Joshua 11:20 - ŊWÀʼ NYÙY

²⁰ bìʼ fo Nyùy Tàr‑iì yiìn, á táv kitú, e wìy tàm wùn à Isray e shùu rər. Á tám bey, Nyùy Tàr nèn yiì, Isray laàr áwune ŋkuuŋkùŋ là mendzən réŋréŋ mo Nyùy Tàr‑iì yòŋèn e Mooser ji á yii.

Joshua 11:20 Iomraidhean Croise

2 Samuel 17:14

Absalom wùn à wír veé Isray adzə̀me nèn bìnsí ji ntir Hushay waà bòŋ, e shaà a ye Ahitofel, a yií Nyùy Tàr ji lá áwune yòʼ jùmrì a ntir Ahitofel ye kù‑uù dzəə̀n ye juŋ, é wun fiʼ wìy a e ŋgeʼ si e Absalom kitu.

1 Afòn 12:15

Á bèy, la fòn yòʼ dzəə yuùrí kinyo ke wíri. Kinyo kìn ki‑iì kooy bèy, a ku yiì Nyùy Tàr ji kinyo ke wù‑uù yòŋèn e Jeroboam woo wan Nebat, e shaà fo *ŋgaà ntum və woo Ahija woó Shilo ki wàá gheén.

2 Wòŋ 22:7

Wù wáa dù bèy, a Nyùy síysí ne ji wun yíi shaà fo kiŋgàn ke wù du fo Joram wùn, e màʼ a wun woo Fòn Ahasiya. Wù dù, e yèn Fòn Joram, wùn wun nèn lò, e fəə̀ ji á du, e yen a Jehu woo wan Nimshi. Á wáa dù bèy, a Nyùy Tàr kì shòʼ ne Jehu ji wù laar á kfə́ə Ahav.

2 Wòŋ 25:16

Kú a dzə, a ŋgaà ntum Nyùy dzəə́ súŋninè, Fòn Amatsiya nèn shèr jí rə jii, «Lèm la wò ji ŋgaà ntir fòn? Sə́tí shuu wóo, bo wò‑óò kpú.» Ŋgaà ntum Nyùy nèn sə̀sín, e bóo lò, e suúy jii, «M yèn ne ji Nyùy wày ne ji wun kù‑úù laar wò. À kì yiì ne jay, m lóo fo ntir lèn, à tén yú.»

Ŋwàʼ Fəə 10:1

Ké mentiy ki lòo shaà, Nyùy Tàr kfən sùúy e Mooser jii, «Kfən dù, e yèn Farao. Kù yiì mo ji Farao wùn à vé sáʼ vəə́ wáa tav a kitú. A m yiì bèy, ji m fiʼ yiì a viŋgaʼnìn vém vé vinyò aáwuné mvəm,

Ŋwàʼ Fəə 11:10

A dzə̀ ji mo Mooser wùn Aaron‑eè yiìn ne viŋgaʼnìn ve vinyò vìn vidzə̀m e Farao si, Nyùy Tàr ku yiì, Farao kú a tav kitu, e làa yòʼ màʼtì wír veé Isray ji á lo fo wun wòŋ.

Ŋwàʼ Fəə 14:17

Fo kém kí, m yíi yiì, é wír veé Ejivi táv kitú, e shèm aáwuné bàm. M yíi tòn Farao wùn à mànjòŋ və e dzə̀m, woó vitentén wùn à woó nyàm se ŋkoʼ, e nèn a ker viwìr.

Ŋwàʼ Fəə 14:4

M yíi yiì, é Farao kfən tàv kitú, e shèm e věn bàm ji wun koó ven. A m yíi so wun wùn à vé rər vəə́, é búrí ye kuʼùné yiì a dzə yém, é wír veé Ejivi nèn kìíy ji m dzə̀ ben, a m dzə̀ á Nyùy Tàr.» Wír veé Israyi ku nèn yùnín Nyùy Tàr, e kfə̀n é bàm, e tùy táv sév fo wù‑uù suuyin.

