Joshua 11:15 - ŊWÀʼ NYÙY

¹⁵ Joshua‑aà lo yiì réŋréŋ mo Nyùy Tàr‑iì yòŋèn e Mooser woo ŋgaà lìm və, é bo wù yoŋ e wun ji á mo wù yii. Bó wù yòʼ‑oò lo yàr kinyo là yii fo vinyò vidzə̀m ve Nyùy Tàr‑iì yòŋèn e Mooser.

Joshua 11:15 Iomraidhean Croise

2 Wòŋ 30:12

Ké wìr veé Juda ki wáa dzə, a Nyùy‑iì lo màʼ sa kiwó aáwuné wùn, á wáa ker kwaʼtì e mòʼón, e nèn yù sáʼ ye fòn wùn aàtǎr ntoʼo‑oò foon ji á wáa yiì a mo kinyo ke Nyùy Tàr kí dzəə̀n.

Kintaŋ 33:50

Wír veé Israyi wáa dzə e mboʼ yeé Moav, e ŋguùŋè ndzə̀v yee Jordan, a kìʼ Jeriko, Nyùy Tàr yòŋ Mooser, e sùúy sho ji

Kintaŋ 33:52

bo vèn kér fó jùm aŋgàa nsay vee fó adzə̀m, e bvəʼtí mebvə̀m me áwune fèrìn, kìn dzə̀ vibámmbó vé tiy ví, kìn dzə̀ vé kishà vi, e kfə̀n kètì virə́ʼ vév vé cù vidzə̀m.

Matio 23:23

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn lo, á lì mefarìn me á kéŋ, náŋsin nyóo shó, e kfə̀n ŋèvtì kirə́ʼ e ghvə̀m, e bóo fo kee kimòʼón ji ké Nyùy. Vèn yii bèy, nèn maʼày kinyo ke kí tíy e shií e Nyùy nsər ji á wáa yiì. A kí dzə̀ jii, bó vèn yòʼ yii kinyo kee réŋ e wìr, a bó yòʼ dzə̀ vèn shàm wír gheéy, a bó vèn yòʼ wáy sa shilív a dzə̀ e Nyùy wùn. Á vinyo vìn ve kì dzə̀ vèn wàa yiì, e bó a yiì sa menyorìn mèy.

Ŋwàʼ Luk 11:42

«Yìiy, ven vee Afarasi, ŋgeʼ dzə̀ yéen. Vèn li mefarìn me á kéŋ, náŋsin nyóo shó, á kfə̀n ŋèvtì kirə́ʼ e ghvə̀m, e bóo fo kee kimòʼón ji ké Nyùy. Vèn yii bèy, nèn laysìn fó a yiì kinyo ke ru kí e wíri, kfə̀n laysìn fó a kòŋ Nyùy. A dzə̀ vèn kù a ŋèvtì mefarìn mee shoon bèn, yii bèy, e làa yòʼ a làysìn vinyo ve ví dzəə̀n é shií.

Lim Aŋgàa Ntum 20:20

A vèn kfə̀n kì sá kijuŋ ji mò‑oò rə́si yéʼey ven kinyo ke Nyùy e virə̀ʼ vé kintatì, kfə̀n ghán, yéʼey e melav, e làa yòʼ a lìtì kinyo ke dzə̀ kí sə̀ ven gheéy.

Lim Aŋgàa Ntum 20:27

Mò‑oò ló a fìʼtì ven vinyo vidzə̀m ve Nyùy sìysìn ji wun wíy yiì, e làa yòʼ lìtì kímóʼ kí gheéy.

Remrí 12:32

«Kinyo kidzə̀m ke m yòŋèn e vèn, vèn ku wìy wày ŋàŋ, a lèm. Lá vèn yòʼ wìy dzə̀sì kifá sho, lá á yòʼ shòʼór.

