Joshua 11:14 - ŊWÀʼ NYÙY

¹⁴ Wír veé Israyi kuúy vifá vidzə̀m fo ŋkà se laʼ se á tònèn wùn à nyám si ji nsàʼmboʼ wov, e kù laàr wir dzə̀m láarin e nyùy, e làa yòʼ bavtí wír.

Joshua 11:14 Iomraidhean Croise

2 Wòŋ 20:25

Á bèy, Fòn Jehoshafat wùn à wír vəə́ nèn dù, a kuúy nsàʼmboʼ. Vé‑eè yèn nàʼ e gháʼán, e yèn ndzə̀y, e yèn vifá veé kilùm, a ví dzə̀ vighaágháʼán ye bó yòʼ dzə̀ á yù fóo bèʼèy. Kí‑iì lì áwune vishiíy vitaár, é bo á kuúy nsàʼmboʼ, bìʼ fo wù‑uù kùʼùn é ŋàŋ.

Kintaŋ 31:9

Wír veé Israyi nèn koòrí vikìy veé Midian wùn à wóné, e kùúy ŋgoo se nyàm sév sidzə̀m, e lì sé bvəy, e kùúy káv woo fó e dzə̀m.

Remrí 20:14

Yii bèy, a vèn wíy lì vikìy wùn à wóné, à nyám si, à kifá ke aŋgaà vén vibàn kí kidzə̀m ji vifá ve á koon fó kwaʼ rər, a yi feyì ji vifá ve Nyùy Tàr woo Nyùy won foon e vèn.

Remrí 20:16

«Yii bèy, ké ŋkà se laʼ se wìr ve Nyùy Tàr woo Nyùy won fó ji vitsə́ʼ vén, vèn wíy laàr kifá kidzə̀m ke kí ŋeʼè fo fo, kìn dzə̀ wír, kìn nyám.

Joshua 10:40

Á mo Joshua‑aà tònèn woŋ woo shooy e dzə̀m. Wù‑uù tòn vitúm veé mbìv aŋkoŋ, e tòn veé mbìv Negev, à veé mbìv Shefela e sar se agwan, e lì veé babá sí, a kfənér e mbìv ròŋ. Wù‑uù tòn virə́ʼ vin wùn aàfon véví adzə̀m, e làa yòʼ màʼtì wír. Wù kù‑uù yùyrí adzə̀m mo Nyùy Tàr woo Nyùy wìr veé Isray‑iì yòŋèn.

Joshua 11:11

Wír veé Israyi yúyrí wir dzə̀m wo wù‑uù dzəə̀n fó, e laàr áwune ŋkuuŋkùŋ, la wìr yò gòʼ, e nèn tòn ŋkàlaʼ Hasor e və́yí.

Joshua 11:13

Yii bèy, la Isray yòʼ yù fóo tòn ŋkà se laʼ se sí‑iì taá e vitu ve aŋkoŋ. Kù‑uù mày Hasor cáʼ wo Joshua‑aà tònèn.

Joshua 11:15

Joshua‑aà lo yiì réŋréŋ mo Nyùy Tàr‑iì yòŋèn e Mooser woo ŋgaà lìm və, é bo wù yoŋ e wun ji á mo wù yii. Bó wù yòʼ‑oò lo yàr kinyo là yii fo vinyò vidzə̀m ve Nyùy Tàr‑iì yòŋèn e Mooser.

Joshua 8:2

À yíi lovtí e fòn woó Ay wùn à wír vəə́ réŋréŋ mo wò‑oò lovtin e fòn woó Jeriko wùn à və́ vee wíri. Yii bèy, à yíi lì lèn kéŋ yév wùn à nyám sév sí ji nshwì wó. À yíi baʼtí wír ámóʼó, aá laáy laayín é bǎm ŋkàlaʼ.»

Joshua 8:27

Kù‑uù jòʼsì nyám si wùn à vifá ve ker vi veé ŋkàlaʼ Ay, ve wír veé Israyi‑iì liìn ji nsàʼmboʼ wov, réŋréŋ mo Nyùy Tàr‑iì suuyin e Joshua ji á wàá yii.