Joshua 11:21 - ŊWÀʼ NYÙY

²¹ Yì‑iì dzə̀ é ghan sin, Joshua dù, e laàr viŋgáʼ ve wìr veé ram Anak. Áwune‑eè shiiy e virə̀ʼ vé aŋkoŋ e nsay ye yì dzəə̀n lèn ji woŋ woo Juda wùn à ye yì dzəə̀n ji woŋ woo Isray, a vé‑eè yàm a dzə e ŋkà se laʼ see jii, Hebron wùn à Debir, à Anav. Joshua kù‑uù laàr áwune láarin adzə̀m, à ŋkà se laʼ sév sí.

Joshua 11:21 Iomraidhean Croise

Jeremia 3:23

Dzə̀ rú ji cu anyùy ye vèr‑iì yii aàŋkoŋ, yii aàgwane dzə̀ á lím kisaŋe. Rúrú, a dzə̀ kù lùŋèr Nyùy Tàr woo Nyùy wor, Isray.

Jeremia 9:23

Nyùy Tàr kfə́n a suúy jii, «Lá ŋgaà kìíy yòʼ a sùmrì wún bìʼ kiíy rə́. Lá ŋgaà vitaàví yòʼ a dzə̀v nsaŋ bìʼ vitaáví və́. Lá ŋgaà bùʼ yòʼ a koʼnín bìʼ bùʼ və.

Amos 2:9

«Yii bèy, Isray, mò‑oò tàtí, e laàr wír veé Amor, a dzə̀ bìʼ ven. Wír, a vé‑eè dàrkìr moo vicí vé *sidar, e tàv moo vee *oak. M tátí, e laàr áwune wùn à run yéví, e tàtí, e laàr, à gháŋé shó fo nsay.

Kintaŋ 13:33

Vèr kfən yèn wír veé Nefilim fo, vimà vé wìr ve dzəə̀n kfə́ə Anak. Vèr‑iì dzə̀ kér fó moo vintàn, a kù dzə̀ sá mo áwune‑eè yén ver bey.»

Remrí 1:28

A dzə̀ vèr wàa dù ka fó? Afə́r vérí wày ne kindzə́m e věr shiliv. Áwune yoŋ ji wír vee fóo dzə̀ á viŋgáʼ viŋgáʼ, aá waà kfə̀n tàvkír, e shaà a ver, a ŋkà se laʼ sév sí dzə̀ á vikum, a virə́v vév vé kày vi kóʼ, kum a yúv. Kífoy wáa dzə ké rám Anak ye áwune‑eè yenen á fo.›

Remrí 2:21

Wír vìne‑eè dzə̀ antav, a vé‑eè dzə̀ nyanyày, a kfə̀n‑eè dzə̀ viŋgáʼ ve wíri moo wír veé Anak. Yii bèy, Nyùy Tàr laàr áwune, é bo wír veé Ammone dzəʼəm fó.

Remrí 9:2

Wír vee fóo dzə̀ antav, e kfə̀n a dzə viŋgáʼ, a dzə̀ rám Anak ye vèn kiìn. A vèn kù yú, aá yoŋ jii, a dzə̀ tàm la wùn à rám Anaki?

Joshua 10:42

Wù‑uù tòn afon veé wòŋ fèn adzə̀m, e sə̀ nsay yev ghan mòʼón, bìʼ fo yì‑iì maʼ Nyùy Tàr, wun woo Nyùy wìr veé Isray rə́r sév.

Ŋgaà Yen 6:2

M ku nèn yèn nyamŋkoʼ, a yì fə́r fərín, a wìr dzə́ e kitu wo, kér kinte. Á nèn sòv fə́ə nsiì e kitu wo, e yòŋ ji gùy. Wù nèn a dù, a tòn vitúm, a saʼ.

Atǎr Nsaʼ 1:20

Á nèn fò Hebron e Kalev mo Mooser‑iì kàʼàn. Kalev nèn jùm rám Anak yee taár fo fo.