Joshua 11:23 - ŊWÀʼ NYÙY

²³ Á mo Joshua‑aà səən nsay e dzə̀m, kù réŋréŋ mo Nyùy Tàr‑iì suuyin e Mooser ji á kù wíy yiì. Joshua nèn fò ji vitsə́ʼ vé wìr veé Isray, e jàvtì aáwune mo kfə́ə sév sí dzə̀kìn. Dzə̀ é ghan sin se wír veé Israyi‑iì meèmèn fó rər.

Joshua 11:23 Iomraidhean Croise

Nehemia 9:24

Wón véví nèn wìy nə̀ə́, e yòv fó. Wò‑oò rèŋèr vitaáví vé wìr veé Kanan ve vé‑eè dzə́ fo, aáwune yéné, e nèn wày wír veé Kanan wùn aàfon véví, à wír ve vé‑eè dzə́ foo aáwuné wo, á wáa lovtí sho mo á kòŋèn.

Nsùyrì Nyùy 46:9

Wù mayìr rə́r fó kitu ke nsay, béʼti vinte, kívti kòŋ sí kivtín, ton *viténtén vé rər e və́yí.

Ŋwàʼ Fəə 34:11

«Vèn lem kinyo ke m suuy e vèn lán ki. M yíi jùm wír veé Amor wùn à veé Kanane, à veé Hiti, à veé Perisi, à veé Hivi, à veé Jebusi, aá wáa leʼ ven.

Esiker 45:8

Taà saʼ kù wíy a ker fó ji vitsə́ʼ və́ é nsay Isray, é la atǎr saʼa yòʼ dzəə wìy a ghiʼ wír vém ji á faasi kirə́ʼ. Áwune ku màʼtì kibér ke nsay e rám seé Isray si ji vév vee vitsə́ʼ.»

Remrí 1:38

Kù wíy nəə́ Joshua woo wan Nun, wun woo ŋgaà wò ntom. Ku tàvír wun, bìʼ fo wíy tsəəné wun wír veé Isray, aá du, e yòv fó.

Remrí 25:19

Kí nén a dzə jii, Nyùy Tàr woo Nyùy won wíy yii, vèn meemè fo aŋgaà vén vibàné wo adzə̀m, áwune ve á kaarin ven, e tàr é nsay ye Nyùy Tàr woo Nyùy won fó ji vèn yov ji vitsə́ʼ vén, vèn laàr wír veé Amalek adzə̀m fo kitu ke nsay ŋkuuŋkùŋ. Vèn wáa yen fó wìy làysìn.»

Joshua 11:18

Joshua‑aà màʼ rə́r ntàmda wùn aàfon vee shooyi.

Joshua 12:7

Virə́ʼ ve afon ve Joshua wùn à wír veé Israyi‑iì tònèn é mbìv Jordan fèn ye yì kiʼ fo shùy yii nəə vi vìne. Vé‑eè sə̀ nsay yev, e kèʼ fo Baal‑Gad e mboʼ yeé Lebanon, e dù bàʼ e Gwan Halak wo wù ràmèn, e kìʼ Seir. Joshua‑aà fò nsay yev e rám seé Isray si ji vitsə́ʼ vév, e tòʼtí, e jàv aáwune mo rám sév sí dzə̀kìn.

Joshua 18:10

Joshua nèn tàr virə́ʼ vin e Nyùy Tǎr si e Shilo foo fèy, e jàvtì e rám seé Isray si, rám yee shóo wáa ker kfə́.

Joshua 22:4

Ké lèn ki, Nyùy Tàr woo Nyùy won fò ne meemè aàfə́r véné mo wù‑uù kàʼàn áwune. Á bèy, vèn kfə́n ri e věn melaʼ e nsay ye Mooser woo ŋgaà lìm Nyùy Tàr‑iì foon e vèn é ndzə̀n Jordan fèsə, e mbìv yee fo shùy yii tó.

Joshua 23:1

Ntàm wìy dàr mo Nyùy Tàr‑iì yiìn, wír veé Israyi meèmè fo aŋgaà vév vibàné wo, a vé‑eè kaàrí áwune, e tàr. Yì‑iì dzə̀ é ghan fen, a Joshua dzə́n ne e ŋàŋ.