Joshua 10:4 - ŊWÀʼ NYÙY

⁴ «Vèn wiy, e sə̀ mo, é vèsən funen wír veé Gibeon, bìʼ fo áwune tarin ne shuu wùn à Joshua, à wír veé Israyi.»

Joshua 10:4 Iomraidhean Croise

Matio 16:24

Jesus suúy bey, e nèn sùúy e wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Joon 15:19

A vèn kì dzə̀ wír veé ndzə fèn, bo wír veé ndzə fène koŋ ven ji vév vee wír. Yii bèy, a bó vèn yòʼ dzə̀ wír veé ndzə fèn. Mò‑oò shòʼ ne ven, e fə̀ə́r fo fo, wír veé ndzə fène nén a bàn ven.

Lim Aŋgàa Ntum 21:28

a rəəmé ji wír veé Israyi wàá kaáy. Dzə̀ á wír və̀n wo wù ghán virə́ʼ vidzə̀m, yéʼey wíri ji á wáa leéy woŋ və̀n, wùn à Nsər Mooser, à lav Nyùy rə̀n ntéŋ. Wù kfən màysì lèn, e wìy e wír ve bó yòʼ dzəə̀n veé Judàa é lav cù fèn, a bivír kirə́ʼ ké Nyùy kìn sho.

2 Timoti 3:12

A dzə̀ mo kí kù yii dzə́. Wìr yii lóo tiy kfə́ wùn Jesus Kristu ji wun kù yú a dzə̀ fo Nyùy, bo kù dzə̀ mo á yíi a ròn wuú rə́,

Jeem 4:4

Vèn màʼày ne Nyùy, e kfə̀n moo wiíy wo wù ghán viŋkar. Bó vèn yòʼ kì jii, a wìr koò viŋkar wùn à vinyo veé ndzə fèn vi, bo wù sí ban Nyùy bánen a? Kí nén a dzə jii, wìr wo wù koŋ, a dzə ŋkar vinyò veé ndzə fèn, ŋgaàŋ lì ne kitú kfə́ á ji ŋgaà vibàn Nyùy.

Joshua 10:1

Adonisedek woo fon woó Jerusalem yú mo Joshua tònèn Ay, e laàr fó láarin e dzə̀m, e yiì e Ay wùn à fòn woo fó mo wù‑uù yiìn e Jeriko wùn à wóov woo fon. Wù kfən yù sá ji wír veé Gibeone tàr á ne shuu wùn à wír veé Israyi, a dzə aáwuné mvəm.

Joshua 10:5

Afon veé Amor vee atàn vìne nèn bàʼtí shuu sév sé rər, e dù gìŋ Gibeon, e taàmé áwune e rə́r sí. Kù‑uù dzə̀ afon vee jii, woó Jerusalem wùn à woó Hebron, à woó Jarmut, à woó Lakish, à woó Eglon.

Joshua 9:15

Joshua nèn gwàr kikoŋnìn wùn áwune, e gwàr mensaŋ ji bó yòʼ dzə̀ á kfə̀n laàr a áwune. Vilìmbìy veé Isray vi nèn fìnèr e kilìʼ kí.

1 Pita 4:4

Wáa dzə lèn wo bó vèn yòʼ dzəə́ táti ŋgoo wìr ve bó á yòʼ kiìn Nyùy vìn, a vèn áwune ghán, buʼtì vinyo vee shooy, á wáa ker gháʼ, a ghay kinyo ke kí kooyin, e nèn a bàn ven bánen, a kuùrì ven.

Ŋgaà Yen 16:14

Vibáy vìn vi dzə̀ vé anyùy, a ví ghán kitú ke nsay kidzə̀m, báʼti afon ji á fíʼ wìy fəə̀, a màʼ rə́r é kishiíy ke Nyùy woo Ŋgaà Vitaàví Vidzə̀m wíy fəə, a nə̀r kóy.