Joshua 10:39 - ŊWÀʼ NYÙY

³⁹ e tòn wùn à fòn wov. Á kfən tòn sa ŋkà se laʼ sév sidzə̀m, e laàr wir dzə̀m ŋkuuŋkùŋ, la wìr yòʼ bèr. Joshua‑aà lòvtí e Debir réŋréŋ mo wù‑uù lovtin e Hebron, e lòvtí e Libna wùn à fòn wov.

Joshua 10:39 Iomraidhean Croise

2 Afòn 10:11

Jehu nèn yùyrí wír ve vé‑eè berin fo Ahav ram é Jesreel adzə̀m, e kfə̀n yùyrí wír Ahav ve tavkíné adzə̀m wùn à ŋkar sə́ sé tim sí, aàtàá cù vəə́. Wù ku yùyrí bèy, e dù mèé mo wìr Ahav e dzə̀m‑eè màyìn.

Obadia 1:18

Rám Jakovi wíy a dzə və́y, é rám Joosevi wáa dzə kiliímé ke və̀y. Yii bèy, é rám Esavi wáa dzə kfə́ wúy, aáwune nèn tòn rám Esav, aá shwí, e rèŋ. Bó wìr yòʼ wíy bòy fo Esav ram.» Á mo Nyùy Tàr yòŋèn.

Remrí 3:3

Á mo Nyùy Tàr‑iì wayin Og woo fon woó Bashan wùn à wír vəə́ adzə̀m e vèsə́n wo bèy. Wù wáy, vèsən teè áwune, la kintiʼ ke wìr ki yòʼ bèr.

Joshua 10:33

Fòn Horam woó Geser nèn wìy ji wun tóm á wír veé Lakish, Joshua tòn, e yùyrí wír və́ adzə̀m, la wìr yòʼ gòʼ e tin.

Joshua 10:37

e tòn áwune, e yùyrí wir dzə̀m, à fòn wov. Wù tòn sa ŋkà se laʼ seé Hebron see fó ghaŋ sidzə̀m, e yùyrí wír vee fó adzə̀m, la wìr yòʼ gòʼ. Wù kù‑uù lòvtí shó réŋréŋ mo wù‑uù lovtin e Eglon. Wù‑uù laàr fó ŋkuuŋkùŋ, la wìr yòʼ bèr.

Joshua 10:38

Joshua wùn à shúu rər woó Israyi nèn siìr ŋkfənèr, e dù e Debir, e nə̀ə́ áwune e rə́r sí,

Joshua 10:40

Á mo Joshua‑aà tònèn woŋ woo shooy e dzə̀m. Wù‑uù tòn vitúm veé mbìv aŋkoŋ, e tòn veé mbìv Negev, à veé mbìv Shefela e sar se agwan, e lì veé babá sí, a kfənér e mbìv ròŋ. Wù‑uù tòn virə́ʼ vin wùn aàfon véví adzə̀m, e làa yòʼ màʼtì wír. Wù kù‑uù yùyrí adzə̀m mo Nyùy Tàr woo Nyùy wìr veé Isray‑iì yòŋèn.

Joshua 11:8

Á bèy, Nyùy Tàr wáy afon vìy wùn à vé rər véví e wír veé Israyí wo, Isray wáa jùm áwune, a yuyrí, e jùm bèn, e dù bàʼ e Sidon wo wiy, e shaà dù e Misrefot‑Mayim, e kfə̀n jùm e dù duùn é mbìv yee fo shùy yii tó, e dù bàʼ e mboʼ yeé Mispe, e yùyrí áwune yúyrín, la wìr yòʼ gòʼ e tin.

Joshua 12:13

fon woó Debir, fon woó Geder,

1 Samuel 15:3

Dù lèn, e nə̀ə́ wír veé Amaleki e rə́r sí, e laàr áwune wùn à kifá kév kí kidzə̀m. Lá à yòʼ bàvtí kifá fo. Yúyrí vilum wùn à vikìy, à wóné, à wón ve bóri. Yúyrí sá anàʼ wùn aànjìi, aàkameri, à vimbèʼbìy ví.› »

1 Samuel 15:8

Wù koó Fòn Agag woó Amalek e tin, e yùyrí wír və́ adzə̀m adzə̀m.