Ŋwàʼ Fəə 14:8

Nyùy Tàr ku kfə̀n yiì, Farao woó Ejiv kú a tav kitú, e shèm fó bàm, a jùm wír veé Isray ve vé‑eè loòn, a dù, a wàrkìr moo wír ve á soon rə́r.

Ŋwàʼ Fəə 4:21

Nyùy Tàr kfən sùúy e Mooser jii, «À kfə́n e bàm é Ejiv, à mùm ji à yii á viŋgaʼnìn ve vinyò vidzə̀m ve m foon wò vitaáví ji à yii e Farao si. Yii bèy, m yíi yiì, é wù táv kitú, e làa yòʼ màʼtì wír veé Isray ji á lo.

Ŋwàʼ Fəə 9:12

Nyùy Tàr kfən yiì, Farao kú a táv kitú, e làa yòʼ yu Mooser wùn Aaron, kù mo Nyùy‑iì suuyin ne e Mooser.

Ŋwàʼ Fəə 9:16

Yii bèy, e fíʼ dìn vitaáví vém e wò, e kfə̀n yiì, aá samer yír yém kitú ke nsay kidzə̀m, m nen màʼtì wò, à wáa dzə sho e tin.

Aysaya 14:24

Nyùy Tàr woo Taà Mànjòŋ tòʼ ne kinyo ke wù kér fó wìy yiì, a wù lìʼ ne jii: «Kinyo ke m kwaʼtì ki kù dzə̀ ke kí kér fó yìi koóy, a ke m wayin kí dzə̀ ke kí kér fó yiì a tiy fo.

Aysaya 34:2

Kí dzə̀ jii, Nyùy Tàr shwìíy ne kilòŋ bìʼ vitúm vidzə̀m, a wù kù lo, e dìn dòʼshwíiy və e vé rər véví kitu. Wù wày ne ji wun kù kér fó yìi laàr áwune, a wù fò ne áwune ji á kù kér fó seerí.

Ŋwàʼ woó Rom 9:18

Kee shoon ki nén a dìn ji Nyùy lo, wù shàm wír a dzə̀ á mo wù kòŋèn. Wù koŋ, wù yiì, wùmòʼ wàa tav a dzə̀ kitú.

Remrí 2:30

«Yii bèy, Fòn Sihon woó Heshbon yòʼ‑oò lo màʼtì ji vèr wàá shaa á e wun nsay. A kí dzə̀ jii, Nyùy Tàr woo Nyùy wòsən‑eè tàvír ne shilív sə́, e fíʼ way wun wùn à wír vəə́ e vèsə́n kiwo, mo wù yiìn ne kí koóy ben.

Remrí 7:16

Vèn wíy laàr wir dzə̀m wo Nyùy Tàr woo Nyùy won wayin e věn kiwo. Lá vèn yòʼ wìy rə̀r mendzən fo áwune, e bàvtí. Lá vèn yòʼ wìy a ghvəm anyùy vév, bìʼ fo kee shooy ki dzəə̀n kitám ke dzə̀ vèn lì shó.

Atǎr Nsaʼ 14:4

Wù yòŋ bèy, la tàr wov wùn yè wov yòʼ kìíy ji kì danèr a Nyùy Tàr wun. A Nyùy Tàr‑iì taʼ a dzə̀ kintóʼ kée shaà sho, e bóo màʼ wír veé Filistia. Yì‑iì dzə̀ é ghan see shooy, a wír veé Israyi sə́ sáʼ a dzə̀ fo wír veé Filistiàa.

1 Samuel 2:25

A wìr lòo dzə e jày wùn wùmòʼ, Nyùy nəə́ aáwuné nsàn, wù màn jay wov, yii bèy, wìr jáy wùn Nyùy Tàr, bo yíi man la jay və?» Á bèy, la wón Elií yòʼ yù ntir tàr wov, bìʼ fo Nyùy Tàr‑iì sìysìn ne ji wun wíy laàr a áwune.