Joshua 10:6 - ŊWÀʼ NYÙY

⁶ Wír veé Gibeone nèn tsə̀nsí ntum e Joshua, a wù dzə̀ é kibeèy é Gilgal jii, «Lá à yòʼ bùʼúr fó màʼ kiwó e věr wùn. Kú a wìy cér, e tòm ver, e sə̀ ver. Afon veé Amor adzə̀m ve á dzə́ aàŋkoŋe lò ne, e bàʼtí, e tàŋ rə́r, e taàmé ver.»

Joshua 10:6 Iomraidhean Croise

2 Afòn 4:24

Wù nèn kùr kimbèʼbìy, e sùúy e wánlè və jii, «Á jùm kimbèʼbìy kí, a dù sho cércér. Lá à yòʼ sìʼím, a bó m suúy.»

Nsùyrì Nyùy 125:2

Mo agwane gìŋèn Jerusalem, e tàr, dzə̀ réŋréŋ mo Nyùy Tàr giŋ wír və́, e kèʼ fo lèn, e dù, e jòʼsì.

Aysaya 33:22

Rúrú, kù dzə̀ Nyùy Tàr wo wù kwaŋrì vinyo vesən. Dzə̀ wun ŋgaà saʼ wòsən, a dzə̀ fon wòsən, a wù kù wíy a sə vèsən fó ŋgeʼ sidzə̀m.

Kintaŋ 13:29

Wír veé Amaleki dzə́ e nsay Negev, a veé Hit wùn à veé Jebus, à veé Amori dzə́ kév é wòŋ agwan, a veé Kanane dzə́ e ŋguùŋè rìbà ndzə̀v, e kfə̀n a dzə e ghaŋ se ndzəv yee Jordan.»

Ŋwàʼ Luk 1:39

Mo kinyo kìn ki kooyin, Maria ku nèn bàʼtí, e tùmnín, a koʼ aàgwan veé mbìv wòŋ yeé Juda, a dù e ntèʼ yee fó yìmòʼ.

Remrí 1:15

Á bèy, m nèn yiì lò, e lì wír vee shooy fo věn ram sí, a kù‑uù dzə̀ wír ve á kér vifií, aá kfə̀n kì vinyo, e lèm ji á wáa saʼ ven. Aàtǎr saʼ ámóʼó sáʼ wír nsə̀kì nsə̀kì, ámóʼó wií wií, ámóʼó mtàn mtàn, ámóʼó wáa saʼ wír ghvə̀m ghvə̀m. M kfən lèm sa ntom se saʼ rám sén sidzə̀m.

Joshua 10:5

Afon veé Amor vee atàn vìne nèn bàʼtí shuu sév sé rər, e dù gìŋ Gibeon, e taàmé áwune e rə́r sí. Kù‑uù dzə̀ afon vee jii, woó Jerusalem wùn à woó Hebron, à woó Jarmut, à woó Lakish, à woó Eglon.

Joshua 10:7

Joshua nèn lò fo Gilgal wùn à mànjòŋ və e dzə̀m, à vé rər ve tavkíné adzə̀m.

Joshua 21:11

Vé‑eè fò Kiriat‑Arba wo yírí loòn fo Araba woo tàr à Anak, a kù dzə̀ Hebron woó mbìv agwan veé Juda. Vé‑eè fò, e tàtí kwáʼ se nyàm se sí kaarin fó.

Joshua 5:10

Lòo dzə e ŋkuùr kishìíy kee nshòv sikweè e ghvə̀m e ŋwee foo fèy, wír veé Israyi nèn yiì *Ŋkǎʼ Yáʼayshaà, aá dzəə́ bee e Gilgal, e mboʼ yeé Jeriko.

Joshua 9:15

Joshua nèn gwàr kikoŋnìn wùn áwune, e gwàr mensaŋ ji bó yòʼ dzə̀ á kfə̀n laàr a áwune. Vilìmbìy veé Isray vi nèn fìnèr e kilìʼ kí.

Joshua 9:6

Áwune nèn dù, e yèn Joshua e kibeèy é Gilgal, a mbaà wùn à wír veé Israyi jii, «Vèr wìy ntàmda bèn ji vèsən gwar á *mensaŋ.»

Joshua 9:8

Áwune bìnèr e Joshua jii, «Vèr sì akwàn vén.» Joshua kú a sòv jii, «Vèn dzə̀ ala, a vèn wìy fo feé?»