Joshua 10:37 - ŊWÀʼ NYÙY

³⁷ e tòn áwune, e yùyrí wir dzə̀m, à fòn wov. Wù tòn sa ŋkà se laʼ seé Hebron see fó ghaŋ sidzə̀m, e yùyrí wír vee fó adzə̀m, la wìr yòʼ gòʼ. Wù kù‑uù lòvtí shó réŋréŋ mo wù‑uù lovtin e Eglon. Wù‑uù laàr fó ŋkuuŋkùŋ, la wìr yòʼ bèr.

Joshua 10:37 Iomraidhean Croise

Ŋwàʼ Fəə 17:13

Bìʼ bey, Joshua nèn sə̀ʼsí wír veé Amalek e nyùy.

Joshua 10:28

Joshua nèn tòn ŋkàlaʼ yee Makkeda e kishiíy fóo fèy, e yùyrí fon woo fó, e laàr wir dzə̀m fo fo ŋkuuŋkùŋ, e làa yòʼ ber wír. Wù kù‑uù yiì e fòn woó Makkeda mo wù‑uù yiìn e fòn woó Jeriko.

Joshua 10:35

Á ku nèn màʼ rə́r bey, Isray tòn ŋkàlaʼ yee shooy e kishiíy fóo fèy, e laàr wir dzə̀m láarin, kù mo vé‑eè lovtin e Lakish.

Joshua 10:36

Joshua wùn à shúu rər woó Israyi nèn kòʼ fó Eglon, e taàmé Hebron e rə́r sí,

Joshua 10:38

Joshua wùn à shúu rər woó Israyi nèn siìr ŋkfənèr, e dù e Debir, e nə̀ə́ áwune e rə́r sí,

Joshua 10:39

e tòn wùn à fòn wov. Á kfən tòn sa ŋkà se laʼ sév sidzə̀m, e laàr wir dzə̀m ŋkuuŋkùŋ, la wìr yòʼ bèr. Joshua‑aà lòvtí e Debir réŋréŋ mo wù‑uù lovtin e Hebron, e lòvtí e Libna wùn à fòn wov.

Joshua 10:40

Á mo Joshua‑aà tònèn woŋ woo shooy e dzə̀m. Wù‑uù tòn vitúm veé mbìv aŋkoŋ, e tòn veé mbìv Negev, à veé mbìv Shefela e sar se agwan, e lì veé babá sí, a kfənér e mbìv ròŋ. Wù‑uù tòn virə́ʼ vin wùn aàfon véví adzə̀m, e làa yòʼ màʼtì wír. Wù kù‑uù yùyrí adzə̀m mo Nyùy Tàr woo Nyùy wìr veé Isray‑iì yòŋèn.

Joshua 11:12

Joshua tòn ŋkà se laʼ sìy sidzə̀m wùn aàfon véví, e yùyrí wir dzə̀m, e laàr fó láarin réŋréŋ mo Mooser woo ŋgaà lìm Nyùy Tàr‑iì yòŋèn ji á kù wíy yiì.