amana, sə́ʼə́y fó kitu ke Gwan Senir. Lò fó Gwan Hermon fèy. Mbvə̀ʼ se abvərə̀ʼ sí dzə̀ fó. Kii wò, ku lò fo agwan ve abáa dzəə̀n shó vìn, e wìy.

Jeremia 40:10

A dzə̀ fo kém kí, bo m yíi a dzə e Mispa fèn, e lì kirə́ʼ kén e wír veé Babiloné si, ve á wíy a wìy, a yen ver. Á bèy, fo kén kí, vèn kú a dzə e ntèʼ se á foon e vèn, a baʼtí meluʼ, a kòy vicí ve ví koomen e lùm, a naá meŋgvə́r mè, a lèm.»

Jeremia 40:6

Jeremia nèn dù e Mispa, e yèn Gedalia woo wan Ahikam, wùn áwune, à wír ve vé‑eè berin é nsay Judàa wáa dzə.

Jeremia 41:14

Á bèy, wìr dzə̀m wo Ishmael‑iì koon fó Mispa, a dù sho nèn tùmnín, e dù yèn Johanan.

Jeremia 41:3

Ishmael‑iì yùyrí sá wír veé Juda adzə̀m ve vé‑eè dzəə̀n e Gedalia ghaŋ, e kfə̀n yùyrí sa vé rər veé Babilon ve vé‑eè dzəə̀n fó.

Kintaŋ 13:29

Wír veé Amaleki dzə́ e nsay Negev, a veé Hit wùn à veé Jebus, à veé Amori dzə́ kév é wòŋ agwan, a veé Kanane dzə́ e ŋguùŋè rìbà ndzə̀v, e kfə̀n a dzə e ghaŋ se ndzəv yee Jordan.»

Remrí 4:48

Fóo kèʼ fo Aror e ŋguùŋè kiwòóy ké Arnon, e dù, e bàʼ e Gwan Siriyon, aá kù yoŋ sa ji Gwan Hermon.

Remrí 7:1

Mooser shaà fo mbìy, a suúy jii, «Nyùy Tàr woo Nyùy won wíy lì ven, e dù sho e nsay ye vèn du, e nəə́ sho ji vèn yov, é wù tsəʼ vitúm fo fo vinín fo věn mbìy, a kù dzə̀ mo vèn wíy a nəə́, a dù. Wù wíy tsə̀ʼ wír veé Hit wùn à veé Girgashi, à veé Amori, à veé Kanane, à veé Perisi, à veé Hivi, à veé Jebusi. Dzə̀ vitúm saàmbà, a ví kùʼkìr, e kfə̀n tàvkír, e shaà ven.

Joshua 11:17

e kèʼ fo Gwan Halak wo wù ràmèn, e kìʼ Seir, e dù meé e Baal‑Gad e mboʼ yeé Lebanon, a kfən tsə́n fó Gwan Hermon. Wù tón afon vee fó adzə̀m, e koòrí, e yùyrí.

Joshua 11:8

Á bèy, Nyùy Tàr wáy afon vìy wùn à vé rər véví e wír veé Israyí wo, Isray wáa jùm áwune, a yuyrí, e jùm bèn, e dù bàʼ e Sidon wo wiy, e shaà dù e Misrefot‑Mayim, e kfə̀n jùm e dù duùn é mbìv yee fo shùy yii tó, e dù bàʼ e mboʼ yeé Mispe, e yùyrí áwune yúyrín, la wìr yòʼ gòʼ e tin.

Joshua 13:11

Yì‑iì tàtí Gilead, à ŋgvən se wìr veé Geshur wùn à seé Maakat si, e lì Gwan Hermon e dzə̀m, à Bashan e dzə̀m, e dù, e mèé e Saleka.

Joshua 13:5

Á ku sə̀ sá nsay wìr veé Gebal, à nsay wìr veé Lebanon e dzə̀m, e dù duùn é mbìv yee fo shùy yii tó, e kèʼ fo Baal‑Gad e dù meé e Lebo Hamat.

Joshua 15:38

Dilean, Mispe, Jokteel,

Joshua 15:63

Yii bèy, la wír veé Judàa yòʼ yù fóo jùm wír veé Jebus ve vé‑eè dzə́ e Jerusalem, e fəə́r. Wír veé Jebusi ku nèn a dzə wùn à wír veé Judàa é Jerusalem e shem lán.

Joshua 18:26

Mispe, Kefira, Mosa,

Joshua 3:10

Á wìy, wù wáa suúy aáwune jii, «Vèn yuúrí kinyo ke kí yíi yiì, é vèn kiíy ji Nyùy wo tin dzə̀ á vèn áwune, a wù kù yíi jùm vitúm fo nsay mo vèn nəə. Wù yíi jùm wír veé Kanan wùn à veé Hiti, à veé Hivi, à veé Perisi, à veé Girgashi, à veé Amori, à veé Jebusi.

Atǎr Nsaʼ 20:1

Wír veé Israyi ku nèn fəə̀ wir dzə̀m, e kèʼ fo Dan, e dù, e mèé e Beersheba, à fó nsay Gilead, e bàʼtí e Nyùy Tǎr si e Mispa ji kitú kimòʼón.

Atǎr Nsaʼ 21:5

Wír veé Israyi nèn dzə̀r jii, «Wír ámóʼó sà dzə̀ shó e mvə̀m ràm seé Isray, ve bó á yòʼ‑oò lo dù e Mispa fo vé‑eè banen e Nyùy si a?» Vé‑eè dzə́r bèy, bìʼ fo áwune‑eè yiin kilìʼ ji á waà wíy yuyrí a wír wo wù gòʼòn fó Mispa.

Atǎr Nsaʼ 21:8

Mo áwune kù‑uù dzəə́ túŋ ji kìn káŋ wùmòʼ‑oò lo gòʼ fóo dù a Mispa fo vé‑eè tárnin e Nyùy si, á túŋ bey, kí nèn fəə̀sín ji bó wìr yòʼ‑oò lo wìy a fo Jabesh Gilead, fə̀m à woo mòʼón sho.

Atǎr Nsaʼ 3:3

Vitúm ve ví‑iì gòʼòn é nsay foo fèy vi‑iì dzə̀ jii, ŋkà se laʼ seé Filistia see sitàn, wír veé Kanan, à veé Sidone, e lì wír veé Hiv ve vé‑eè dzə́ e Gwan Lebanon, e kèʼ fo Gwan Baal‑Hermon, e dù, e bàʼ e dzəə ye yì nəə e Hamat.

Atǎr Nsaʼ 3:5

Á bèy, wír veé Israyi nèn a dzə wùn à wír veé Kanane, à veé Hiti, à veé Amori, à veé Perisi, à veé Hivi, e bóo lì veé Jebus.

1 Samuel 10:17

Samuel nèn lò, e jàŋrì wíri, á báʼtí e Nyùy Tǎr si e Mispa,