Remrí 31:3

Nyùy Tàr woo Nyùy won, wúnwun yíi liysín Jordan e věn mbìy. Wù kù wíy a dù e věn mbìy, a tòn vitúm ve ví dzə́ fo, é vèn fiʼ yòv nsay yev. Joshua wíy a tsəəné ven mo Nyùy Tàr‑iì yòŋèn.

Remrí 31:5

Nyùy Tàr wíy way vitúm vìn e věn kiwo, é vèn yii aáwune, kù mo m yòŋèn e vèn.

Remrí 31:7

Á bèy, Mooser nèn jàŋ Joshua, e yòŋ sho e wìr dzə̀m woó Isray si jii, «Kúr tímé, e wày ŋàŋ, bìʼ fo kù yíi tsəəné wò wír vìn, e dù sho e nsay ye Nyùy Tàr‑iì lìʼìn ji wun wíy fo aàtàr véví. À kù wíy toʼtí fó, e jàv, aáwune yov ji vitsə́ʼ vév.

Remrí 4:2

Vèn kú a lèm a dzə̀ nsər se Nyùy Tàr woo Nyùy wòsən se m yoŋ e vèn sí. Lá vèn yòʼ dzə̀sì kifá e vinyò ve m yoŋ e vèn, lá vèn yòʼ shòʼór kifá fo fo.

Remrí 4:5

«Vèn leéy, e yèn, m yèʼéy ne ven nsər sidzə̀m se Nyùy Tàr woo Nyùy wom yòŋèn e mò ji vèn fíʼ a lèm e nsay ye vèn nəə sho, e yòv.

Remrí 7:2

Wíy lóo dzə, a Nyùy Tàr woo Nyùy won wáy ne áwune e věn kiwo, vèn tonè, bo vèn kér fóo laàr ŋkuuŋkùŋ. Lá vèn yòʼ wìy gwàr *mensaŋ vèn áwune. Lá vèn yòʼ wìy rə̀r mendzən mev féyì feyì.

Joshua 1:7

Dzə̀ cáʼ ji à ku kùr a dzə̀ á tím, e wày ŋàŋ. Ku yèn ji à kú a yunín a kinyo kidzə̀m keé Ŋwàʼ Nsər wo Mooser woo ŋgaà lìm wom‑eè foon e wò, a yiì réŋréŋ mo kí dzəə̀n. Lá à yòʼ bìn ndzə̀m e yìmòʼ yee ntir, é dzə́ə sé si nèn a ran e kirə̀ʼ kidzə̀m ke à du sho.

Joshua 11:12

Joshua tòn ŋkà se laʼ sìy sidzə̀m wùn aàfon véví, e yùyrí wir dzə̀m, e laàr fó láarin réŋréŋ mo Mooser woo ŋgaà lìm Nyùy Tàr‑iì yòŋèn ji á kù wíy yiì.

Joshua 11:14

Wír veé Israyi kuúy vifá vidzə̀m fo ŋkà se laʼ se á tònèn wùn à nyám si ji nsàʼmboʼ wov, e kù laàr wir dzə̀m láarin e nyùy, e làa yòʼ bavtí wír.

Joshua 11:16

Á bèy, Joshua nèn sə̀ nsay vitum vee shooy e dzə̀m. Wù sə́ ye vitum veé mbìv aŋkoŋ, e sə̀ yeé mbìv Negev, à nsay Goshen e dzə̀m, à mbìv Shefela e sar se agwan, à mbuŋ Jordan. Yì‑iì sə̀ wun nsay ye dzəə̀n ji woŋ Isray e dzə̀m, yeé aŋkoŋ wùn à yeé mboʼ si,

1 Samuel 15:11

«M kér mendzən ji mò‑oò kòʼór á Saul ji fon. Wù bìn ne ndzə̀m e mò, e làa yòʼ dzə́ə a jùmrì kinyo kém.» Samuel yú kinyo kìn, kí bír wun, wù tóŋ e Nyùy Tàr vitsə́ʼ vifur.