Joshua 10:40 - ŊWÀʼ NYÙY

⁴⁰ Á mo Joshua‑aà tònèn woŋ woo shooy e dzə̀m. Wù‑uù tòn vitúm veé mbìv aŋkoŋ, e tòn veé mbìv Negev, à veé mbìv Shefela e sar se agwan, e lì veé babá sí, a kfənér e mbìv ròŋ. Wù‑uù tòn virə́ʼ vin wùn aàfon véví adzə̀m, e làa yòʼ màʼtì wír. Wù kù‑uù yùyrí adzə̀m mo Nyùy Tàr woo Nyùy wìr veé Isray‑iì yòŋèn.

Joshua 10:40 Iomraidhean Croise

1 Afòn 15:29

Kù mo wù kèʼèn a saʼ vifon, e nèn yùyrí rám Fòn Jeroboam e dzə̀m. Wù yòʼ‑oò lo màʼtì wir mòʼón fo e tin, kù réŋréŋ mo Nyùy Tàr‑iì yòŋèn e ŋgaà və lìm woo Ahija woó Shilo.

Nehemia 9:24

Wón véví nèn wìy nə̀ə́, e yòv fó. Wò‑oò rèŋèr vitaáví vé wìr veé Kanan ve vé‑eè dzə́ fo, aáwune yéné, e nèn wày wír veé Kanan wùn aàfon véví, à wír ve vé‑eè dzə́ foo aáwuné wo, á wáa lovtí sho mo á kòŋèn.

Nsùyrì Nyùy 9:17

Ké wír ve á méŋ Nyùy ki kù jòʼsì ne ji kpú, kù bey, à ké vitum ve ví laysìn Nyùy vidzə̀m vi.

Ŋwàʼ Fəə 34:12

Vèn wáa yen fó gwàr mensaŋ vèn à wír veé kitum fo vèn dúu, fó lì aáwuné kitam, e jay dzə́ə.

Kintaŋ 13:17

Mooser‑iì lóo tum áwune ji á du, e shwèʼ á woŋ Kanan, e naàrì jii, «Vèn kóʼ, e shaà Negev, e dù fo mbìy, e kòʼ, e nə̀ə́ fo agwane dzəə̀n.

Remrí 1:7

Vèn ŋáʼáy lèn, a dù e wír veé Amorí wòŋ, e mbìv seé agwan. Vèn wáa dù e wòŋ se sí kaarin fó sidzə̀m. A sí dzə̀ jii, mbuŋ Jordan, woŋ agwan, à woŋ seé mboʼ si, a dù e wòŋ woó tsən, a dù e ŋguùŋè Rìbà Ndzə̀v, a dù e wòŋ Kanan, e dù, e yàʼáy agwan veé Lebanon, e dù bèy, e bàʼ e ndzəv ye wiyí yee Yufret.

Remrí 2:34

Vèsən‑eè sùm fó, e tòn ŋkà se laʼ sə́ sidzə̀m e ghan fóo fèy, e laàr vilum wùn à vikìy, à wóné, la kintiʼ ke wìr ki yòʼ bèr.

Remrí 7:24

Wù wíy way afon vév e věn wo, é vèn sə́ʼsí yír yév fó kitu ke nsay. Bó wìr yòʼ wíy tam vèn áwune, e meé mo vèn wíy laàr áwune.

Joshua 10:35

Á ku nèn màʼ rə́r bey, Isray tòn ŋkàlaʼ yee shooy e kishiíy fóo fèy, e laàr wir dzə̀m láarin, kù mo vé‑eè lovtin e Lakish.

Joshua 10:37

e tòn áwune, e yùyrí wir dzə̀m, à fòn wov. Wù tòn sa ŋkà se laʼ seé Hebron see fó ghaŋ sidzə̀m, e yùyrí wír vee fó adzə̀m, la wìr yòʼ gòʼ. Wù kù‑uù lòvtí shó réŋréŋ mo wù‑uù lovtin e Eglon. Wù‑uù laàr fó ŋkuuŋkùŋ, la wìr yòʼ bèr.

Joshua 10:39

e tòn wùn à fòn wov. Á kfən tòn sa ŋkà se laʼ sév sidzə̀m, e laàr wir dzə̀m ŋkuuŋkùŋ, la wìr yòʼ bèr. Joshua‑aà lòvtí e Debir réŋréŋ mo wù‑uù lovtin e Hebron, e lòvtí e Libna wùn à fòn wov.

Joshua 11:16

Á bèy, Joshua nèn sə̀ nsay vitum vee shooy e dzə̀m. Wù sə́ ye vitum veé mbìv aŋkoŋ, e sə̀ yeé mbìv Negev, à nsay Goshen e dzə̀m, à mbìv Shefela e sar se agwan, à mbuŋ Jordan. Yì‑iì sə̀ wun nsay ye dzəə̀n ji woŋ Isray e dzə̀m, yeé aŋkoŋ wùn à yeé mboʼ si,

Joshua 12:8

Virə́ʼ vin vi‑iì tàtí mbìv aŋkoŋ, à mbìv Shefela e sar se agwan, à virə́ʼ veé mbuŋ Jordan veé mbìv yee fo shùy yii nəə, à ŋguùŋè sə́ sí, à virə́ʼ vé woʼ ví, e lì Negev fo mbìv yee tsə́n. Wír ve vé‑eè dzə́ e nsay fène‑eè dzə̀ wír veé Hit wùn à veé Amori, à veé Kanane, à veé Perisi, à veé Hivi, e lì veé Jebus.

Joshua 18:21

Ŋkà se laʼ se rám Benjamin mo kfə́ə sév sí‑iì dzə̀kìn sí síne. Símóʼ sí dzə̀ jii, Jeriko, Bet‑Hogla, Emek‑Kesis,

Joshua 6:17

«Vèn kù kér fóo laàr ŋkàlaʼ wùn à kifá ke kí dzəə̀n shó ki kidzə̀m. Kifá kidzə̀m ki yíi a dzə nshwǐ Nyùy Tàr, a vèn yíi laàr laàrìn kidzə̀m, é may Rahav woo sàkì wùn à wìr dzə̀m wo wù dzəə̀n e wun lav ve á yíi bòy, bìʼ fo wù‑uù lìtìn vé ŋkiyi ve vèsən‑eè tumen.

Joshua 8:2

À yíi lovtí e fòn woó Ay wùn à wír vəə́ réŋréŋ mo wò‑oò lovtin e fòn woó Jeriko wùn à və́ vee wíri. Yii bèy, à yíi lì lèn kéŋ yév wùn à nyám sév sí ji nshwì wó. À yíi baʼtí wír ámóʼó, aá laáy laayín é bǎm ŋkàlaʼ.»

Joshua 8:27

Kù‑uù jòʼsì nyám si wùn à vifá ve ker vi veé ŋkàlaʼ Ay, ve wír veé Israyi‑iì liìn ji nsàʼmboʼ wov, réŋréŋ mo Nyùy Tàr‑iì suuyin e Joshua ji á wàá yii.

Joshua 9:24

Áwune bìnèr e Joshua jii, «Vèr‑iì fàn a dzə̀ kpú, e bó a yiì bèy. Vèr‑iì lo yù kijuujùŋ ji Nyùy Tàr woo Nyùy won yòŋ ne a e ŋgaà lìm və woo Mooser ji wun wíy way a nsay rə̀n e věn kiwo. Vèn wíy lòo nəə́, é wun laàr á wir dzə̀m wo wù dzə́ sho.