Joshua 11:1 - ŊWÀʼ NYÙY

¹ Fòn Jabin woó Hasor yú mo Isray tònèn vitúm vìn, e nèn bì Fòn Jobav woó Madon wùn à fòn woó Shimron, à fòn woó Akshaf.

Joshua 11:1 Iomraidhean Croise

2 Samuel 10:15

Á lò, e yù é Siiria ji wír veé Israyi ghàʼ á ne wír vév, e nèn a baʼtí vé rər ámóʼó.

1 Afòn 4:11

wùmòʼ jii, Ben‑Abinadav wo wù‑uù sáʼ Nafat‑Dor, a wù kér wiíy a dzə̀ Tafat woo wan Solomon,

1 Afòn 9:15

Fòn Solomon‑eè shòʼtí wíri ve á wáa lìm lim vitaavií, áwune wáa bàʼrì lav cù Nyùy Tàr wùn à ntoʼ rə, a bom kfə̀m woó Jerusalem, e mbìv yee fo shùy yii tó, e kfə̀n a bom kay yeé Jerusalem, à yeé Hasori, à yeé Megiddòo, e lì yeé Geser,

2 Afòn 15:29

Yì‑iì dzə̀ é ghan sé Fòn Peka woó Isray sìn, Tiglat‑Pileser woo fon woó Assiriya wìy, e faàsì ntèʼ see Ijon, Abel‑Bet‑Maaka, Janoa, Kedesh, e lì Hasor, e kfə̀n faàsì ŋgvən seé Gilead, wùn à seé Galeli, à seé Navtali si sidzə̀m. Wù faàsì bèy, e koòrí wíri, e dù sho e Assiriya.

Aysaya 26:11

Éè Nyùy Tàr, à nàn ne kóy wó e yuv ji à lo, e màʼ ŋgeʼlàʼ e wír ve bií kitu, yii bèy, a bó áwune yòʼ fə̀m yén, a síi rúné. Nyùy Tàr, ku dìn koŋ ye à kér fo wír vée, é yí yii, aáwune méŋ fo á dzəə̀n. Dòʼshwiiy wò ku baàrí, e tòn aŋgaà vé vibàn.

Aysaya 43:2

A vinyo vi lò, a sùm ven mo rùn ndzə́v, e mèé e wìr kilòŋ, bo m kù yíi a dzə vèsən, a kìŋsìn ven. Vèn lóo tosín e mvə̀m ndzə̀v, bo bó m yòʼ yíi biimé, é yí gháʼ ven. Ŋgeʼ si lóo bav ven, kù mo báv və́y wír, bo bó yòʼ dzə̀ və́y ŋgeʼ və̀ne tòn ven, a bó yòʼ dzə̀ kiliímé ki kùm ven.

Joshua 10:43

Joshua màysì bèy, wùn à shúu rər woó Israyi nèn kfə̀n é bàm é Gilgal.

Joshua 11:10

Joshua nèn lò siìr ŋkfənèr e ghan fóo fèy, e tòn Hasor, e yùyrí fon woo fó. Wáa dzə e ghan see shooy, a Hasor‑iì dzə̀ kitúm ke kí‑iì tíy vitú fo vitúm vee fó vi vidzə̀m.

Joshua 12:19

fon woó Madon, fon woó Hasor,

Joshua 12:20

fon woó Shimron‑Meron, fon woó Akshaf,

Joshua 19:36

Adama, Rama, Hasor,

Atǎr Nsaʼ 4:17

Sisera‑aà nyèŋ e kiwuú kí, e dù ji wun laáy á e Jael woo wiiy Heber woo wír woó Ken kibàn, bìʼ fo wír Jabin woo fon woó Hasor wùn à kfə́ə Heberi‑iì suùsín, a dzə shuu e mòʼón.

Atǎr Nsaʼ 4:2

Á bèy, Nyùy Tàr wáy áwune e Jabin kiwo wo yì‑iì dzəə̀n fon wìr veé Kanan wùmòʼ, a wù sáʼ e ŋkàlaʼ yee Hasor. Kitú ke vé rər və́ kí‑iì dzə̀ Sisera, a wù‑uù dzə́ e Haroshet‑Ha‑Goyiim.

Atǎr Nsaʼ 5:19

«Afone‑eè wìy, a fùnèn Isray e Taanak. Afon veé Kanane‑eè funèn Isray e ghaa ndzəv yee Megiddo. Vé‑eè fùnèn, la wìr yòʼ kòóy nsàʼmboʼ, bó wìr yòʼ‑oò lo faàsì *kisha ke mbàm ke fəvír kí, e dù sho.