Joshua 11:12 - ŊWÀʼ NYÙY

¹² Joshua tòn ŋkà se laʼ sìy sidzə̀m wùn aàfon véví, e yùyrí wir dzə̀m, e laàr fó láarin réŋréŋ mo Mooser woo ŋgaà lìm Nyùy Tàr‑iì yòŋèn ji á kù wíy yiì.

Joshua 11:12 Iomraidhean Croise

Remrí 7:2

Wíy lóo dzə, a Nyùy Tàr woo Nyùy won wáy ne áwune e věn kiwo, vèn tonè, bo vèn kér fóo laàr ŋkuuŋkùŋ. Lá vèn yòʼ wìy gwàr *mensaŋ vèn áwune. Lá vèn yòʼ wìy rə̀r mendzən mev féyì feyì.

Remrí 9:3

Yii bèy, vèn kiíy lán ji wìr wo wù du fo mbìy, tee virə́ʼ moo və́y, dzə̀ á Nyùy Tàr woo Nyùy won. Mo Nyùy Tàr‑iì kàʼàn ne ven, bo wù yíi tòn áwune, e laàr e věn mbìy. Bo dzə̀ ji vèn yíi jùm áwune, e laàr áwune cércér.

Joshua 10:20

Joshua wùn à vé rərí ku nèn a gwàtì wír veé Amor gwátin, e meé mo vé‑eè laàrìn áwune ŋkuuŋkùŋ. Yii bèy, ámóʼó ku yòʼ lèʼkír, e jeètí, e nə̀ə́ aáwuné ŋkà se laʼ.

Joshua 10:28

Joshua nèn tòn ŋkàlaʼ yee Makkeda e kishiíy fóo fèy, e yùyrí fon woo fó, e laàr wir dzə̀m fo fo ŋkuuŋkùŋ, e làa yòʼ ber wír. Wù kù‑uù yiì e fòn woó Makkeda mo wù‑uù yiìn e fòn woó Jeriko.

Joshua 10:30

Nyùy Tàr nèn kfə̀n wày fó wùn à fòn wov e wír veé Israyí wo. Joshua teè fó, e laàr wir dzə̀m fo fo, e làa yòʼ ber wír, e yiì e fòn wov mo wù‑uù yiìn e fòn woó Jeriko.

Joshua 10:32

Nyùy Tàr nèn wày Lakish e wír veé Israyí wo, wùn áwune tám vishiíy vibaà, Isray tòn, e teè wir dzə̀m woo fó mo vé‑eè yiìn e Libna.

Joshua 10:35

Á ku nèn màʼ rə́r bey, Isray tòn ŋkàlaʼ yee shooy e kishiíy fóo fèy, e laàr wir dzə̀m láarin, kù mo vé‑eè lovtin e Lakish.

Joshua 10:37

e tòn áwune, e yùyrí wir dzə̀m, à fòn wov. Wù tòn sa ŋkà se laʼ seé Hebron see fó ghaŋ sidzə̀m, e yùyrí wír vee fó adzə̀m, la wìr yòʼ gòʼ. Wù kù‑uù lòvtí shó réŋréŋ mo wù‑uù lovtin e Eglon. Wù‑uù laàr fó ŋkuuŋkùŋ, la wìr yòʼ bèr.

Joshua 11:13

Yii bèy, la Isray yòʼ yù fóo tòn ŋkà se laʼ se sí‑iì taá e vitu ve aŋkoŋ. Kù‑uù mày Hasor cáʼ wo Joshua‑aà tònèn.

Joshua 11:15

Joshua‑aà lo yiì réŋréŋ mo Nyùy Tàr‑iì yòŋèn e Mooser woo ŋgaà lìm və, é bo wù yoŋ e wun ji á mo wù yii. Bó wù yòʼ‑oò lo yàr kinyo là yii fo vinyò vidzə̀m ve Nyùy Tàr‑iì yòŋèn e Mooser.

Joshua 13:6

Kirə́ʼ kin ki tàtí nsay wìr veé Sidon e dzə̀m, aáwune dzə́ aàŋkoŋ, e nsàn agwan veé Lebanon wùn Misrefot‑Mayim. Mómò, m yíi jùm wír vìn adzə̀m mo wír veé Israyi nəə e nsay foo fèy. Ké ki wáa dzə ji à kù yíi jàv nsay rə̀n e wír veé Israyi ji vitsə́ʼ vév mo mò‑oò suuyin e wò.

Joshua 21:44

Nyùy Tàr nèn fò áwune meemè mbìv sidzə̀m, kù mo wù‑uù lìʼìn ne aàtàr véví. Bó ŋgaà vibàn wov yòʼ‑oò lo ghàʼ áwune, fə̀m e mòʼón. Nyùy Tàr‑iì wày aŋgàa vibàn vév adzə̀m aáwuné kiwo.

Joshua 8:31

Wù‑uù bòm réŋréŋ mo Mooser woo ŋgaà lìm Nyùy Tàr‑iì suuyin e wír veé Israyi ji á bóm. Kù mo kí dzəə̀n kisáŋén é Ŋwàʼ Nsər Mooser jii, á bóm á kíy cù e tíy yee là náŋsíne, ye bó kifá ke lìm kee kisha ki yoʼ kùm. Wù bóm, á nèn yiì cu Nyùy Tàr ye tonèné, à yé kikòŋnìne shó.

Joshua 8:8

vèn sumè, vèn nèn tòn. Vèn ku yiì réŋréŋ mo Nyùy Tàr yòŋèn e vèn, e jùmrì kinyo ke m suuyin e vèn kí.»

Joshua 9:24

Áwune bìnèr e Joshua jii, «Vèr‑iì fàn a dzə̀ kpú, e bó a yiì bèy. Vèr‑iì lo yù kijuujùŋ ji Nyùy Tàr woo Nyùy won yòŋ ne a e ŋgaà lìm və woo Mooser ji wun wíy way a nsay rə̀n e věn kiwo. Vèn wíy lòo nəə́, é wun laàr á wir dzə̀m wo wù dzə́ sho.