Joshua 11:22 - ŊWÀʼ NYÙY

²² Bó kiŋgáʼ ke wìr ki yòʼ‑oò lo bèr e wír veé Israyí nsay. Kù‑uù mày Gasa wùn à Gat, à Ashdod fo wír vìne‑eè berin ashàr.

Joshua 11:22 Iomraidhean Croise

1 Afòn 2:39

Viyá vi shaà vitaár, akwǎn Shimeyi nyéŋ abaà, e dù, e yèn Akish woo wan Maaka, a yì‑iì dzə̀ fon woó Gat. Shimey nèn lò, e yù ji akwàn və́ viyi dzə̀ á e Gat,

1 Wòŋ 18:1

Shintàm shi lòo dàr, Davir kfən nə̀ə́ wír veé Filistia e rə́r sí, e tòn áwune, e màyìr sáʼ yév. Wù‑uù faàsì ŋkàlaʼ yee Gat wùn à ntèʼ see fó ghaŋ si fo áwune.

1 Wòŋ 8:13

Beria wùn Shema‑aà dzə̀ atǎr kfəə se sí‑iì dzə́ e ŋkàlaʼ yee Ayjalon. Áwune wìy lò, e dù e ŋkàlaʼ yee Gat, e jùm wíri fó fo.

2 Wòŋ 26:6

Ussiya‑aà nə̀ə́ wír veé Filistia e rə́r sí, e kèr kirə́v ké kày yeé Gat, à ké kày yeé Jabne ki, e lì ké kày yeé Ashdod. Wù kèr bèy, e bàʼrì ŋkà se laʼ se fíy símóʼ sí é ŋgvən Ashdod, e bàʼrì sa bèy e virə̀ʼ vímóʼ ví e wír veé Filistiàá nsay.

Aysaya 20:1

Yì‑iì dzə̀ é ghan se Fòn Sargon woo fon woó Assiriya‑aà tsənsin kitú kfə́ ké vé rər é Ashdod, kí dù, e ghìʼ ŋkàlaʼ rə̀n e rə́r sí, e tòn,

Lim Aŋgàa Ntum 8:40

Filiv lòo sìn, a wù sì é ntèʼ yee Asotur. Wù nèn a shaà, a fìʼtì sáʼka Nyùy wo juŋ ntèʼ sidzə̀m, e dù, e mèé e mvə̀mlaʼ Sisaria.

Remrí 2:23

Wír veé Kaftor ve vé‑eè loòn fó Kaftori‑iì wìy, e laàr wír veé Avvim, a wír veé Avvim vìne dzə́ e ntèʼ sí ntèʼ sí, e dù, e meé e Gasa. Á laàr áwune bey, e nèn a dzə fo.

Remrí 9:2

Wír vee fóo dzə̀ antav, e kfə̀n a dzə viŋgáʼ, a dzə̀ rám Anak ye vèn kiìn. A vèn kù yú, aá yoŋ jii, a dzə̀ tàm la wùn à rám Anaki?

Joshua 10:41

Joshua‑aà màʼ rə́r, e tòn virə́ʼ vee kèʼ fó Kadesh‑Barnea, e dù e Gasa, e tàtí woŋ Goshen e dzə̀m, e dù, e meé e Gibeon.

Joshua 15:14

Kalev nèn jùm rám Anak fo fo, a yí dzə̀ e taár jii, Sheshay wùn à Ahiman, à Talmay, e nèn yòv fó.

Joshua 15:46

e kèʼ fo Ekron, e dù meé e ghaa Rìbà Ndzə̀v woo Mediteranean, e lì sa ŋkà se laʼ sidzə̀m seé ghaa Ashdod wùn à ntèʼ sév sí.

Joshua 15:47

Á nen lì sa Ashdod wùn à ŋkà se laʼ sə́ sí, à ntèʼ sə́ sí, e lì Gasa wùn à ŋkà se laʼ sə́ sí, à ntèʼ sə́ sí, e dù duùn bey, e dù meé e mbuŋ ndzə̀v yeé Ejiv, e kfə̀n tàtí virə́ʼ veé ghaa Rìbà Ndzə̀v woo Mediteranean mo bìíy dzəə̀n.

Atǎr Nsaʼ 1:18

Wír vee rám Judàa tón sá ŋkà se laʼ see Gasa, Ashkelon wùn à Ekron, e faàsì wùn à ntèʼ see fó ghaŋ si.

Atǎr Nsaʼ 3:3

Vitúm ve ví‑iì gòʼòn é nsay foo fèy vi‑iì dzə̀ jii, ŋkà se laʼ seé Filistia see sitàn, wír veé Kanan, à veé Sidone, e lì wír veé Hiv ve vé‑eè dzə́ e Gwan Lebanon, e kèʼ fo Gwan Baal‑Hermon, e dù, e bàʼ e dzəə ye yì nəə e Hamat.

1 Samuel 17:4

Kintav ke wìr wùmòʼ woó Gat, aá yoŋ yír rə́ ji Goliat ki fəə́ fo wír veé Filistiàá kilaʼáy, a wìy ji wun səʼ á wír veé Isray. Vida və́ ví‑iì shaà kóy e kimbéʼ ki.

1 Samuel 5:1

Mo wír veé Filistiàa faàsìn ŋkùv mensàŋ Nyùy, e nèn lì fo Ebeneser, e dù sho e Ashdod.